12-28-2011, 09:45 PM | #1 | |||||
شاعر السقيفه
|
حضرمي عالتعب داهل وكثر النوايب ( بن بريك )
بسم الله الرحمن الرحيم السلام عليكم ورحمة الله وبركاته
ابتدي بالتحية عد برق السحايب = عد دحقات كل قانص بروس الجبالي خاطري ماصفى من ضيق قد له سبايب = جيت باقول ماقد جال في وسط بالي لا تأملت في الدنيا نشوف العجايب = صعب نلقى بها مرتاح والحال سالي من لقيته شكى حاله وكثر المصايب = ما لقينا عليها قلب من هم خالي حد شكى قسوة الغربة وفرق الحبايب = وانت يا هاجسي تشكي طوال الليالي كل ما قلت بكرة يختفي كل عايب = والتعب ينتسي والمر بيعود حالي والوطن بايعانق كل من كان غايب = قلت لي حلم يازينه وماله مثالي من زمان الصبا نحلم وانا اليوم شايب = صبر ايوب صابرته طلب للمعالي حضرمي عالتعب داهل وكثر النوايب = دعوة الجد حقت من سنين(ن) خوالي واحمد الله على كل حال لله تايب = وانتظر رحمة المعبود رب الجلالي واحسب اني بما قد قلت للحق صايب = واحتكم عندكم ان كان زلة جمالي دمت ماسك بحبل الله مانا بخايب = مطلبي نسكن الفردوس في قصر عالي بن بريك
3/2/1433هـ |
|||||
مواقع النشر (المفضلة) |
|
|
|