مولى المصنعه( وانت الحكم)

[المصنعه]

ابديت بالمولى ال الاه القادر=يعلم سراير قلبي المخفيه
عساه يغفر لي وذنبي جاير=من يقصده شف حجته مقضيه
والوقت لو جاير مصيره عابر=وكل حجه في الزمن موليه
ياهل السقيفه مشرحين الخاطر=واهل الاداره في نوب حربيه
سلام يبلغ من حضر والزاير=للكل مني ليس به الخصيه
يوم الشبامي دوب نجمه زاهر=واسمه ذهب منقوش عالعليه
ياكاسبين الجود هو به ظافر=دايم قصوره عاليه مبنيه
تبقى تواريخه بها يتفاخر=من بعده اولاده على ماضيه
الجيد بايبقى مثيل الكابر=ماتنقص احزوره مع واديه
حد في الزمن كاسب وحد به خاسر=والوعل دايم قشعته محنيه
اما الردي من فعلته ياساتر=مابايجي مخلوق عاداعيه
مابا مع مندس ولا متامر=(خلي ولي)قول بالهنديه
لاجاك يتكلم كلامه باير=كل يوم ينقص جزء من هبريه
باعو ضمايرهم بشاهي شاكر=ولا ملا فيجان من بنيه
حاشاء وكلا ماتصل يالغادر=دايم مسيرك في طرق ملويه
والختم صلوا عالشفيع الطاهر=واله وصحبه مخلصين النيه

وانت الحكم في اخذ رتبة شاعر=واللاقطع احلامي الورديه

[المتمكن]

كلام كلااااااااااام يامولى المصنعه قصيده مميزه يسعدني ان اكون او من يمر على القصيده العصماء
والله تستحق ان نطلق عليك
لقب امير شعراء السقيفه وليس شاعر السقيفه
اسجل اعجابي بكل حرف كتبته

[ابوناصر الهميمي]

انا اشهد انك شاعر ونا بوناصر وتستاهل اللقب بس ياليت باسمك الحقيقي تسجّل لان الشاعر يكون شفّاف ومعروف وابياتك ياخار هي ماتستخي تعطيها اسم حركي
تقبّل مروري واعتذر

[الواثق بالله]

يوم الشبامي دوب نجمـه زاهـر=واسمه ذهـب منقـوش عالعليـه
ياكاسبين الجود هـو بـه ظافـر=دايـم قصـوره عاليـه مبنـيـه
تبقـى تواريخـه بهـا يتفـاخـر=من بعـده اولاده علـى ماضيـه
الجيـد بايبقـى مثيـل الكـابـر=ماتنقـص احـزوره مـع واديـه





كلام مكتوب بماء الذهب شكرا يابو فيصل
على كل هذا الابداع
وابو صالح يستحق اكثر من هذا ولكن ماخليت شي
للباقين قصيده بالفعل عصمى وتستحق
ان نقف عندها كثير لما بها من ابيات غايه في الابداع
والتميز
وانت الحكم في اخذ رتبة شاعر
واللاقطـع احلامـي الورديـه
اما الشعر فاشهد انك شاعر
مميز ولك صولات وجولات في الشعر
كثيره اتمنا ان تكون احلامك محققه ان شاء الله
تقبل تحياتي
اخوك الواثق بالله

[سبع الليل]

كلام يالمصنعه قوي وجزل بارك الله فيك يالنشمي
قصيده في منتهى الروعه تسلم يالطيب تحياتي واحترامي

[بن احمد]

كلام مليان مايحتاج والباقي عليك يابوصالح
انا اشهد يستاهل لقب شاعر واكثر ومبروك مقدما

[طالب النعماني]

كلااااااااااااام كلااااااااااااام يابوفيصل
تستحق لقب امير الشعرا

[علي فدعق الهاشمي]

لله درك


قصيده وافييييييه من وافي

صح الله لسانك حتى ترضى

دمت بود

[صالح باعمران ابو زايد]

كلام كلام صح لسانك ملايين
شاعر جزل تستحق لقب شاعر وبجدارة
والاخ المشرف العام لن يتأخر عليك ابدا
تقبل مروري واعجابي واجمل تحياتي
اخوك صالح باعمران

[الشبامي]

وانت الحكم في اخذ رتبة شاعر=والا قطع احلامي الورديه

بل أنت تاج على رأس الشبامي يامولى المصنعه
فمن يدلف سقيفتنا العامره لن تكون أحلاميه إلا ورديّه ولن يلقى من حلانها الكرام الا كل ود ومحبه وتقدير
يُمنح فورا لقب شاعر السقيفه ولي عوده أخرى