مجلس الدان الحضرمي

[بن احمد]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

كلامك صدق لكن ما تقع بالغصب شي دخله=وحسب الشرع دخلت غصب لهل البنت اكبر عار ولكني مساهن ذي السنه حفله وهي حفله=كبيره باتقع يابن حمد بالطبل والمزمار وبعد الحفل با تعبر على كل العرب نفله=وبا يصفى لك الصافي وبس في حجر بن دغار

شدادي فوق ريمي ياعمر ومعي عصا دقله=بيدي والزهاب اليوم جاهز لي عليه البار
على ذا العهد ماببكي ولي بعده ولي قبله=لان الفرق ماشي فرق شف عامر كما عمّار

[صوت سيبان]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

سرى يالمشجري هتلي خبر من باهي الطله=ابا الموجز وبالتفصيل منك صافي الاخبار ترى لحمي وعظماني لها ساعات في رقله=وفر النوم من عيني ولا عندي خبر وش سار

حسبت أني رجل عاقل ولكن مامعي قفله=ضرب من هاهنا عا الجافله في حجر بن دغار
ولكن الرصاصه ماخطت صابته عاغفله=ولاهي حرفنه 00صابته بمر الواحد القهار

[عمر الذيب]

اقتباس : المشاركة الأصلية كتبت بواسطة بن احمد [ مشاهدة المشاركة ]

شدادي فوق ريمي ياعمر ومعي عصا دقله=بيدي والزهاب اليوم جاهز لي عليه البار على ذا العهد ماببكي ولي قبله ولي بعده=لان الفرق ماشي فرق شف عامر كما عمّار

نصحناكم من استهتاركم والبصق والتفله=ومن بعض الامور الخارجه والهرج ليهو حار
ركبتو روسكم وتقارنون الفيل بالنمله=وهذا ما يناسب حد داخل محمده والغار
وبعده ثارة الشاره وشربة ارض بن قمله=وبيت سيلها يعزف وديمه ليلها ونهار
ثلاثه في ثلاثه في ثنعشر اول الهمله=ولي مقبل يفزع او ترك فطوم يا غوار

[عمر الذيب]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

حسبت أني رجل عاقل ولكن مامعي قفله=ضرب من هاهنا عا الجافله في حجر بن دغار ولكن الرصاصه ماخطت صابته عاغفله=ولاهي حرفنه 00صابته بمر الواحد القهار

انا عارفك ما تخطي تصيب العرم وتشله=ببو مقصين لي ضاري يكسر في النشم كسار
غزه من حيث ماتنوي وشل حمله قفى حمله=وكرر عالهدف لما يخر وترتخي الاوتار

[ابن كلاع الحميري]

نظيفه بنت فل عشرين وهي قد ذاقة القبله=ولا ترجع لكم حتى ولا هل المطر مدرار
فقط شوفه بكى عنتر وحدي اليوم عاعبله=وضاق الحال في هذا الزمن ديهو عليهم جار

[أحمد العمودي أبوفيصل]

مساكم الله بالخير من منتزه الساحل الشرقي بجده

[عمر الذيب]

اقتباس : المشاركة الأصلية كتبت بواسطة ابن كلاع الحميري [ مشاهدة المشاركة ]

نظيفه بنت فل عشرين وهي قد ذاقة القبله=ولا ترجع لكم حتى ولا هل المطر مدرار فقط شوفه بكى عنتر وحدي اليوم عاعبله=وضاق الحال في هذا الزمن ديهو عليهم جار

الى للامر ما بعده بغينا العلب والنخله=ولا با نقبل اليمنه تقع في بنصر الايسار
معانا الكنش والباروت والبلجيك والنصله=معد با نقبل الباطل ولا راس الحنش في الدار

[صوت سيبان]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

انا عارفك ما تخطي تصيب العرم وتشله=ببو مقصين لي ضاري يكسر في النشم كسار غزه من حيث ماتنوي وشل حمله قفى حمله=وكرر عالهدف لما يخر وترتخي الاوتار

أنا دليت درب(ن)ياعمر عارفه ودله=خساره في خساره متكسب حاجه من المشوار
وذي في خاطرك هذا السنه ماضن توصله=ولكنك توله هاهناء وأسمر مع السمار

[ابن كلاع الحميري]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

الى للامر ما بعده بغينا العلب والنخله=ولا با نقبل اليمنه تقع في بنصر الايسار معانا الكنش والباروت والبلجيك والنصله=معد با نقبل الباطل ولا راس الحنش في الدار

وانا ضني عمر هذا السنه بلقيله الجدله=ولا طبه سوى ياصاحبي بكويه بلمسمار
ويمكن بي صحئ ياصاحبي من هذه الغفله=وباذكرك ياصاحب نعم لاطالت الاعمار

[ابن كلاع الحميري]

وفي ذاك الزمن شوفك سكنة القصر والفله=وفي هذا الزمن شوفك عكست السير والدوار
وزمرتكم نعم شفنا شويناهم على المله =ويبن الذيب انا شفني معك باكمل المشوار