مساجلات الزامــــل الشعبي

[سبع الليل]

سلام مني لاهل وادي العين= اهل السيوف الصارمه والهندواني
من عند سبع الليل له يومين= بيدير فكره في المعاني

[طالب النعماني]

بارح تلولاء منبع النهرين=منه شربنا شرب هاني
دم العلوج وصّل الي البحرين=واللحم وصّل لا عماني
قطع علوج الكفر بالسكين=ريته كتب له عمر ثاني
للاه دره حاني القرنين=حامي دياره والمباني

[طالب النعماني]

اقتباس :

الرسالة الأصلية كتبت بواسطة طالب باتيس النعماني بارح تلولاء منبع النهرين=منه شربنا شرب هاني دم العلوج وصّل الي البحرين=واللحم وصّل لا عماني قطع علوج الكفر بالسكين=ريته كتب له عمر ثاني للاه دره حاني القرنين=حامي دياره والمباني

مطلوب الفصل ياشباب وهذه المره عليك يالجنرال

[الجنرال]

يابن حسن حتى طلبت العين=لك تفداك دي قولك رواني
مايستوي اصلي مع تقليد صين=والقول في قصده والمعاني
انت المغنى وصاحب التلحين=والعز من غيرك هواني
ماتقطع العيدان في اللحم السمين=ماعزه الا بالحديد الهندواني

صديقي وزميلي ابو راضي الفصل من عندكم وانا مجرد ضيف ومايكرم الضيف غير مولى المكان مع تحياتي لجميع الشعار
اخوكم الجنرال

[aboanter]

شكراً جزيلاً لك الاخوه فرسان الزوامل وخصبه كل من رحب وسهل
الاخوان ابو راضي وسبع الليل وشرهوت والجميع وان دل هذا على شي
انما يدل على الاصاله .

الفين يا حيا رحب الفين = باهل الفكر واهل المعاني
لي يعشقون الكنش بو سطرين =كسب السلاب العيلماني
في جبركم بااكلف القدمين= باجيب داعي من دعاني
لا شهر يكفيني ولا شهرين = في سعفكم يااهل الغواني

[طالب النعماني]

صح لسانك اخي خالد العوبثاني ابو عنتر
واهنيك على نجاحك في تصميم موقع الدان ويشرفني ان اضع الرابط هنا من اجل اطلاع اخواننا على الموقع والاستفاده من معلوماتهم وارجوا ان يساعدونك على نجاح هذا الموقع التراثي
وهذا العنوانhttp://www5.domaindlx.com/aboanter/index.asp

[طالب النعماني]

ذا فصل باوجه رساله عاجله=لاعندهم لي ينظمون القافيه
واعسا نذكرها القلوب الغافله=من شان نمسي والخواطر صافيه
واليوم باهني لكم والقابله=بالعيد عيد الخير عيد العافيه
يابخت كل من سار سعف القافله=وامشى قداء مكه ورجله حافيه

[الجنرال]

قم ياهاجسي شل الحمول الجايره=واحذر من الزلات هي والعاثره
لاتعتذر وسط الذياب العاويه=دي هم يحطون المكاوي حاميه
اهل السلى اهل القلوب الساليه=مايقنصوا غير الوعول الحانيه
والنفس تتمنى ولاهي عارفه=ان الزمن غدار ماله عاقبه
لاتحسب الدنيا تراها فانيه=والعارف الفاطن يعد للاخره
يالله عسى سترك وحست الخاتمه=والطف بنا في لاوله والتاليه
ويابخت من حل الجنان العاليه=يشبع نطر وسط النهار الجاريه

[طالب النعماني]

اقتباس :

الرسالة الأصلية كتبت بواسطة طالب باتيس النعماني ذا فصل باوجه رساله عاجله=لاعندهم لي ينظمون القافيه واعسا نذكرها القلوب الغافله=من شان نمسي والخواطر صافيه واليوم باهني لكم والقابله=بالعيد عيد الخير عيد العافيه يابخت كل من سار سعف القافله=وامشى قداء مكه ورجله حافيه

[fahtoot2000]

السلام عليكم ورحمة الله وحجا مبرور ان شا الله

وصلت رسالتكم مثيل الحافله=ماشي خلل فيها رساله وافيه
ذكرتنا بالفرض هو والنافله=ومأكده نفسي ولاهي نافيه
يابن حسن عندي حليله جافله=تبرد وخلق الله تمسي دافيه