(((((الدان)))))

[البكري]

ذا جانا من العشقه خبر اليوم لي مبــهم ### صاحبي ابتلا فيها صبح من عقله مسلـوب
ضوى يهدي ويهمهم حتى السلام ماسلّم ### عيونه لسماء تنظر يصفّق ويقول الهـبوب


البكري

[حنقباصه بن قعوش]

اخي البكري بكل ادب والله ثم والله ثم والله قصائدك غير موزونه وكلهم يتكلمون عليك ولكن ليس عندهم الشجاعه الادبيه يصارحوك والله العظيم اقول لك من صدق .كل قصائدك كلام كأنك تهذي.

[البكري]

اخي حنقباصه اقسمت بغالي وصدقت يااخي في ماتقول
ماانا بشاعر مثالي وانت حسبنا من اصحاب الفضول
وان ماعجتك اقوالي لاتقرا ولاتسمع لكل مانقول


البكري

[ابوهارون]

[سبع الليل]

بغيتوا الصدق يالخوان بغينا الفصل يتختم=بذكر المصطفى الهادي عدد مانسنست لهبوب
خرج ذا فصل والثاني كلام الصدق له معنا=وكل مخلوق في الدنيا بقول الصدق مايحتار
انا بفرح اذا قد شفت حد ياناس ينصحنا=ويسلكنا طرق زينه ويبعدنا من الاخطار
لان النُصح ذي الايام يالجباب ينقصنا=وجم حاجات مخفيه ولا ندري بذي هو صار
وبعض الناس تتعذر تقول الوقت يغدرنا=ولكنه سبب لعمال ما هو الوقت ذي غدار

[البكري]

هلا بابيات من شاعربها يحلى مسمرنا ### بانسمرعلى صفاء وكل واحد له مقدار
لم الشـمل يا صحابي ذا شـي يسعـــدنا ### به ينسـم الخاطـر ويجمعنـا مع الاخيـار


البكري

[ابوهارون]

[البكري]

صدقت يا ابا هارون ولكن من يسمعنا ### عيشه صعبه لمسناها كل يوم لنا اسعار
ذي ياصاحبي بلوه منها ايش بايخلصّنا ### نسلّم لمر له وحده لان حكامنـا تــجّار


البكري

[سعيد محمد علي عبود باوزير]

وطول الوقت نتشكى ونتعذر ونتمنا =نرد اللوم عا لثاني ونجلس كلنا في الدار
حفر في الصخرشارك بالعمل والله يرزقنا = ومن يعمل يجيه الرزق من رب السماء مدرار

[سبع الليل]

هلا يالبكري الغالي تراك اليوم تعجبنا=وذي قد فات باننساه ترى نحن من الاخيار
ولا نحسب لشي زله ولا غلطه تجرحنا=نحب الناس من قلبي محبه ما لها معيار
ألا يالله يزين الحال الى الاوطان مرجعنا=متى بانترك الغربه وبانفسح في الاسفار
من اجل الرزق بانجري في الدنيا تبهذلنا=ولا معنا خلاف الصبر ما بانقطع المشوار
الما تزين ديرتنا ونملكها بهمتنا=ويرجع كل شي لاهله ونكسر شوكة المكار