صدق من قال

[سبع الليل]

صدق من قال

قال شاعر سلمنا والعواقب سليمه=بعد شده ألتقينا فوق بر السلامه
اخزوا أبليس ياصحاب القلوب الرحيمه=مايطيب السمر في ليل دامس ظلامه
العلاقه قويه والصداقه حميمه=والادب وأحترام الغير مبدى الامامه
مكسب الناس والجاويد نعمه عظيمه=والتفاهم وحسن الخلق طبع النشامه
بالسهب كل شي ياتي وكلمه حشيمه=وبالرضى والقناعه ترتفع كل هامه
سمعوا أمثال من زام العصور القديمه=لقنوها لنا الشيبان لجل الكرامه
لا تساير قليل الخير صاحب نميمه= لجل ماتعيش في دار الخزي والندامه
وانتبه تسمع الواشي وهبة نسيمه=عقبها كير حامي ملتهب في كلامه
والسويرق ذهن منه وكسر شريمه=سارق الناس مايحوى الشرف والشهامه
ومن تعدى حرم غيره تعدوا حريمه=ومن تخطا قدام الناس كسروا قدامه
واحذر السيل لي مبعد وتسمع هميمه=وارتفع من مجاري السيل ميتين قامه
وأرفع الراس لاتوطي وشد العزيمه=رافع الراس له في كل قعيده مقامه
وكل مظلوم لابد يقتصي من ظليمه=قالها الله عظيم الشأن يوم القيامه
لا تغرك في الدنيا مظاهر وهيمه=اوتغرك كراسي او مناصب زعامه
كلها زائله ياهل العقول الفهيمه=والبقى لمن خلق لنسان واكسى عظامه
ربنا خالق الجنه وخالق جحيمه=ولي خلق شهر فيه الخير وأفرض صيامه
شهر رمضان شهر الجود يكثر نعيمه=فيه ليله نوريه ما اغشتها القتامه
والف صلوا على من أرضعته حليمه=النبي صاحب المعراج هو والعلام

[طالب النعماني]

ياسلاااااااااااااااااااام عليك يالسبع
انشهد انك سبع
كلام رائع وفي الصميم

[ابو ماجد باصليب]

مكـسـب الـنـاس والـجـاويـد نـعـمـه عظـيـمـه
والتفـاهـم وحـسـن الـخـلـق طـبــع النـشـامـه
كلاااااااااااااام
وافي
من شاعر وفي
صصصصصصح لسسسسانك
يا سبع اليل
تقبل مروري

[محمد سعيد بن مخاشن]

أحسنت يا السبع يا النشمي ( ولي عودة ولكن الآن ما نقول إلا العتب على قل الوقت ).
يا ريت كل الإخوة يقرأون هذه القصيدة ويعملون بمقتضاها.

[سالم علي الجرو]

يا خير قصيدة يا السّبع ، الله يعطيك العافية وكما جاء في ردّ الأخ ابو صالح:

اقتباس :

يا ريت كل الإخوة يقرأون هذه القصيدة ويعملون بمقتضاها.

[سبع الليل]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

ياسلاااااااااااااااااااام عليك يالسبع انشهد انك سبع كلام رائع وفي الصميم

شكرا لك اخي طالب على المرور الكريم اسعدنا وشرفّنا حضور يالطيب
بارك الله فيك

[سبع الليل]

اقتباس : المشاركة الأصلية كتبت بواسطة ابو ماجد باصليب [ مشاهدة المشاركة ]

مكـسـب الـنـاس والـجـاويـد نـعـمـه عظـيـمـه والتفـاهـم وحـسـن الـخـلـق طـبــع النـشـامـه كلاااااااااااااام وافي من شاعر وفي صصصصصصح لسسسسانك يا سبع اليل تقبل مروري

ابوماجد لك العافيه يالطيب شكراً جزيلا على مرورك الكريم اسعدنا وأسرنا حضور
الله يحفظك ويبارك فيك

[سبع الليل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

أحسنت يا السبع يا النشمي ( ولي عودة ولكن الآن ما نقول إلا العتب على قل الوقت ). يا ريت كل الإخوة يقرأون هذه القصيدة ويعملون بمقتضاها.

حيا الله بوصالح الخيّر بارك الله فيك وابقاك يالنشمي
شكرا لمرورك الكريم اسعدنا وشرفّنا كثير حضور مطلوب ومهم
حفظك الله وابقاك يالطيب

[سبع الليل]

اقتباس : المشاركة الأصلية كتبت بواسطة صمت المشاعر [ مشاهدة المشاركة ]

يا خير قصيدة يا السّبع ، الله يعطيك العافية وكما جاء في ردّ الأخ ابو صالح:

أطال الله في عمرك وجعل لك في كل خطوه سلامه أشكرك جزيل الشكر اخي صمت الشاعر
مرورك مهم ومطلوب يالخيّر اسعدنا وشرّفنا كثير يالنشمي تقبل تحياتي واحترامي لشخصك الكريم

[عيبون]

سبع اسم على مسمى وقصيده عصمى وانا من محبّي قصايدك تقبل مروري