لنـاس لامونـي وأنـا ماعلـي لــوم@@@@@@@@@@

[كنت السراب]

النـاس لامونـي وأنـا ماعلـي لــوم***في حـب عمهـوج مـن البيـض عفـرا

لـو انهـا فـي مـدة الفـرس والـروم***لعبـت بقيصـر وسهـرت عيـن كسـرا

يلومنـي مـن لاجفـا عيـنـه الـنـوم***مـن لايجـاذب دمعتـه كـل عـصـرا

ماهـو بمثلـي مـن زمانيـن مضـيـوم***ليلآ صويب وليـل مـن ضمـن الاسـرا

أقرا مواضيع أمـس وكتـب عـن اليـوم***ونحـد نشدنـي قلـت لاكتـب ولا قـرا

حـب النقـا راعيـه بالصمـت ملـزوم***وانـا بـحـال الـحـب وخـبـاره ادرا

وجدي علـى اللـي قربهـا غايتـي دوم***الـلـي تلاوعـنـي بـصـد وهـجـرا

الجـادل اللـي حبهـا ســر مكـتـوم***ورمــوز قـصـه واقعـيـه وذكــرا

في صمتهـا الراهـب مواضيـع وعلـوم***تلهيـك عـن باقـي المواضيـع لاخـرا

جمالهـا عنـد اجمـل الخلـق مـعـدوم***وموصفـه شمسـآ علـى وصـف بـدرا

مثـل الهـلال حجاجهـا كنـه مرسـوم***والخـد بـدرآ والجعـد لـيـل غــدرا

والعيـن بحـر عـازل قـوم عـن قـوم***لبسـو السـواد ومحتضـيـن للمـسـرا

وخاتـم سليمـان بـه الــدر منـضـوم***والشفتـيـن تـقـول وقــاد جـمــرا

والعنـق سلـة هنـد فـي كـف زيـزوم***طـلاب ثـارآ صبـح الـقـوم فـجـرا

وعقـدآ تلامـع بـه قنـاديـل ونـجـوم***وتفاحتـيـن فــي بساتـيـن خـضـرا

ملهوفـة السرجـوف والـورك مزمـوم***كنـه يعـوذ مــن الجـدايـل ويـبـرا

والفخذ بغـدادي علـى الوصـف مبـروم***تصفـق عليـه بكفـهـا يــوم تــزرا

واللي حضابها يوصف على الجيش مهزوم***قفـا ورايـاتـه مــن الــدم حـمـرا

بلهـون تتخطـر علـى الـدرب وتهـوم***مـغـروره طفـلـه ثـمـان وعـشـرا

تقعـد لهـا الدنيـا علـى سـاق وتقـوم***وتميـل معاهـا ميـل شـراب خـمـرا

تسبيـك تستيسـرك ترمـيـك بسـهـوم***والجـرح منهـا صايـب ليـس يـبـرا

لـو شافهـا اللـي لاصـلاة ولاصــوم***رتـل عليهـا سـورة الشمـس جـهـرا

هـذا وانـا هيمـان هـايـم ومهـمـوم***ولهـان لاتصبـر ولا اطـيـق صـبـرا

[مبروك بن ماضي]

كنت السراب :
صح لسانك على النقل الجميل والذوق الأجمل
قصيدة مشهوره
للشاعرالكبير / مهذل بن مهدي الصقور اليامي
تحياتي وتقديري لك ،