قصيدة للشاعر بن نهيم آل اسحاق في عبيدي من قبيلة عبيده

[قمران]

هذه قصيده من أقوال الشاعر : سالم بن سعيد بن نهيم بن اسحاق – يرحمه الله
أحد شعراء قبيلة آل اسحاق ( آل اسحاق مستشارو قبائل نهد وصيعر )
مناسبتها :
قيلت في سعيد بن عبد القادر بن شيبان بن اسحاق - رحمه الله
عندما عاب فيه العبيدي يوم طرشوا للقبله ( غرب ) قافله وانقطع الشيخ من القافله
ومعه واحد من قبيله (عبيده) وخلص عليهم الماء واستبطوهم (تأخروا عليهم ) تأخروا على القافلة
فرجع العبيدي من القافله يدور للشيخ وسيره فوجد الشيخ بين الحياه والموت فتعداه بالماء وسقى رفيقه العبيدي وترك الشيخ يموت من الضماء..........
وقيلت هذه القصيده في القافله وبذات تخص العبيدي...

أبديت بالله مـن بدأ بـه يظفر= جزل العطاء كلن يخيـل طهوبـه
ذي يسقـي الاراض ذا قد ثعـر =مـن كـل وادي بايفتـك لوبـه
خلنـا بروقـه ليلهـا عـدا جـر=على قضيعـه هـي وادي روبـه
في أم الهجر لقي مكاسـر= تثحـر شل الظمـر والساقية مقطوبـه
وانحت سيول الروس ولقت منكر= واسقى بلد مـن تحتهـا سقوبـه
ومستبه الحرثـان كلـن مستـر= نبغى كيالـه مـن ذره منحوبـه
يالله عسى يسران من بعد الشـر=طرب بعيظـه للعـرب تطروبـه
وحنـى بغينـا قسمنـا بلكـثـر= يارب تبلغ كـل شـي ماجوبـه
نبغاك تعطي فـي جبلنـا الابتـر= غير اهله قدهـم قيـم مسروبـه
فيهم الحوط والعيب والشرع اقصر= والبطـل مـره كلهـم تساقوبـه
والكذب فيهم له شعايـر تضهـر= ومست حججهـم كلهـا مكذوبـه
الصدق باقولـه وبـاروح انجـر=من لاحكى بصـدق مالـه توبـه
بهـذف وبعطيكـم كـلام مزبـر= كلام ماهو معتقـب فـي الغوبـه
منا كما كـل مـن نفغهـا ودبـر= ولا تقعله شـي بقـش محسوبـه
يقول من حالـه كمـل وتسمسـر= شاف الحجج في الوقت ذا مقلوبه
باتت عيوني على النواظر تزغر= تقول منشى يـوم حـط اشبوبـه
عليـك ياشيـخ الجهـه يالاكبـر= ياحيد نايـف فوقـك الشنطوبـه
ياضوء في الليل الغـدر إذا غـدر =ضوء المشايـخ والقبـل بجنوبـه
يبات قيـم الليـل فـوق المنبـر =يقراء الفواتح والسـور مكتوبـه
غيره من المولـى عليـه مقـدر= تقاضـت الايـام ذي محسـوبـه
ماسرني ذي بلخبـر قـد خبـر= من يوم قال الشيـخ مـا ثنوبـه
والقافله يبغـون طعـن المنحـر= ولاعويلـه مـن دهـم لبلـوبـه
من الصيده حب صافـي مجهـر= ذي يرخصون الراس في ماجوبه
ذا عارضوهم واعلقوهـا بسمـر =اليل خـذت وسلابهـم مسلوبـه
ياريتها هبـت عليهـم صرصـر= ولا يعلهم مـن السمـاء تسبوبـه
ولعاد حـد منهـم نشـد وتخبـر= امـا العبيـدي ريتلـه مصبوبـه
من بطن غالي ماصنع في البندر= حسني كتاب الروم فـي خنتوبـه
ولا كتـب حسنـه لعلـه يدمـر =وليـده اليمنـى لهـا مقطـوبـه
ولها قريزي مـن وسيعـة منفـر= سكـه غريبـه ساقهـا باتـوبـه
ولعاد جاب الا البقـش والخنجـر= وقال طولتـه سـوى فـي ثوبـه
ذا ذي تسهـل يالجمـال الجبـر= ياذي تشلون الثقل مـن الجوبـه
ان شي مخالف شوحنا مانشـور= ونتـو عليكـم بلغـو ماجـوبـه
صلوا على ذكر النبي يامن حضر= عليـه صلـوا والجهـه صلوبـه
عليه صلوا عد هشـات المطـر= وعداد برق الخرف فـي جلبوبـه
يبرق من المغرب لما بعد السمـر= نسم على العربـان ذي مكروبـه

[/poem]

طبعا القصيده منقوله والعذر لو كان فيها أخطاء

[عيون المكلا]

الخيانات ليست حديثة عصر فهي من اقدم وفي اقدم الاقدمين

لاعاش ولانامت اعين الجبناء والخونة
تسلم اخي ويعطيك العافيه ونقل جميل

لو تنقل لنا في اليوم قصيده لكانت المتابعه بتمعن ومكثفة وهذا مجرد رأي !

[قمران]

إن شاء الله قريبا سيتم نقل أفضل ما قاله شعرائنا

[الدقم]

كلام جميل ومعبر

[قمران]

من يملك قصائد لأقدم شعراء حضرموت
نرجوه أن يضعها

[hamood_98]

يعطيك العافية اخوي قمران والله قصيدة رائعة للشيخ.

[حد من الوادي]

اختيارينبض بالوفى والذكاء ياقمرنا وقمرالسقيفه
هكذا تقنص للموروث الحضرمي والمكنوز للاجداد
عشت وعاشت بلادانجبتك حضرموت ودمون والاحقاف
ومرابع امرءالقيس

[مجمل]

قصيده رايعه رايعه تشكر على النقل وهذه القصايد المفيده المطلوب تدوينها
من الاعماق الف شكر لك اخي قمــــــــــــــــــــــــــــــــــــــــــــــــ ـران

[قمران]

شكرا للجميع

[ابو يوسف بن شحبل]

تسلم يا قمران على النقل المميز قصيدة رائعة من بن سحاق ومن حرقة ضمير جابها تحياتنا لك يا قمران

وتحياتنا موصوله لآسحاق ولا تحرمنا من مثل هذه الروائع التي حق إن نستمتع بقرائتها لأن فيها القصة والعبرة والنصيحة وكل شي

قصيدة رائعة بحق وحقيقة
جب من القصائد من آل سحاق ومنكم ومن الربع كلهم


أخيك أبويوسف بن شحبل