(((((الدان)))))

[ابوهارون]

وفصـــــــل يا وزرآن ذا صـــوت وفصــل ( أقبـــــع ) ما يطلع الهاجس وانت اعرف

[البكري]

هاجسي يجي حتى على التنّه ### مايغيب عّني ولايعطينا الهونه
لااشرت له جانا في ثوانــــي ### والراس عاده مــــــــــــــــلان


البكري

[الوزيري]

لا حد يلومة ولاحد قد قرب منه=كم حاولو جم بغو من فوق يرمونه
لكن معة جيش والحراس رمياني=بشان تقرب وهم يرمون
اليش ننساة وكل واحد سأل كنه=قد غاب لكن معه اسرار مكنونه
لي كان حصنه لنا اضلال واكناني=شف عاد سرة معي مكنون
النهج واضح على التوحيد والسنه=ولابغيت قاتونهم لي هو يسنونه
خل عنك قولو لبوهارون كل شاني=مانستمع للذي يشنون

[أبونمر]

لايالوزيري معد في الجوف شي حنه =ولامعي له طرب اونفس محنونه
مادامني باورد عالمارد الهاني =ماباسعف للقاصره والهون
حاسبه في الذاكره طائر من الجنه =ماكنت ا عرف بذه هذرته وجنونه
لما لحقت الخبر والعلم به جاني = صدقت إنه من عيال الجان

[ابو يماني]

في البداية احب اشكر اخي الوزيري على إيتاحة الفرصة لمن يرغب في هذا النوع من الشعر
وليكم بعض هذة الابيات :

الي على نية يقع حبله قوي

[البكري]

عادها ماباتنفتح لك الخزنه ### لي فيها الاسرار مخزونه
وكل واحد قد عرفه ميزاني ###وقولي دوب مــــــــــوزون


البكري

[أبونمر]

اهلا ومرحبا بك ابويماني ابيات جميله وياليت ان تتقيد بالوزون والربوط اذا حبيت تتوله معنا وتسمر حياك الله

[البكري]

لاتحسب ان اليوم بانفك الرهينه ### ودارك لي هي عندي مرهونه
وبايجي يوم تحديد جميع الرهاني### و المـــال لــــي مرهــــــون


البكري

[الوزيري]

بستانة الزين فية الورد لة بنه=تعجب زهوره بماء النبع يسقونه
ياريت من ماة مد بالكاس واسقاني=لكن للضيف مايسقون
يابونمر يعجبك نقشة مع فنة=اسس مباني وذاك الحصن يبنونه
بيدة يشيد وهو العامل الباني =ذا عام عدى وهم يبنون

اخواني ابوهارون وابونمر

بغينا صوت جديد وهذة المره عليكم ان بغيته امر اوطلب مالكم عذر ابداً

[أبونمر]

الحمد والشكر له والفضل والمنه =ذي له جميع العرب بالفضل ممنونه
هوذي خلقنا وعمر الآدمي فاني =يحيون فيها وحد يفنون
لاهي بخيره بغينا نطفي الفتنه =ذي ثوروها لنا عربان مفتونه
حرموا المحب صوت أنغامي والحاني =ياخير انغام و لحون
وين الذي يسقي الضميان من دنه =لايقول لي العين من دونه
ويقول نا لاوصي هذاك وصاني =والناس بالناس يتواصون