قصيدة في الطب { احذر (سـكّر ) }>>

[مبروك بن ماضي]

أحـبـتـي .. ( السكر ) مرض العـصر حماكم الله مـنـه ومن كل مـكروه
أصاب أخوكم كمـا أصاب الكثيرين من الناس ونـسأل الله للـجمـيع ـ الـشفـاء . وعليه جات هـذة القـصيدة في أعراض هذا المرض وإعطاء النصائـح والارشادات حوله . أسمحوا لي بنشرها هنا في إطار التنويع الشعري والتواصل المبهج معكم .. تقبلوا تحياتي ..
[poet font="Tahoma,4,indigo,normal,normal" bkcolor="coral" bkimage="" border="ridge,9,burlywood" type=0 line=200% align=center use=sp char="" num="0,black"]



(.سـكري.)
**********

حسيـت بـكفـوفـي والأقـــدام تـنــمـيـل =مثل الذي يمشي عـلى الجـمـر والشـوك
وخـمـول في جـسـمـي وعـيـنـي زغالـيل = ونـقـصٍ بـوزنـي لـلـمـلا صــار مـدروك

رحـت الـطـبـيــب وقــال نـعـمـل تـحـالــيـل =وبـاكـر بـنـعـطـيـك الـنـتـيـجـه ( يامبروك)
جــيـــتـه وقـال الـضـغـط مـرفـوع بالـحـيـل =والـسـبـة ( الـسـكر) وفـعـلـه ونـا خـوك
بـــــدّل نـظـام غْــــذاك يــاصـــاح تـبـديـل =واسـمـع نـصـيــحـة كل من هـم يـحـبـوك
واحــــذر من الـســكـر وقـــلـلـه تـقـلـيـل =وأي طـعـامٍ بـالـنـــشـاء صـــار مـشـروك
واهم شي. تـمـشـي في اليوم كم ميل =أسـمـع تـرى لـلجـري بـنـصـح وابـدعـوك
لـو خـذت ( الانـسولين ) بالصـبـح والـلـيـل =مـافــاد لـو عـشـريـن إبـــره يـضـر بـوك
وبـعـد الـتـوكل عـالـــذي يـعــدل الـمـيـل =أوصـيـك (بـالـحميـه ) بـهـا الحل( يـابـوك)
مـن قــبـل مـاتـلـقى الـعـنـا والـبـهـاذيـل =أحـرص عـلى نـفـسـك وصحـتـك أرجـوك

***************

أخـوكـم ومـحـبـكم / بن مـاضي







[/poet]

[سالم محمد بلفقيه ((الشرقاوي))]

لا اله الا الله محمد رسول الله

حسبي الله ونعم الوكيل

ماتشوف شر اخونا مبروك بن ماضي والله يبعد الشر عنك وعن كل من قرأ قصيدتك امين0

ولكن مانقول غير الحمد لله على كل حال وماتشوف شر مره ثانيه0



والحمد لله ان المؤمن امره كله خير وصدق رسول الله صلى الله عليه
وعلى اله في حديثه الشريف بما معناه حتى الشوكه اذا اصابت
المؤمن تكفر من ذنوبه ويحصل عليها حسنات مابالك بالامراض هذه
اللي سببها الحكام لانهم يعيشون شعبهم في ظروف خانقه

[جمال العطاس]

يسلم راسك ياأبن الأجواد
والعافية ماتفارق بدنك يارب .
قصيدة رائعة وأنت الأروع . وين كنت ياخوي من أول الله يسلمك.
أكرمتنا بحضورك ياابن الكرام . صحيح يقولون :
( اعط العيش خبّازه حتى لو أكل نصه ) . المبدع مبدع

وخذ هذه الأبيات يامبروك من خوك :

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/3.gif" border="double,2,gray" type=0 line=200% align=center use=sp char="" num="0,black"]
الســـكري ياخــوي لاجـاء لحد ( ويل ) = تشــوف وجهه شــاحب اللون منــهوك
نص العرب شفهم مراض ومداعيل = من كثر ماشافوا من الجور ياخوك
الوضع نكّل بالمخاليق تنكيل = قذّفهم الصفراء وثُمْ راكهم روك
وأغلب عباد الله صاروا مهابيل = واحد ترى جيّد وعشرين صعلوك
لا شفتهم تحسبهم الا مساطيل = ماعاد شئ ذيك التفاريح والزوك
وياكثرهم ذي همهم في الأقاويل = ساعه يشلونك وساعه يحطوك
تسمع من اخبار العرب شئ ( تهاويل ) = إن طعتهم وإلا بلا ذنب بغضوك
والهم ذابحهم مسوي الأفاعيل = صاروا حيارى كنهم وسط سنبوك
كلما لها تزتر ولاشئ تساهيل = كل من لحق له باب حصّله مصكوك
وسلامتك ياخوي ياأبن الرجاجيل = من قال لي من خوك باقول مبروك
[/poet]

وسلامة الجميع من السكر والضغط .
وذلا بغينا بانسلي عليكم انا واخوي مبروك
تنويع عسى يعجبكم !!!

[المحضاري]

شفاك الله وشفاني ....
وجميع مرضى المسلمين ...

اذكر انني قبل ان اعرف باصابتي بهذا المرض كان الناس يلاحظون علي ضعف جسمي ونحله ...
فكتبت الكليمات المتواضعة التالية
[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/21.gif" border="none,2,gray" type=1 line=200% align=center use=sp char="" num="0,black"]
قالوا لي اني صار جسمي هزيل = فقلت ماتدرون اسباب هزلي
من صاحبي لي هو بوصله علي بخيل = ماهدني ماغير بالبعد خلي
الناس تصبح وتمسي وانا دوب في ليل = مالي سوى الأنات والحزن من لي
اسامر النجمات واسهر مع سهيل = عفت المنام وعفت صحبي واهلي
[/poet]

[جمال العطاس]

سلامتك يالمحضاري ..
وياخير قصيدة . وليه ماتطرح بعض القصايد في سقيفة
المحضار وبدوي . اكيد لك نصوص لاتحرمنا منها ياأخي.

[المحضاري]

شكرا اخوي جمال العطاس ...
وحقيقة هذي شهادة اعتز بها من استاذ كبير وفيها تشجيع اتمنى اكون استحقه ...
وان شاء الله ساحاول وضع بعض كليماتي المتواضعة في المنتدى قريبا