حنيت لك مثل ما حن لامه المولود * واشتقت لك شوق مطرب للوتر والعود

[عبدالله الجعيدي]

كم اتمنى ان تنال اعجابكم الذي يهمني كثيراً

دقيت ع الباب

دقيت ع الباب جم مرات والمقصود = حصّلك يا زين يا راع ِ العيون السود
=ما كنت موجود
=وألا تسمع الداعي ولأرديت
=يا ليت يرجع لنا ماضي مضى يا ليت
مرت بدونك ليالي يا حبيبي سود = لا برق فيها ولا فيها سمعت أرعود
=والوضع مشدود
=فوق النار الأعداء يسكبون الزيت
=يا ليت يرجع لنا ماضي مضى يا ليت
حنيت لك مثل ما حن لامه المولود = واشتقت لك شوق عاشق للوتر والعود
=جُد باللقاء جود
=وافتح باب قلبك لي وباب البيت
= يا ليت يرجع لنا ماضي مضى يا ليت
المسك والطيب والعنبر ودهن العود = ينفح علي كل ماهب من جهتكم نود
=وأزهار وورود
=يتبعني شذاها حيث ما بتيت
= يا ليت يرجع لنا ماضي مضى يا ليت
ما دام عاد الأمل في وصلكم معقود = بصبر لان كل صابر بالفرج موعود
=من كل عنقود
=بقطف من حبوبك يا ثمر دنيت
=يا ليت يرجع لنا ماضي مضى يا ليت