مجلس الدان الحضرمي

[الفتى الرحال]

وكسر الساق ماضنية هو يجبر=وفل كفه نعم بنخلي الكسره
=وبانقطع عليك الشك والاعذار

[عمر الذيب]

تعا طف يا المحب لاتكون انته والزمن ضدي=كفاني ما جرالي من صحاب الظلم والبهتان
نصت لي واستمع لي لا تقع ظالم ومتحدي=ترى هرج الوشايه من تقبض به ضوى خسران
=عمر الذيب

[صوت سيبان]

إليكم هذا الفصل الجديد أمل يعجبكم ول وزنية اللحن هذاا لبدع الأساسي يقول فيه

لاجيت باكلم ضنيني*دبر وخلاني وبت=ياحسف جودي والزيانه* فيهم قصيرين الشروع

الفصل الجديد

لاياطيور السعد حطي*بين المكلا والمقد=يالله عسى متع عيوني*في منظر السرب الجميل
مظلوم جم والظلم مبطي*ماشفت شي غير النكد=غارق وكابد في شؤني*بين الصحيفه والسبيل
ون قلت لاياعين شطي*ترفض بقوّه ياولد=وتقول هاذولاّ بكوني*وخلوا إدموعي تسيل

[رنين الوتر]

كفو والله الفصلين كلهن راقيات من اساتذه راقيين
خلو كلن يقصد على الفصل اللي يباه

[صوت سيبان]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

تعا طف يا المحب لاتكون انته والزمن ضدي=كفاني ما جرالي من صحاب الظلم والبهتان نصت لي واستمع لي لا تقع ظالم ومتحدي=ترى هرج الوشايه من تقبض به ضوى خسران =عمر الذيب

البنادق تقارحت قريب من بعضها البعض يأجل فصلي لاخر السمر

صحاب الظلم من فوق الكنب ركاب فالقدي=وعاصوت المسجل ياعمر يتسمعون الدان
ولاحد منهم فكر في الشرقي ولا النجدي=وقد ضاعوا هباء بين الكفف والرطل والميزان

[رنين الوتر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

تعا طف يا المحب لاتكون انته والزمن ضدي=كفاني ما جرالي من صحاب الظلم والبهتان نصت لي واستمع لي لا تقع ظالم ومتحدي=ترى هرج الوشايه من تقبض به ضوى خسران =عمر الذيب

ومن ظلم المحب يالذيب سال الدمع عاخدي=قسي قلبه علي واصبح شبيه ابصخرة الصمان
وجوه صار ثاني ماعرف حري ولا بردي=بعد ماغرروا به ضد خله شلة الشيطان

[عمر الذيب]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

البنادق تقارحت قريب من بعضها البعض يأجل فصلي لاخر السمر صحاب الظلم من فوق الكنب ركاب فالقدي=وعاصوت المسجل ياعمر يتسمعون الدان ولاحد منهم فكر في الشرقي ولا النجدي=وقد ضاعوا هباء بين الكفف والرطل والميزان

هلاء باللي كلامه ما يجي شيكات جاء نقدي=وبعد الضيق لي بي من كلامه خاطري ميدان
تفضل شل بدك قال بو طارق وخل بدي=على المرجاع با شله متى ما قدر الرحمن

[صوت سيبان]

اقتباس : المشاركة الأصلية كتبت بواسطة رنين الوتر [ مشاهدة المشاركة ]

ومن ظلم المحب يالذيب سال الدمع عاخدي=قسي قلبه علي واصبح شبيه ابصخرة الصمان وجوه صار ثاني ماعرف حري ولا بردي=بعد ماغرروا به ضد خله شلة الشيطان

عمر يشكي من البطره وأنا من قلت العدي=معي بسطه وهو عنده في الحله ميت دكان
ويعرف لكنت الجاوه ويعرف رطنت الهندي=وحافظ لهجت المصري ومتولع في السودان

[الواقعي]

كلام يا شعار الله يهطيكم العافيه
متابعين و مستمتعين

[مجمل]

انا حب الكلام الزين موروثه وراء جدي = وحب القول ذي طعمه بغيه من عسل جردان
وذلا الوقت يالخوان ذي هو قد وقف ضدي = وخلاني مقصر في وصالك ياغصين البان