ليت الهوى ينصاع لي مره.....باكون له طول الزمن شاكر

**ابو نجود** · 03-16-2015, 05:04 PM

صــدفـة لمحت الـزيـن من نظرة
نـاديـت لـه ويـن الــحــلا ســـاير

جـــاوب عـلـي فـي همستـه نبـره
فـيـهـا الـــم شـــاكـي الـم حــــاير

قــال الـسـفـر قــد حــان لـلمـهـره
لـك شـــي طـلـب اتـدلـل وآاامــر

جــاوبـتـهــا والـنـفـس فـي حسرة
لـيـت الـسـفـر يـبـقـى لـيـوم اخـر

اقـسـمـلـك انـي وصـلــك بـــكـره
واكـون فـي الـرحـلـة معك سـاير

نـقـضـي سـويـعـات الـسـفـر مـره
نـنـسـى هـمـوم الـوقـت ذي جاير

الـجـيـد دااايــم يـحـفـظ الـعـشــره
يـا حـظ منـهـو لـلـوفــي عـاشــر

بـو نـور يسـوى فـي العدد عشره
مـثـل الـذهـب يـاحـلـوتـي نـــادر

عـاشـق وعـشـقـي دوب عالفطره
والـقـلـب فـي سـوق الـوفى تاجر

اتـبـسّـمـت قــالـت مـعـي فـكــره
بمشي معك واحكم على الضاهر

مــوهــوب يـابـو نـور لك خبـره
قـولـك لـقـى وسـط الحـشـى نافر

تـعـرف تـفـك الـقـيـد والـشـفــره
اشـــهــد بـانـك في الهوى ماهر

الـوقـت عـلّمـنـي اقـــع حــــذره
الله وكــيـلــك لا تــكــن غـــاادر

سـلّــّمـت لـك امـري وانـا حــرّه
يـشـهـد عـلـيـا الـخـالـق الـقادر

يـابـنـت امــرك خـيـره و شــرّه
ايــضـا وامـري رب لــه سـاتـر

لا لا تـظـنـي مـقـصـدي شـهـره
او شـي هـدف يـابـنـت لي ماكر

حـاشـى تـجـي مـنـي ابـد عـثـره
ســرّك انـا عـنـوااان لــه فـاخـر

هـل تسـمحـي لـلعـاشـق ابنـظره
ارجـوك لالا تـكـسـري الخـاطر

كشفت عن الوجه الحسن سحره
سبـحـان من صوّر كـذا سـاحـر

مـثـل الـقمر يـوم اكـتـمـل بـدره
فـيـهـا جـمـال الـكـون مـتـنـاثـر

طـازج شهي مـثـل الـكـرز ثغره
وخـدود مـثـل الـورد يـا سـاتـر

دنّـت وقـالــت اسـمـهـا شـــذره
فاح الشذى من جسمها العـاطر

يكـفي طمع يـاصاحب الـغـتـره
يكـفيـك مـا شـاهـدت يـا شاعـر

الـمـعـذره طـوّلـت فـي الـهدره
ارجــوك تسـمح لـي وبـاغـادر

ودي نـقـضّـيهـا مـعـك سـمــره
لــكـن حـظـي لـلاسـف عــاثـر

خـذ رقــم جـوالـي..علـى فكـره
حـافـظ عـلـيـه ودق لـي بـاكـر

لـو غـبـت تـبقى لي معك ذكره
بـيـظـل قـلـبي في الهوى طاير

ودّعـتـهـا والـجـوف بـه جمره
كـم بـعـدهـا يـانـاس لـي قـاهر

جــر الـنـسـم جـرّه وراء جرّه
ودى بـــكــي لاكــنـنـي كـابـر

لـيـت الـهـوى ينصاع لي مـره
بـاكون لـه طول الزمن شـاكر