مجلس الدان الحضرمي

[النمر المفترس]

في الريت ماعادلك صالح والدار عا الساس مبنيه = مسوى تحسار على الماضي وتعيش بين الرجاء والياس
والصبر محمود وافعاله من دون شك تنجح النيه = وانته صبر عل الذي جالك وابعد من الشك والوسواس

[صوت سيبان]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

قطعت الاوراق وطرحتك في وضع محرج بلاويه=عليك من كل محل تظهر وفيك سبر يدب الياس يا ويلكم يهل بو قشعم من برق في راس منشيه=وسحابه اسود ورعدانه حنة على راس بانواس

الفرق ياصاحبي واجد بين المقد والعقوبيه= أنته تقايس وأنا قايس ولعاد شي جاك عاالمقياس
أصقورنا فا السماء تبرم ون مر مكحل وقوريه=وبي فرفرو ريشه البالي نقراسنا ياعمر نقراس

[محمد سعيد بن مخاشن]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

فصل جديد مابننا كل شي واضح مكتوب بوراق ورديه= ولعاد تنكر وتتملص ونته مبصم أمام الناس والعهد ماباك تنكثبه ياأسود الوجه والنيه=وتلف وتدور ياالعايب بين الظفر والذبر والحاس

لكن يوجد غلط فاضح وإمغالطه عمْـد مخفيّـه
والبر ياخوك يتقرّص وإحنا نعاني الضـّـنك والبأس

شلـّـيت نخلي وسَـط سدبه وإطلعتني في العقوبيّـه
عندي لكم قامزي لاهب وإنتو ضريتو على لفلاس

تصبحون على خيــــــــــــــــــــــــــــــــــــــــــــــــ ـــــــــــــــــــــر

[ابوشحوف]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

قطعت الاوراق وطرحتك في وضع محرج بلاويه=عليك من كل محل تظهر وفيك سبر يدب الياس يا ويلكم يهل بو قشعم من برق في راس منشيه=وسحابه اسود ورعدانه حنة على راس بانواس

يالذيب مبغاك تتصوف واحنا شوافع وسنيه = والمشجري لو بيتصوف قله زياره قدا باراس
والدان لوكان طولنا بالقلبه شرح كسريه = بلطبل حد مننا يطبل وحد يساير على المرواس

[الواقعي]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

فصل جديد مابننا كل شي واضح مكتوب بوراق ورديه= ولعاد تنكر وتتملص ونته مبصم أمام الناس والعهد ماباك تنكثبه ياأسود الوجه والنيه=وتلف وتدور ياالعايب بين الظفر والذبر والحاس

الوقت قد زان للاعور هلباء اشتراها بخوريه=واليوم عالناس يتكبر ملكه من ادبي لا مكناس
نسيت طارك ومزمارك واللبس فالعيد جونه=الناس تعرفك يا لغبر هندي تكنس طرق مدراس

[صوت سيبان]

اقتباس : المشاركة الأصلية كتبت بواسطة النمر المفترس [ مشاهدة المشاركة ]

في الريت ماعادلك صالح والدار عا الساس مبنيه = مسوى تحسار على الماضي وتعيش بين الرجاء والياس والصبر محمود وافعاله من دون شك تنجح النيه = وانته صبر عل الذي جالك وابعد من الشك والوسواس

كلام مدروس من شاعر لاقال تعجب قوافيه= ويعرف الشيخ والسيد بوبكر بن حيدر العطاس
طفيت قناديل خربانه جابو مواطير غربيه=وأمشي على ضوها قدني يوليد يكفي من العساس

[ابوشحوف]

بعض العرب قال خو مهدي يعجبك ذكره وطاريه = وبعضهم لنذكر مره عليه تلعن جميع الناس
لنه معاند بغا حكمه ملقي في الخط دوريه = ولامشى سيرو سعفه عشرين جندي معه حراس

[الفتى الرحال]

سويد الوجه هو عايش في احلام ورديه=ولاضني سويد الجوه بيلاق الخضر والياس
وقد كانت حصون الامس عا لكوام مبنيه =لها تاريخ يشهدلك في الدفتر وفل كراس

[صوت سيبان]

اقتباس : المشاركة الأصلية كتبت بواسطة الواقعي [ مشاهدة المشاركة ]

الوقت قد زان للاعور هلباء اشتراها بخوريه=واليوم عالناس يتكبر ملكه من ادبي لا مكناس نسيت طارك ومزمارك واللبس فالعيد جونه=الناس تعرفك يا لغبر هندي تكنس طرق مدراس

بالله قم فتح أعيونك بتشوف حاجات مخفيه= قدشلها من خزينتنا باليل عباس بن فرناس
وأبغاك تنصف ولاتظلم لاتلقي الرطل أوقيه= وتحاسب الخير الطيب على سدس جاه من لسداس

[عمر الذيب]

اقتباس : المشاركة الأصلية كتبت بواسطة الواقعي [ مشاهدة المشاركة ]

الوقت قد زان للاعور هلباء اشتراها بخوريه=واليوم عالناس يتكبر ملكه من ادبي لا مكناس نسيت طارك ومزمارك واللبس فالعيد جونه=الناس تعرفك يا لغبر هندي تكنس طرق مدراس

كل من لحق سوق يتسوق يالواقعي في العقاريه=القوقره فيه والفوطه والمخمل الزين هو واللاس
والمشكله يوم صومالي معقد على بنت هنديه=الفرق مابينهم واضح في الهرج والشكل والملباس