مجلس الدان الحضرمي

[عيبون]

هذه تحياتي ميه والفين كر=وعداد لول البحر وعداد السمك
تبلغ وعول الحيد بسرعه والعجل=في شانهم مابانغيب

[المستقل]

أمسك بحبل الله و اؤمن بالقدر = وحسك تخاف الهيم لاهو يلدغك
واحمل حمولك مثل ما غيرك يشل=والذيب ما يخشاه ذيب

[ابو صقر..]

مجلسك عامر بالوفأ مايوم قر=وتجيب لا يالذيب من عالباب دك
مافيه حد يغلط ولا حد يوم زل=كلن على النهج الاديب
ولا الغلط وارد ونحنى الا بشر=نغلط ولكن دوب عازينه مسك
من شان تعطي لا دعى وقت القبل=وتكون لي فاطر منيب

[عيبون]

ذلا ضروف الوقت واحكام القدر=قط ماتجي عالكيف او عامطلبك
والحظ لاشافك مصعّد هو نزل=ماقد طعمتك يالصبيب
باعيش في ارضي على قحي الفقر=بي صوب مابين المطاحن والحنك
كله سببه البعد وفراق السقل=والطير في عشّه يطيب
والوعل ناموسه حيوده والشحر=لكنهم صادوه ووقع (ف)الشبك
من بعد ماكانت قرونه بالقلل=الثعل يسحبها سحيب

[المستقل]

شا مخ يهر عالي وما اطول يهر=مجنون من ظنه يهرنا بايدك
في الماء ترى ما غير يمتاس الطّفل=وللحجر ما هو مذيب

[عمر الذيب]

متا بعكم وانا على احر من الجمر بس عندي ضيوف لذلك لا استطيع المشاركه
اعذروني بس انا متابع ابداعاتكم الراقيه على هذا الصوت

[الواقعي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

حيا بمن دق المخالع عالزبر=والقا لها غرضه وشد زام الفلك بعد الخفيفه بايشل حمل الثقل=لاراس عبدالله غريب الكلمه الزينه تسر الحال سر=وتحك لي صفره مكانه ما حتك واليوم حك الصفر يازبن العول=في مجلسي ما با تخيب

الشعب لخظر بعد ما رحتو غبر=والصدر ضيّق حس في حالي ظنك
=حتي العنب ذقناه ياصاحبي خل
=والعاد حد يطعم زبيب
لا بد من صنعاء ولو طال السفر=وان قدّر الرحمن بيدور الفلك
=دام الامل موجود يرجع من رحل
=ويخظّر الشعب الخصيب

[عمر الذيب]

اقتباس : المشاركة الأصلية كتبت بواسطة الواقعي [ مشاهدة المشاركة ]

الشعب لخظر بعد ما رحتو غبر=والصدر ضيّق حس في حالي ظنك =حتي العنب ذقناه ياصاحبي خل =والعاد حد يطعم زبيب لا بد من صنعاء ولو طال السفر=وان قدّر الرحمن بيدور الفلك =دام الامل موجود يرجع من رحل =ويخظّر الشعب الخصيب

في سعفتك لو قلت لي سطح القمر=باقول لك يالواقعي شفني معك
سعفتك مكسب بخت من عندك وصل=بي شب من بعد المشيب
انته وبو رائد وكم من معتبر=اذكره لاذكر تك ودائم اذكرك
اذكرك في ليلي وساعات المظل=لانك اخو منته جنيب

[المستقل]

لشعاب حمراء لي تظنوها زّهر=ماغير فيها الشوك يدقدق والحسك
اما الصحاري عالاقل فيها اللعبل=ورملها ناعم رغيب

[المستقل]

انا فضولي وعذروني يا عمر=ما غير بغيت الشيخ يراني في المحك
ويقول هذا الزّقر في عيني بطل=با أمنحه رتبه نقيب
وقالو لنا الشّيبان أعّثر تنّذكر= ولي ما رقص على الطبل قربع له تنك
وذا اّلعقل حنّب لك تظاهر بالّهبل=هذة نصيحة من نسيب