02-17-2006, 03:37 PM | #1 | |||||
شاعر السقيفه
|
رد الشاعر: يسلم بن عكعوك على قصيدة الشاعر: مجمل
هذه القصيده رد على قصيدة الشاعر مجمل
اهلن وسهلن مالمطر مطار = وعم كل الحضر والبدوان من مقدم الزبره يجي حرار = يمطر على السيطان والوديان في راس منشي والسما مدرار = دايم بلا بارق ولا رعدان من موديه لى حجر بن دغار = لرض الكثيري هم وياسيبان قم يا عوض باشر اتو زوار = من شادليه شنف الفيجان يستاهلون العز والمقدار = ابنا قبايل عاليين الشان اعرف مجمل من عرب شطار = في المصنعه ذي غلبها دحان جده عوض مايختفي فالدار = مايفرح الا لا ضوو ضيفان وبوه صاحبي الصديق البار = ابو عمر فالمجد له عنوان بلغت بيوتك تعجب السمار = واستر بها يسلم مسى فرحان حسبتها حسبة قروش اهجار = الباثريا صوتها حنان ترجمتها شفرتها شفار = ماشي خطا فيها ولا نقصان والقصد والموضوع في ماسار = خلك ذكي يا فارس الفرسان حدد مكان الشوت بالجلفار = حيث الخلل عالجه بالكتمان خلك ذكي لا تكون لي ثرثار = النار لا ولعت لها دخان اعرف مكانك يا جمل بازار = باحذرك لاتتبع الحشوان عالج خطا الجيران بالافكار = ونصحه لا منه خطا قد بان خلك على جور الزمن صبار = بالصبر ترجح كفة الميزان مالا دخلت الداير الدوار = بيغرق المركب مع الربان وش بايرده من غضب الابحار = لا قد توهلم في غبب سيلان وانت قدك عاقل غزير افكار = محد يوصيلك ولد سرحان ذي يعرف المورد من المصدار = ماينهزم في حومة الميدان لا يخدعك حسني مع غوار = ذولاك شفهم كلهم عيبان وان شفتهم يتقاسموا الادوار = حد منهم راضي وحد حمسان وياسين واقف بينهم محتار = لانه غبي ماهو والد فنان مايعرف اليمنى من اليسار = ماسوى يبوح ثور بن شرمان ماعزه الا شفرة الجزار = يتقاسمونه لك نصاف اثمان وبو كلبشه بينهم سمسار = يسجن بري ويطلق الغلطان والبخص عودلك على ام الدار = فطوم حرموها لقا الخلان ذا قول من يرمي على مقتار = ما وجه البندق بلا نيشان ذا لي حصل ياشاعر الشعار = والرهق عاده عندنا مليان لعمل ولثنا واجهة الاثمار = الشرج منخوله يرد مطران مالا زحي باتسقط الاسعار = باتخرب الدنيا على الديان وابلغ تحياتي على الحضار = سلم على الشياب والشبان وختمها صلوا على المختار = يشفع لنا من لاهب النيران
ابديت بـك يالواحـد القهـار=ياذي خلقـت الكـون يامنـان
تغفر ذنوبي شف حمولي جار=والعفوا منك ياعظيـم الشـان ندخل في الجنه مـع الاخيـار=نشرب لبن صافي من المعيان سعفي محمد و الصديق البـار=نلحق عمر ذي خوف الشيطان من نجد بومتعبب بلد لحـرار=حكم الشريعه سطره عنـوان شل الرساله واركـب الطيـار=وارد فرنسا هـم وياالطليـان ساعه ونص فالجو وانته فـار=تبلغ لديـره حلهـا شجعـان من دار زينه ذي لهـم مقـدار=ذي صيتهم قد شاع فالعربـان وانشد على يسلم قصد للـدار=عكعوك داهل يكرم الضيفـان ينشدك شي عندك من الاخبار=قله عوافي ماخبـر قـد بـان مسوا مجمل ذالسنـه محتـار=من ذي حصل ياشاعر الرميان الجار مايعرف حقوق الجـار=شهدوا علي بالكذب والبهتـان قاضيهم فاجـر مـن الفجـار=تهمه وعقلـي منهـا وحـلان ذي شقبي ذي قد حلف فالكـار=ياعـم يسلـم سقبـي بــدان كنا معه فـي حلوهـا والقـار=كنا معه في ساحـة الميـدان لكن غدربـي عايبـاً مكـار=خرب رباع الـدار والبنيـان لكـن خابـت هـذه الافكـار=مابي قهد من انسهـا والجـان بحمي دياري بالرصاص الحار=باردهم من دونهـا عوجـان محتاج شورك ياحكيم الشـار=فالزود وجهنـي وفالنقصـان محتاج رايك ياجمـل هـدار=لا تفتكـر انـي بهـا حنبـان شارك همومي واحفظ الاسرار=خايف من اليسرى على ليمان والعفو منـك فالـذي قـد دار=ان شي حصل تقصير فالميزان والختم صلوا عالنبـي مـازار=زاير بزمزم وارتوى عطشان |
|||||
التعديل الأخير تم بواسطة يسلم صالح بن عكعوك ; 02-17-2006 الساعة 05:26 PM |
||||||
02-17-2006, 06:36 PM | #2 | |||||
شاعر السقيفه
|
سلمت يابوصالح صح الله لسانك لاتبخل علينا بهذا المعيان لنشرب ونتعلم وندرس في مدرسة بونشوه له الجنه
ولك الشكر والتقدير ياعم يسلم . |
|||||
02-17-2006, 11:00 PM | #3 | |||||
حال جديد
|
نعم البدع والجواب
|
|||||
02-18-2006, 12:09 AM | #4 | |||||||
مشرف سقيفة عذب القوافي
|
سلامتك يامجمـــــــــــــــــــــــل مما قلــــــــــــــــــــــــــــــــت ان اشهـــــــــــــــــد انك مبدع ووتشكــــــــــــر ياعم سالم على ماقلـــــــــــته والله يعطيك العافيه ونسمــــــــــــــــــع عنك اخبار الخــــــــــــــــــــــير ...
اسجـــــــــــــــــل اِعجابــــــــــــــــي الشـــــــــــــــــــــديد بكمـــــــــــــــــــــــــــــا |
|||||||
02-18-2006, 12:17 AM | #5 | |||||
شاعر السقيفه
|
شكرا على الجواب الجميل من الأكاديمية العكعوكية ومن شدة إعجابي بالبدع والجواب
تم نسخها عندي للأحتفاظ بها وكيف وهي من قبائل لهم مقدار آل حيدرة وآل باتيس المخلص/ أبويوسف بن شحبل |
|||||
02-18-2006, 09:25 AM | #6 | |||||||
حال نشيط
|
مبنى ومعنى من المبدع مجمل والأستاذ الشاعر الكبير أبوصالح
الله يعطيكم العافية .. هكذا تعيش سقيفة عذب القوافي متجدده دائماً بوجود شعارها تقبلوا خالص شكري وامتناني |
|||||||
02-18-2006, 04:24 PM | #7 | |||||
شاعر السقيفه
|
تسلمون على المرور الطيب
|
|||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
القصيده الفائزه في مايو$$$ ادخل وشارك بامانتك | زعيم الكواثر | سقيفة عذب القوافي | 17 | 06-20-2011 01:35 PM |
شبام الحب(ديوان شعر) | ابوسعدالنشوندلي | سقيفة عذب القوافي | 11 | 05-08-2011 10:31 PM |
شبام الحب(ديوان شعر) | ابوسعدالنشوندلي | سقيفة عذب القوافي | 5 | 05-08-2011 10:28 PM |
من باطل الوقت جم قصرات قاسيتها ( جواب للشاعر الكبير يسلم بن عكعوك بن غانم ) | طالب النعماني | سقيفة عذب القوافي | 23 | 12-24-2010 05:10 PM |
صاروخ قسامي ((جواب خالد بن قاسم على بن عكعوك)) | خالد بن قاسم | سقيفة عذب القوافي | 7 | 11-25-2010 02:35 PM |
|