مجلس الدان الحضرمي

[البكري]

اقتباس : المشاركة الأصلية كتبت بواسطة المخشني [ مشاهدة المشاركة ]

جزاك الله ألف خير والإعتراف بالحق فضيلة. وأنا قد أوردت ما سمعته من الشيخ سالم با جنيد ( أبو جمال ) وإن تبغى رقم هاتفه سأرسله لك بالخاص. وبإنتظار مشاركاتك.

ماعليك زود يالمخشني وهاك القصيده للشاعر صالح عبالرحمن المفلحي

جزائـي يومنـا حبـك وخليتـك مزيـد

وكل الناس فيما قـد لقيتـه فيـك تشهـد

اذا ناديتنـا لبيـت بـك عينـي وياسيـد

توقـع ياحبيبـي لاتغـرك شبعـة العيـد

وياما من ليالـي سامـرك فيهـا ونقهـد

وبيت بالقبل لاطفك من ذا الخـد لا خـد

وسلمتك ولأ قلبي هول من غيـر تحديـد

توقـع ياحبيبـي لاتغـرك شبعـة العيـد

وليه الكبر ذا كلـه وليـه البعـد والصـد

نسيت الجود ياناسي وللمعـروف تجحـد

تظن انك فريد الحسن مالك شبه في الغيـد

توقـع ياحبيبـي لاتغـرك شبعـة العيـد

على كتف الدلل تفحسك في الاسواق كل يد

وعرضوا بزك البالي على ابيض واسـود

لأنك قاصر القيمه وبـزك عيـف تقليـد

توقـع ياحبيبـي لاتغـرك شبعـة العيـد

وبحرك معترف لي ضاع فيه الجزر والمد

ولـو حاولـت بابلـده فيـه البلـد بلـد

ويصعب معرفه بحرك على عز النواخيـد

توقـع ياحبيبـي لاتغـرك شبعـة العيـد

[محمد سعيد بن مخاشن]

يقول المهتجس قد شفت كم من وجه أسود
يوم الغـَــدَر في ليل غزّه حل وسوّد
معد حد هو صلاح الدين وينه راح يا الجيد
توقّع يا حبيبي لا تغرّك شبعة العيد

محمد بن سعيــد بن مخــاشــن

[سبع الليل]

اقتباس : المشاركة الأصلية كتبت بواسطة المخشني [ مشاهدة المشاركة ]

يقول المهتجس قد شفت كم من وجه أسود يوم الغـَــدَر في ليل غزّه حل وسوّد معد حد هو صلاح الدين وينه راح يا الجيد توقّع يا حبيبي لا تغرّك شبعة العيد محمد بن سعيــد بن مخــاشــن

مضى لي هو مضى يالمهتجس والحال أهود= بني صهيون من بعد التعب واللوم هٌود
وماباقي سوى الترميم ورجوع المطاريد= توقع ياحبيبي لا تغرك شبعة العيد

[محمد سعيد بن مخاشن]

اقتباس : المشاركة الأصلية كتبت بواسطة المخشني [ مشاهدة المشاركة ]

يقول المهتجس قد شفت كم من وجه أسود يوم الغـَــدَر في ليل غزّه حل وسوّد معد حد هو صلاح الدين وينه راح يا الجيد توقّع يا حبيبي لا تغرّك شبعة العيد محمد بن سعيــد بن مخــاشــن

ــــــــــــــــــــــــــــــــــــــــــــــــــ ــــــــــــــــــــــــــــــــ

تصحيح

الشطر الثاني أعلاه (( يوم الغدر في ليل غزه حل وسوّد )) موزون 100% حسب رواية باجنيد أما إذا إعتمدنا رواية البكري فيجب تعديله إلى (( وقد حل الغدر من فوق غزّتنا وسوّد )).

[محمد سعيد بن مخاشن]

اقتباس : المشاركة الأصلية كتبت بواسطة المخشني [ مشاهدة المشاركة ]

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ صوت جــــــــــــــــــــــــــــــــــــــــــديد إليكم هذا الصوت الجديد وأعتقد أنه صوت مـدِي ويسمح للشاعر بتناول الكثير من الأفكار؛ وإن شاء الله بس تكون السقيفة متعافية الليلة: [right]وبحرك ما إعترف لي ضاع فيه الجزر والمد لا جيت با بلـّــدِه فيه البُـلـْــد بلـّــد وتصعب معرفة بحرك على عز النواخيـد توقّع يا حبيبي لا تغرّك شبعة العيـد ................. ( تخميس ) ((( منقول ))) محمد بن سعيــد بن مخــاشــن

ــــــــــــــــــــــــــــــــــــــــــــــــــ ــــــــــــــــــــــــــــــــــــ

تصحيح

الشطر الثاني (( لا جيت با بلـّــده فيه البُـلد بلـّــد )) حسب رواية باجنيد فإن صحته هو (( ولو حاولت با بلده فيه البلد بلد )) حسب رواية البكري.

[حنطبه]

فيه فصل زين لباصره ويقول فيه :

ويامسكين باصره فزع عالزين من زقبه ومن عيون السحر = ومن القمر فزعان عاخله ومن النجوم الزاهرين
ظنيني مايكلمني والسبب لاشافني دبر مني وغض النظر = في خاطري وزن الجبل منه معسر فراقك ياالظنين

اذا عجبكم الفصل غن يامغني وان ماعجبكم خلوه على جنب وطلع ياشاعر .

[سبع الليل]

اقتباس : المشاركة الأصلية كتبت بواسطة حنطبه [ مشاهدة المشاركة ]

فيه فصل زين لباصره ويقول فيه : ويامسكين باصره فزع عالزين من زقبه ومن عيون السحر = ومن القمر فزعان عاخله ومن النجوم الزاهرين ظنيني مايكلمني والسبب لاشافني دبر مني وغض النظر = في خاطري وزن الجبل منه معسر فراقك ياالظنين اذا عجبكم الفصل غن يامغني وان ماعجبكم خلوه على جنب وطلع ياشاعر .

ولك ياحنطبه باقول تستاهل عقود اللول واصناف الدرر=منته شوي عندي و تشهد لك يساري واليمين
والجبر له ردات والمعروف مردوده لكم ياهل الفكر=يالله عسا بعد المشقه والتعب تصلح حوال المسلمين

[عشقان]

السلام عليكم ورحمة الله وبركاته

[المطلع]

مكاسب مامعي مكسب اذا نا باتعنّد=ولو باشد عاموتري عاد الدرب مبعد
طرق عيفه بغت عدها صيانه وتعبيد=توقع ياحبيبي لاتغرك شبعة العيد

ايش رايك في الوزن يابن مخاشن اذا يحتاج تعديل عدله شفنا الا نتوجس علي الصوت

[محمد سعيد بن مخاشن]

اقتباس : المشاركة الأصلية كتبت بواسطة المطلع [ مشاهدة المشاركة ]

مكاسب مامعي مكسب اذا نا باتعنّد=ولو باشد عاموتري عاد الدرب مبعد طرق عيفه بغت عدها صيانه وتعبيد=توقع ياحبيبي لاتغرك شبعة العيد ايش رايك في الوزن يابن مخاشن اذا يحتاج تعديل عدله شفنا الا نتوجس علي الصوت

الشطر (( طرق عيفه بغت ... إلخ )) هو الوحيد المكسور. إحدى الطرق لوزنه أن تقول مثلا (( طرق عيفه يغت عدها شوي رصعه وتعبيد )). تغن به بعد التعديل وستحس بالفرق. شكرا لشجاعتك الأدبية ولك تحياتي.

محمد بن سعيــد بن مخــاشــن