البراقع تعمل عمايل !!

[الشبامية]

ااااااالسلام عليكم ورحمة الله وبركاتة

اليكم هذة القصة للضحك مو للزعل

يقول لكم في وحدة تهاوشت مع زوجها وكبرالخلاف بينهم وقالت لة احسن حل نروح عند شيخ الحارة

وهو يحكم لنا ؟ قال زوجها ماعندى مانع

وبالفعل راحواعند هذاالرجل العاقل الرزين كى يحكم بينهم

وتقوم الزوجة بلبس ذاك البرقع وكحل ذيك العيون وكلكم عارفين(تشوف هالعيون وتقعد تغنى يالليل ياعين))

المهم الحرمة قاعدة تشرح للرجل وتشتكى على زوجها والرجال يطالع في ذيك العيون
ثم يلتفت الى زوجها ويقول لاياظالم , وكل ماجاء زوجها بايتكلم يقولة الرجال اصصصصصصصصصصص ياظالم ياعديم الانسانية وعلى هالحال كل ماحاول الزوج يتكلم يلتفت علية

الرجل ويقولة اصصصصصصص ولاكلمة!!

شعر الزوج ان الوضع اذااستمر على كذا فاكيد ان الرجل سيحكم لصالح الزوجة؟

استخدم الرجل ذكائة وقال للشيخ الحارة ياشيخ انا ايش ضمنى انها زوجتى يمكن حد تمثل خلها تفتح وجهها عشان نتاْكد..
فرح الرجل وقال طبعا ضرورى تفتح وجهها
ارتبكت الزوجة وماعندها مفر الا انها تفتح وجههاوفتحت وجهها وحامت كبد الشيخ وهو يطالعها هههه

وقال سكتى انتىذحين دور زوجك يتكلم وقعد الزوج يتكلم وكل مابغت تتكلم الحرمة يقولها الشيخ اصصصصص ياظالمة ياعديمة الانسانية
وحكم الرجال للزوج وهو يلتفت على الحرمة ويقولها يابنتى الصوت والعيون مظلومين والوجة ظالم

ههههههههههههههههههه

اكيد باتشكون فينى بعد هالقصة خخخخخ

يالله نبغى تعليقاتكم!!

[شيخ القبايل.]

والله يابنيتي يالشبامية كلامش واقع واكيد ..

الشيبان ( المصويعين ) هنا في السقيفة وفي كل المنتديات .. بس يشوفون برقع .. وهو يطيحون .

اشي ردود

اشي رسايل عالخاص

مرة واحد صاحبي ( اكبر مني سنا و حجما ) حب يمزح معي طلب الاضافة علمسنجر

حط اسمه حاجة ولا سكر النبات

وكل شوية يقول لي معلش لحظة امي تكلمني .. معلش لحظة ابويا يصارخ على .. وشوية تطلع من المسنجر وشوية ترجع

حتى اقتنعت تماما انها ( بنوتة ) وانها تستحق قصيدة ..

بس كتبت القصيدة ونشرتها .. وهي طارت في عالم جديد ..

في العيد واحد من اصحابي يقول شخبار ( البنوتة ) !!

ويضحك من قويع رجيله الين ما طاح البرقع

[life]

الشباميه قصه حلوه مره بس تستاهل ذيك الحرمه ومعقوله تخطط ولا هي عارفه ان زوجها بيطيحها في شر اعمالها....
ولو عن الواقع حدث ولا حرج والله من صدق انا بس اناظر الحريم وش يسون مع ذي البراقع وادري انه سنع على غير فايده...واقول لا حول ولا قوة الا بالله... وعلى طاري قصتك مره كنت قاعده في المستشفى انا واختي شوي تجي وحده تقعد جنبنا واناظرها والله لو انها رايحه عرس ما حاست عيونها ذيك الحوسه واناظرها واقول ياربي حنا في مستشفى والا في عرس واسئل اختي واختي فهمتها قالت لي اسئلي الي بجنبك...وضحكت انا واختي الحرمه سمعتنا ما غير الا عيونها تحمر شوي وبتاكلنا زين انهم نادوا علينا ندخل ولا كان رحنا فيها....الله يهديهم بنات البراقع....
تقبلي خالص تحياتي اختك....life

[شبامي متكرف]

هههههههههههههههههههههه

مسكينة الحرمة

و مشكورة

[باغوزه]

شكرا يالشبامية على هذه القصة والطرفة في نفس الوقت وبصراحه قمة وفتحت لنا ابواب كثيرة للسؤال
وحقيقة ماذكرتيه حال واقع والعيون فى غالب الاوقات خداعه ويبقى علينا ان لاننساق خلف الرموش وابو عيون قتاله ..مع الاعتذار للفنان مصطفى احمد ..
لعلمك .. ايام الدراسة كان عندنا مسرحية ومن الضرورة ايجاد عنصر نسائى فيها لكن مالقينا بحكم العادات والتقاليد وتم تكليف زميل لي بتقمص شخصية بنت السلطان ولبس البرقع والعباية الخ ... بصراحه لما يطالع في يسحرك بعيونه لدرجة انى احيان اشك فى انه احمد صاحبي او بنت ..بس نموت من الضحك لما يرفع البرقع ويظهر الشنب .. يفشل بصراحه ..
شكرا لك اختى الشبامية على الموضوع الشيق والطريف ..

تحياتي

[الشبامية]

مشكورين جميعا على مروركم العطر
ولاحرمناالله روعة تواجدكم

[ولد ال بن مبارك]

nice is story its really you know the best gift have it the arabian woman is the eyes if you comin to malaysia you saw all the women with small eyes sometimes u fell they just woke up hahahaha at the end soory icant write arbic but is gonne approve ur english wa tiga3 sahlah

[بدوي]

هههههههههههه حلوه هذه القصه يلشباميه
منبرا الله الله ومن جواء يعلم الله
تحياتي للجميع

[الشبامية]

تسلم اخوى بدوى وعلى قولة اخوانا المصريين لبس الخنفسة تبقى ست النساء هههههه

[الفارس الهاشمي]

مو البرقع وبس ..
لون اسود ويكفي ...