مساجلات الزامــــل الشعبي

[بوطارق]

مرحبا بالكلام الزين منضوم نصه=قول فسر لنا في الف قصه وسيره
والجماعه لبا كلن يشل مايخصه=فالدفونه وكل واحديطلع شبيره

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب

قال بو طارق المهجوس في الحال غصه= من عمال الزمن ياناس غصه كبيره ضد مولا الشنب كلين شايل مقصه =والسبب بدر لي جاب الوجيه النكيره عمر الذيب

ويش يا الذيب زقره هي قفيه وبحصه=من تنهّـس تناظر له بنظره خطيره
وإن تكلم تجي له تو تعطيه نهصه=ما يذوق الوسن ... في الليل يهمر مصيره
نا خُـطـُــب ودها وإنته ومريم وحفصه=والعرب كلهم من خلفها كالقطيره
هت جوابك مغطـى والعجم دوب مصه=ربنا با الكرم بيجيبها عا ستيره

محمد بن سعيــد بن مخــاشــن

آنست وأرحبت يا بو طارق. وأرجو أن تدخل على قصيدتي الجديدة بعنوان ( جن من برهوت ) وتجاوب عليها. ولك تحياتي وتقديري التام

.

[بن قطمان]

بكتب الدرس بعد الدرس حصه بحصة=والتلاميذ كل واحد يطلع شبيرة
والحصص تختلف باالنص كلن ونصة=والصغيرة علي باشلها والكبيرة
قصتي فالهوى والله ياطم قصة=ضاع فكري وتفكيري وبعض البصيرة
والسبب صاحبي ذي فص عالقلب فصه=سبب اجروح يالاصحاب منه خطيرة
كنت ماهم شي ورص فالحيد رصه=والجمل لااحتجى فاليل تسمع هديره
نزلوني وانا الي كنت فوق المنصه=سفروني من ابلادي ويدي قصيرة
راتبي كان مش محسوب باليد عصه=وانقلب كل شي وعشت حاله ضريرة
من سرق لص بايلقاء ثلاثين لصه=سوق مزحوم فيه اهل العقول الخبيرة

[أحمد العمودي أبوفيصل]

في سعفكم قال شاعرسيركم بانقصه = بمشي وراكم في الحسور الخطيره
مانهم العسر والحيد من سمح أرصه = عندي دواء لاهل الجروح العسيره

[عبدالله باني]

يالذيب وش لي صار معطيني عدن = ما جيتني من بعد و الا من قريب
ما خاب ظني فيك عندي حسن ظن = من خلي القير على شانك يطيب
خالي ولك تقدير من سابق زمن = بمشي معك لو نارها تلهب لهيب
اليوم بتخبرك عاشي رعد حن = والا عواصف ريحها يسحب سحب
حد في الزمن يضحك وحد قربع بشن = وحد جروحه مزمنه ما بتطيب
وحد حرث طينه وخرس ع الوثن = والبعض ماله قد رهن نصفه صليب
وأصحاب وادي العين يشكو من يون = والبدو الي هم فوق عبدالله غريب
وانت حذر لا تنام بوطارق دهن = قبل الزواهر ضوئها فوقك يغيب
لي كان غالي امس جا من قل ثمن = قد خيبوا ظنك وظنك ما يخيب
للبير قد جابوا دليهم والزون = من فوق عين البير ظلو هيب هيب

[القنّاص]

صافي عسل يلقي عامجناه حن = واقراص مطليه من شاعر لبيب
من سمح ياباني نا خذني السهن = نسهر نا وياك والزاهر يغيب
الذيب في شعبه وفي الصحرا ورن = والوعل بقرونه تصيب او ماتصيب

[أحمد العمودي أبوفيصل]

خالك ياباني قاتله السهن = ليام في الدنيا يسحبها سحيب
ماشي على العدان قله من زمن = الناس تتغرض وكل واحد يصيب
من حكم المشواف بايضرب بفن = كلن صبح ينقص على ذاك الغريب
الحصن قد باعوه بأرخاص الثمن = مسكين راعي الحصن ذا أمره عجيب

[ابو يوسف بن شحبل]

الذئب وينة يا عرب قد له زمن=الذئب له تاريخ ماهو من قريب

كلا عرف شرعة ولاساعة يون=يمشي بليلة دوب ينكر للغريب

حارس الوديان والشعبة عدن=ذا ذئب مخلابة ينكبها نكيب

[أحمد العمودي أبوفيصل]

الذيب ياباني يبا يلعب بفن = مسكين مايلتام ذا طبعه غريب
يبغا هويدافع وبالهجمه يشن = يبغى هنا وحده ولاحوله رقيب
خلك مع غيره لي قرشه يحن = لاقد دعى الداعي بسرعه بايجيب

[القنّاص]

ذاقرشي الحنان وله قيمه وحن = في السوق له قيمه وفي الاسهم نصيب
في البورصه ثابت لدولارك وين = هوذهب يبقا في الوقت العصيب