مساجلات الزامــــل الشعبي

**طالب النعماني** · 03-19-2004, 09:22 AM

واجب علي رحب عدد ثج الثجم=بالي وصل عاني ومن جاء سيره
اهل السقيفه وسعوا لك عندهم=اهل الموده والقلوب الخيره

**طارق بن حيدره** · 03-20-2004, 12:06 PM

السلااام عليكم ورحمة الله وبركاااته000
تحيه طيبه للجميع اولا احب ان اشكر الاخ الشاااعر طالب حسن باااتيس على تنسيقه للقصيده واقووله ما قصرت يابوراااضي وكلك ذووووق وصراااحه ابدعت في النسيق
وايضااا اشكر الاخوه الشعااار الدووووعني وذيب العرب على مشاااعرهم النبيله
ولا يسعني هناا الا ان ارحب بالاخ العزيز الشاااعر مرعي صالح بن سميدع واقوله واهلا وسهلا ضيف عزيز وغااالي واهديه هذه البيوووت

يامرحبا باهل الشجاعه والكرم =اهل المروه والعمال الخيره
يابن سميدع تالي الغثوه نسم =واللي معكر هاجسك بانغيره
حتى ولو نغزي عبيده مع دهم =من حيرك ياصاحبي باحيره
في شانكم بدحق على شوك السلم =والكاس لي فيه الخمج باطيره

وشكراااا للجميع وعليك الباااقي يابو رااااضي

عسكر بن سويد · 03-20-2004, 07:16 PM

من هو غلط لا بد منه ننتقم=ويشوف فاصلنا كيف نعيره
والهيج بنفكه على امات الوذم= بيلقح الحيل وذي هي مضيره

مرعي صالح بن سميدع · 03-20-2004, 10:04 PM

حياء وسهلا عد ماخط القلم=وعد الكواكب في سماها مسيره
وابيات من شاعر بقوله قد زجم=ابيات تصرف بالكنوز مجيره
والكي حطه عالمفاصل والعلم=باقول لك مشكور يابن حيدره

**طالب النعماني** · 03-20-2004, 10:24 PM

هكذا ياشباب
لاتحرمونا من جديدكم ولا مفيدكم

**طالب النعماني** · 03-20-2004, 11:28 PM

مطلوب احد يفصل

ذيب العرب · 03-21-2004, 09:15 PM

ماليوم قد حفت على الرعيان=ولعاد شي فالإرض ثابه
بانطب المولى عظيم الشان= يمطر علينا من سحابه

**طالب النعماني** · 03-23-2004, 12:23 AM

ذئب العرب حالي مسى غثيان=شف وقتناء فيه انقلابه
يلسين قد حملوه عالعيدان= خلا بلد غزه وطابه
يومه نذر نفسه فداء الميدان=وافداء العرب منذو شبابه
شاجع كما عشره من الشجعان=يمشي على نهج الصحابه
جاهد جيوش الكفر والعدوان=لما اغتالوه عند بابه
وين العرب من ساحة الميدان=وافيينهم اهل الحرابه
ماتحرروا من طغمة الطغيان=لا زال تحكمهم عصابه
والغرب من فوقه ولمريكان=ملقين عالمسلم رقابه
ذولا صحاب الكفر والعصيان=اجهادهم ربي وصابه
والصبر قد قالوا من الايمان=شارون بايجي له جوابه

**طارق بن حيدره** · 03-23-2004, 11:49 AM

بيلقح الحيل ولي هي مضيره000الله عليك يابن سويد صح لساانك

باقول لك مشكور يابن حيدره000سلمت يمينك يابن سميدع وكلك ذوق

يمطر علينا من سحابه000 يعطيك العافيه يا ذيب الصحراء هكذا الفصول ولا بلااااش

شاروووووون بايجي له جوووووابه 000ابداااع يا بو رااااضي ما بعده ابداااع صح لسااانك

وتقبلو تحياااتي واعذروني مامعي وقت رد بالقصيد والبركه فيكم

**طالب النعماني** · 03-23-2004, 08:56 PM

ماشي عذر يابن حيدره
القصيد ماهو صعب عليك ولا يستغرق منك اكثر من دقيتين

مساجلات الزامــــل الشعبي

سقيفة عذب القوافي