محاوله للتواصل { مغنى دآآآآن }>>>

[ثابت بن ماضي]

ياغارت الله مدري ويش يجرالي=لوكان صاحبي ابعين الغلاء ينظر
وأم المصايب اذا هو في الهواء كاذب=باعيش نفحس على الكفين

لكنني معتقد

[مبروك بن ماضي]

يالباشق آمن بكل ماقـدر الوالي= والامر يالشيخ باذن الله يتدبر
لاتنتظر عون من كاهن ولاراهب= الله ماحد سـواه يعين

[حاتم الطائي]

ما عذر بعد القار باتشرب من الحالي=ان كان لك طاقه .. تحمل جور وتصبّر
لو كنت له مغلوب بالحيله تقع غالب=الصبر عالمكتوب قالوا زين
واما اذا هو كان راسه رافعه عالي=انصحك تبعد اذا هو صاحبك مغتر
تلقى بديله بعون الرازق الواهب=الآف من عينته وملايين

وشهركم مبارك
والسموحه منكم انشغلنا عنكم
ومشاركتي مستعجله عذرا اذا فيها خلل بالوزن

[ثابت بن ماضي]

هكذا ياعويله. حيا الله بن ماضي وبوراضي وكل من يشاركنا

وحيالله حاتم وشهر مبارك. وفي انتضار بقية الشباب. والشيبان اذا جو باتقع سمره ترشن من طرافها

غنّ ياولييد.

ماحد مثيله ويطري دوب عا بالي=وأن جيت بنساه فز القلب واتذكر
والمشكله بالمشاعر دوب يتلاعب=ولادريت رايح بنا لاوين
ماقول مغرور لك او شخص متعالي=برغم كل الحلا أحلا من ال....
يعرف اصول الهواء ويعرف الواجب=كنه ترباء بوادي العين

[ثابت بن ماضي]

وين الشعار . عاد حد معه شي ولانفصل؟؟؟؟؟؟؟؟؟؟؟؟؟؟؟

[مبروك بن ماضي]

من ثورة العشق كم يالباشق نصالي= في داخل القلب كم شريان يتفجر
والمشكله مايحس/ طبعه معي سالب= كنه صنم من طين

[ثابت بن ماضي]

وا هكذا هكذا ياعويله ولك يابن مسلم

الى ارض لحقاف برجع بعمد اجبالي=ذي طينها مسك واحصاها كما الجوهر
وخيرات فيها وتضوي منها زاعب=وفيها الكمثراء وفيها التين

[مبروك بن ماضي]

الله يجعـلـك دايـم رايـق البالي= وتعـيـش مرتاح في أرضـك وفي المهجر
وان كنت في نجد منته عنها غايب= توصل لها في قدر يومين

احترامي

[مبروك بن ماضي]

اتقول
اتقول
اتقول
اتقول
سقطت سهواء فكسرت البيت
عذراً للجميع :

من ثورة العشق كم يالباشق نصالي=في داخل القلب كم شريان يتفجـر
والمشكله مايحس/ طبعه معي سالب=( إتقول ) كـنـه صـنـم مــن طـيــن

[ثابت بن ماضي]

البعد والشوق قد نكد على حالي=مشتاق شفني وحن ألخرج ستعشر
وللقناصات شوني يلخوه راغب=وعيني على الوعل بوقرنين