مسابقة شاعر المليون للشعر الشعبي الحضرمي برعاية بن شريشر لشهر نوفمبر 2010م

[باشراحيل]

مسابقة شاعر المليون للشعر الشعبي الحضرمي برعاية بن شريشر لشهر نوفمبر 2010م



الشعر صورة للحياة ، وصحيفة من صحف الزمان والمكان والتاريخ ، ومرآة لوجدان الشاعر نراه فيها واضحا كما نرى فيها أنفسنا ، والشعر ليس كله حقيقة وواقع وليس كله سبحات خيال ولكنه فن يجمع بين الحقيقة والخيال ويتسم بالخفة والجمال بما يبسطه الشاعر على الحقيقة من فنه وبيانه ليذكي وقع الحقيقة في النفوس .. ومن المهم ان يتوافر للشعر الصلة بينه وبين العصر الذي يعيش فيه الشاعر فيستمد منه موضوعاته ومعانية وأخيلته ويجتهد في الإسهام بتصوير الحياة بكافة صورها وفي جميع ميادينها بأسلوب فيه من صدق الشعور وصدق التعبير ليرى فيه الناس صورة نفوسهم وحياتهم وتاريخهم فتصبح القصيدة بجمال صياغتها وبيانها مجلس أنس أو ندوة حكمة أو لقاء محبة يبث الفرح والسرور والفائدة والمتعة إلى النفوس ..


مسابقة شهر نوفمبر 2010م (( بدون موضوع )) .


وعلى الشعراء تدوين قصائدهم في الموضوعات التي يرغبون القصيد فيها والتحليق بأجنحتهم انى شاءوا .. تحت شعار المثل الشعبي الحضرمي القائل : " ما حد يقول للمغني غن " .. وستقوم اللجنة بتقييم القصائد المشاركة تقييما فنيا فقط .


نرجو من الشعراء الراغبين بالمشاركة في المسابقة أن تكون قصائدهم جديدة أي لم تنشر من قبل في أي وسيلة من وسائل الإعلام والنشر ، وان يختار الشعراء الأوزان والقوافي التي يرغبونها ، وأن لا تقل عدد أبيات القصيدة عن ( 15 ) بيتا ..


متمنين للجميع التوفيق والنجاح ..



رياض باشراحيل
رئيس لجنة المسابقة

[عيون المكلا]

إلى نون عيني حفظه الباري !

يحفظك رب السماء يانون عين امك = ياابني البار والمحبوب عند الناس
يافلذة الكبد من يهجيك ويذمك = كأنه إلا يقطع في الحشاء بالفأس
أيام ماكنت في اللفه وني شمك = وانته تبحلق تبحلاق الذكي والحاس
ناجيك باسم الدلع ولانسي اسمك = ياروح روحي محبه لك بلامقياس
من نسمة الريح بجوانحي باضمك = وسيع حضني إذا بك شي وسن ونعاس
صغت القوافي لبن خالك وبن عمك = ورسمتها لك بخيوط الذهب والماس
من بعد ماكبرت خوفي لاحد ايسمك = بافكار وبمعتقد ماشئ لها أي ساس
لو تطلب الروح روحي لك ولايهمك= ولك ثواب العوافي مايجيك البأس
لابارك الله فيها ساعة اتغمك = وتحس بضيقه ومنها تكتم الانفاس
فرحتي شوفك ببيت العز ويلمك = انته وقطر الندى وعيالكم حراس
خليك رجال واعي لايقل عزمك = زاحم كبار الهمم ورافعين الراس
بالعقل واكبر شهاده خلها قسمك = من ماتثقف يحس بالضعف والافلاس
زادك من ايدك وشربك من صفا عتمك = ومن صميمك قرارك .ثق ولاتحتاس
وساير الاتقياء خل حكمهم حكمك = وخل صديقك كتابك خيرة الجلاس
ووطنك نجمك وحافظ لايفل نجمك = حدقات عينك وعنوانك في الكراس

[خالد بن مهنا]

جميل جدأ ان القصيده حره ماتتقيّد بموضوع معين,,وياليت تكون كل الاشهر كذا..لان بعض الاشهر يجي موضوع والشاعر مايكون مهيّا نفسيأ للكتابه على نفس ماتطلب منه اللجنه..لذلك تجي القصيده .ضعيفه حتى ولو انه شاعر قوي,,

وهذا مجرد راي..


وباإذن الله انتظروا مشاركتنا في هذا الشهر..

التحايا الطيبه للاخ ممول المسابقه.ورئيس
اللجنه والاعضاء
ولأ انسى ان اسلم على شاعرتنا عيون المكلا لحضورها في هذه الصفحه بقصيده .جميله .الله يوفق الجميع لما فيه الخير.

اخوكم:خالد بن مهنا

[المستقل]

جآت القوافي شاحبه يوم الحزن=والقلب يتفطر أسىء فوق الوصوف

[عبدالرحيم العمودي (( القحم ))]

ان جيت قلنالك تفضل وحياك = وان رحت روح ماطلبناك تاخير
أن كنت من أول تألم لفرقاك = وأن غبت حس قلبي من الشوق بيطير
هذاك أول كنت حبك وأهواك = وأهوى التعب لجلك وأحب المشاوير
حبيت من حبك وعاديت اعداك = وأرفعت راسك فوق رؤس المشاهير
كل ماطلبته قلت حاضر ويفداك = حتى ولو تطلب حليب العصافير
ماكان همي غير فرحتك وأرضاك = كنت المهم أمشي معك دون تفكير
كنت احسب انك تستحق كل هذاك = وأحسبت شي للجود قيمه وتقدير
وألحمد لله عالحقيقه عرفناك = وأصبحت مالك عندنا أي تأثير
مادام حنا بالحقيقه كشفناك = دور مكانك وأمش خلف الطوابير
ماهو تحدي عيب لوصرت وياك = في مستوى واحد امام الجماهير
من أنت حتى عاندك أوتحداك = جساس حتى تستحق ثورة الزير
لاوالله انك لنت هذا ولاذاك = ولاتراب الارض تحت الحوافير
قد كنت تحت الارض واحنا رفعناك = واليوم بن ردك الى قاعة البير
هو موقعك لصلي وعنوانك هناك = وأشفيه لورديت له وايش بيصير
يازين زينك في مكانك ومحلاك = لايق على لايق بكل المعايير
والله خلق في البحر أنواع لسماك = فيه القويه والوسط والهوامير
وأن كنت يامسكين ترضى بما جاك = وضعك طبيعي بس وضعي أنا غير
ماحب لي تنصاد في كل شباك = حب القويه لي تكسر صنانير
يمكن تحصل شخص مثلك ويبغاك = يرضى معك بالهينه والتقاصير
هذاك له هذه وذيه لذياك = كل طير في الدنيا مسخر على طير
اما انا مبداي ماهو بمبداك = وأصبح وجودك دون معنى وتفسير
لاهو القمر يطلع بطلعة محياك = والاجبينك نور الكون تنوير
والشمس تشرق من يسارك ويمناك = أو كنت أسطوره تفوق ألاساطير
باقول لك مهلا وبشراك بشراك = أن كنت ناسي حب ذكرك نذكير
قد شفت منهو في جماله تعداك = ومن جماله تخجل الشمس وتغير
كانه سراج أبيض يضي دون أسلاك = ولاعلى الطاقه ولاله مواطير
نضرت عيونه تربك القلب أرباك = وأن مر في شارع تقف حركة السير
من غير مايقصد ومن دون ادراك = خدر جميع الناس من دون تخدير
له من جمال الحور شي فوف روياك = مهما وصفته صار في الوصف تقصير
لمى مشى مشيك وسوى مسواك = واغتر واتجاهل جميع التقارير
بالرغم ماعنده من اسلاح فتاك = حررت قلبي من محبته تحرير
لمى وضعته في سجل لونه أبلاك = مهما تأسف لي وجاب المعاذير
لاقال عفوا قلت الله يهداك = تكسر قلوب الناس كسر القوارير
وتقول عفوا لأجل سامحك وأعفاك = من بعد تكرار الغلط والتقاصير
لاوالذي أبدع جمالك وسواك = والي صقل حسنك وصورك تصوير
لاينحني راسي ولاباترجاك = لودوس قلبي دوس تحت الجنازير
ياما نصحت اياك واياك واياك = أياك من جرح الكرامه وتحذير
مهما يكون الوضع واسباب دعواك = عند الكرامه ماقبل اي تبرير
مادام وصلت للكرامه نواياك = في ذمتي لافجر الوضع تفجير
والعفو يالقاري وعذرك وسمحاك = لوفيه شي قسوه ببعض التعابير

[يحظ عينى]

بسم الله الرحمن الرحيم
اعتذر منكم اخواني وخواتي عن فترة غيابي وذلك لظروف خاصة اجبرتني على الغياب
الشكر يعود للشاعر الكبير والقدير شاعر الوادي الذي يوافيني بكل ماينزل جديد بالسقيفة
وبالذات في عذب القوافي فالشكر لكل القائمين على هذا الصرح العظيم من اداريين ومشرفين وشعار ..

[عبدالرحيم العمودي (( القحم ))]

اقتباس : المشاركة الأصلية كتبت بواسطة عبدالرحيم العمودي (( القحم )) [ مشاهدة المشاركة ]

ان جيت قلنالك تفضل وحياك = وان رحت روح ماطلبناك تاخير أن كنت من أول تألم لفرقاك = وأن غبت حس قلبي من الشوق بيطير هذاك أول كنت حبك وأهواك = وأهوى التعب لجلك وأحب المشاوير حبيت من حبك وعاديت اعداك = وأرفعت راسك فوق رؤس المشاهير كل ماطلبته قلت حاضر ويفداك = حتى ولو تطلب حليب العصافير ماكان همي غير فرحتك وأرضاك = كنت المهم أمشي معك دون تفكير كنت احسب انك تستحق كل هذاك = وأحسبت شي للجود قيمه وتقدير وألحمد لله عالحقيقه عرفناك = وأصبحت مالك عندنا أي تأثير مادام أنا قد زعلنا وعفناك = دور مكانك وأمش خلف الطوابير ماهو تحدي عيب لوصرت وياك = في مستوى واحد امام الجماهير من أنت حتى عاندك أوتحداك = جساس حتى تستحق ثورة الزير لاوالله انك لنت هذا ولاذاك = ولاتراب الارض تحت الحوافير قد كنت تحت الارض واحنا رفعناك = واليوم بن ردك الى قاعة البير هو موقعك لصلي وعنوانك هناك = وأشفيه لورديت له وايش بيصير يازين زينك في مكانك ومحلاك = لايق على لايق بكل المعايير والله خلق في البحر أنواع لسماك = فيه القويه والوسط والهوامير وأن كنت يامسكين ترضى بما جاك = وضعك طبيعي بس وضعي أنا غير ماحب لي تنصاد في كل لشباك = حب القويه لي تكسر صنانير يمكن تحصل شخص مثلك ويبغاك = يرضى معك بالهينه والتقاصير هذاك له هذه وذيه لذياك = كل طير في الدنيا مسلط على طير اما انا مبداي ماهو بمبداك = وأصبح وجودك دون معنى وتفسير لاهو القمر يطلع بطلعة محياك = والاجبينك نور الكون تنوير والشمس تشرق من يسارك ويمناك = أو كنت أسطوره تفوق ألاساطير باقول لك مهلا وبشراك بشراك = أن كنت ناسي حب ذكرك نذكير قد شفت منهو في جماله تعداك = ومن جماله تخجل الشمس وتغير كانه سراج أبيض يضي دون أسلاك = ولاعلى الطاقه ولاله مواطير نضرت عيونه تربك القلب أرباك = وأن مر في شارع تقف حركة السير من غير مايقصد ومن دون ادراك = خدر جميع الناس من دون تخدير له من جمال الحور شي فوف روياك = مهما وصفته صار في الوصف تقصير لمى مشى مشيك وسوى مسواك = واغتر واتجاهل جميع التقارير بالرغم ماعنده من اسلاح فتاك = حررت قلبي من محبته تحرير لمى وضعته في سجل لونه أبلاك = مهما تأسف لي وجاب المعاذير لاقال عفوا قلت الله يهداك = تكسر قلوب الناس كسر القوارير وتقول عفوا لأجل سامحك وأعفاك = من بعد تكرار الغلط والتقاصير لاوالذي أبدع جمالك وسواك = والي صقل حسنك وصورك تصوير لاينحني راسي ولاباترجاك = لودوس قلبي دوس تحت الجنازير ياما نصحت اياك واياك واياك = أياك من جرح الكرامه وتحذير مهما يكون الوضع واسباب دعواك = عند الكرامه ماقبل اي تبرير مادام وصلت للكرامه نواياك = في ذمتي لافجر الوضع تفجير والعفو يالقاري وعذرك وسمحاك = لوفيه شي قسوه ببعض التعابير

تم التعديل

[خالد بن قاسم]

هذة المشاركة الاولى لي بالمسابقة وهي بعنوان

نقش الحجر

يامن شغلتي خيالي وشكلك ولونك=منقوش نقش الحجرواسمك وعنوانك
لو حاولو ماسحين الرسم يمحونك=لا لا تشكين من فضلك واحسانك
اقسمت بالله ثم اقسمت لاخونك =لك عهد وافي وخان الله من خانك
ماشفت حد فالنواعس يشبه عيونك=من سحر هاروت ترسل نظرة اعيانك
ياليتني كون مثل الزهر ف غصونك=وشم وردك وشم الزهر ف اغصانك
حبك لنا يعكسه صدقك ومضمونك=والدهر يشهد لاخلاصك وايمانك
ان قيس مجنون ليلى صرت مجنونك=هين علي لو فقدت الوعي من شانك
انتي عدن حب دستورك وقانونك=وحب شعبك وحكامك وجيرانك
اصل العروبه وابنائك يحبونك=ياليتني عيش طول العمر ف احظانك
من عام ستين جمهورك يزفونك=يا لابسه ليلة الافراح فستانك
ولا توقعت في لحظه يسيبونك=ذي يعشقونك وذي ضحوا على شانك
وباسم ثاني قد العالم ينادونك=باعوك وتقاسموا لولك ومرجانك
مثل السفينه برغبتهم يشمونك=من بعد ماسلم الربان سكانك
على الاقل مثل ماكنتي يردونك=يوقفونك على يسراك ويمانك
ومن جروح الزمن واجب يداوونك=ويسبر الروح في لحمك وعظمانك
دعواي لك لان عيشي مر من دونك=ياليت عدتي وعطفك عاد وحنانك
وفي ختام الكلام الله في عونك=الله يعينك وعان الله من عانك

[راعي بروج]

اقتباس : المشاركة الأصلية كتبت بواسطة عبدالرحيم العمودي (( القحم )) [ مشاهدة المشاركة ]

له من جمال الحور شي فوف روياك = مهما وصفته صار في الوصف تقصير

عزيزي القحم لوتقوم بتعديل كلمة فوف الى فوق بيكون افضل وانا عارف انها غلطة مطبعية ولكن وجب التنبية

[بن قطمان]

اتقدم بهذة المشاركة بعنوان

((ابواب الامل))

الهي اطلبك في كل داعي=تلبي دعوتي ياعالي الشان
رفعت الكف لك هو والذراعي=واطلب منك الرحمة واحسان
ومن بحر الهوى بطوي شراعي=وبتناسى وبنسى كل ما كان
على ابواب الامل باكون ساعي=وبتناسى همومي هي والاحزان
وبتناسى العقارب والافاعي=كتاب الله يقهر كل شيطان
وشوقي لوغلبني والاتياعي=ترى الدنيا بها اشكال والوان
انالي نجمتن ترسل شعاعي=ومتمسك بها في كل الاحيان
اذا شاهدتها ارفع صباعي=وهي ايضا تحييني بلايمان
بنيت الحصن من فوق القلاعي=ومتربع سوى من فوق الاركان
ومتناسق على الشكل الرباعي=على قمة جبل موجود للان
ويتماشا مع العصر الصناعي=قوي مصيون عاصر كل الازمان
وطبعي قال شاعر وانطباعي=معذب في كحيل الطرف هيمان
رهيف القد واعيونه وساعي=عريب الاصل من يعرب وقحطان
متى بالله وقت الاجتماعي=متى الازهار تغمر كل بستان
متى القاك ياسبع السباعي=متى البسمه تسابق شوف الاعيان
انا طولي وعزي وارتفاعي=اذا ماانته معي محسوب نقصان
ودمعات الفرح وقت الوداعي=كزخات المطر سالت بوديان