مساجلات الزامــــل الشعبي

[حنطبه]

بيني وبينك وعد يابوزيد = وعساك ماتخلف وعودك
لاتقول لي بصرك نطح في الحيد = وفصل حدودي من حدودك
الرجل سدك ماكنه بالقيد = عندي فقه توقف جهودك
بين الخوه مايحسبون الفيد = وسأل عن الماضي جدودك

[الطامع]

ماقلتلي بارشيد او برشيد = من منهم لي في وفودك
ياكم رسايل باتصل وبريد = فيها ينبنب ريح عودك

[الاسد القرشي]

اقتباس : المشاركة الأصلية كتبت بواسطة الطامع [ مشاهدة المشاركة ]

لازم ضروري يرجع التجنيد = للشاب من دون البنيه يكفي كفى من جلسة التمديد = والهرج في هذا وذيه لنته مقدم ياولد وعقيد = بتسير في همه قويه صدر قرارتك مع التعميد = واكبت صوات الباطليه لايامحمد ياولد بسعيد = وين الشروع لوليه زام الذي هو ينقرن بالحيد = عينة حجاره والحصيه

لي هو كتبها صفحة التوحيد = معْرِف يوحّد ذي البليه
والسيّد اللي نحسبْ إنه سِيد = ياهوين ضيعها الهويه
لا لا تساهن من عبيد الفيد = ضيع بلاده والقضيه

[سالم الدهبلي]

السلام عليكم ورحمة الله وبركاته

[حنطبه]

اقتباس : المشاركة الأصلية كتبت بواسطة الطامع [ مشاهدة المشاركة ]

ماقلتلي بارشيد او برشيد = من منهم لي في وفودك ياكم رسايل باتصل وبريد = فيها ينبنب ريح عودك

هاذاك هو ذي مايحب الصيد = ويعاتبك لاقد ردودك
زادت وفاقت ع حمد وعبيد = يشكيك لاطول صدودك

[الطامع]

للإيد عدها ماتصل للإيد = ياحنطبه حضر جنودك
شوفه عليّ الصرف والتسديد = منك ولاحد من جنودك
لتقول ذا مقرب وذاك ابعيد = مابا نصدقهم شهودك
والجيد عاده بايتمي جيد = من قال هو ساهن لجودك

[ضرغام الضرغام]

السلام عليكم ورحمة الله وبركاته

نوب الصرر لي كان في حاده فرق = وامست جبوحه خاويه منهوبه
واللي بقى يهجور تركوه الســـرق = خلو معه في جبحهم كم نوبه
واليوم متكنن وعامد في حـــــــوق = والبرق بتلامع وساحـب صوبه
وان قد قرب رعده وسيله قد سبق = تصبح مطارح خاويــه محجوبه
والبيض بايرجع وقلنا له دحــــــــــق = كل المزارع عندنا مصــــــروبه
ان عاد شي حميه وباقي شي حنق = وإلا تركنا المزرعه للشـوبه

[بن احمد]

اقتباس : المشاركة الأصلية كتبت بواسطة ضرغام الضرغام [ مشاهدة المشاركة ]

السلام عليكم ورحمة الله وبركاته نوب الصرر لي كان في حاده فرق = وامست جبوحه خاويه منهوبه واللي بقى يهجور تركوه الســـرق = خلو معه في جبحهم كم نوبه واليوم متكنن وعامد في حـــــــوق = والبرق بتلامع وساحـب صوبه وان قد قرب رعده وسيله قد سبق = تصبح مطارح خاويــه محجوبه والبيض بايرجع وقلنا له دحــــــــــق = كل المزارع عندنا مصــــــروبه ان عاد شي حميه وباقي شي حنق = وإلا تركنا المزرعه للشـوبه

لله درك من ضرغام اسم على مسمى وزامل مصلوب وين الشعار

[الطامع]

العين لاشافت لساني مانطق = ولسان ماتنطق لها مقطوبه
والله لي أنزل تبارك والفلق = ماصدق الشيطان لعلن توبه
لما متى فالثوب نرقع لشتعق = عاده العبس لي فيه زاد اعيوبه
والخسف خايف لايجنا والغرق = ولعاد بانلحق مدر او طوبه

[طالب النعماني]

بارك الله فيكم شعارنا الاكارم
الزامل معمور بكم