مجلس الدان الحضرمي

[عيبون]

ولعاد تشكي من فعال العشق ياوعل النـتر=اطلبه ربك و بايحققلك مرادك والمــــــــرام
الصبر شف له عاقبه قد نال كل واحد صبر=واما المحبه طبها الاخلاص والجفوه حرام

[ميراد باسودان]

اقتباس : المشاركة الأصلية كتبت بواسطة عيبون [ مشاهدة المشاركة ]

يامرحبا بالهرج لي هو شل همي والــــكدر=بوشحوف شاعر واحسبه عندي من اصحاب المهام منته لحالك بانجي دحقه على ضو القـــــمر=مادام راعدها يحن والبــــرق يلمع في الجهـــــــــام ومنين هذا الصوت جبته وسط قلبي قد حفر=وذكرت وقتي لي عبر في الشرج مع حي الســــلام لا شفتكم بسري معك ماباخلف او بعــــــتذر=والجوهره بانجيبها لي هي بطت عاراس هــــــــــام

حياك ثم حياك ياعيبون ياحاني العجر=وماينتسي بو شحوف عالي القدر عندي والمقام
وفيين بوطارق وبورايد يحلون السمر=وفين بن أحمد وكم من جيد ياكم من دعام

[ابوشحوف]

اقتباس : المشاركة الأصلية كتبت بواسطة عيبون [ مشاهدة المشاركة ]

يامرحبا بالهرج لي هو شل همي والــــكدر=بوشحوف شاعر واحسبه عندي من اصحاب المهام منته لحالك بانجي دحقه على ضو القـــــمر=مادام راعدها يحن والبــــرق يلمع في الجهـــــــــام ومنين هذا الصوت جبته وسط قلبي قد حفر=وذكرت وقتي لي عبر في الشرج مع حي الســــلام لا شفتكم بسري معك ماباخلف او بعــــــتذر=والجوهره بانجيبها لي هي بطت عاراس هــــــــــام

ماخاب ظني في صحابي عيبون جاني للسمر = هرجه ذهب عالي عياره لي يوزنونه بالقرام
باجهز القهوه وعمر وانته على البوري جمر = ياخيرها سمره معاكم داخل سقيفتنا شبام

[ابوشحوف]

اقتباس : المشاركة الأصلية كتبت بواسطة ميراد باسودان [ مشاهدة المشاركة ]

حياك ثم حياك ياعيبون ياحاني العجر=وماينتسي بو شحوف عالي القدر عندي والمقام وفيين بوطارق وبورايد يحلون السمر=وفين بن أحمد وكم من جيد ياكم من دعام

ميراد شف قلبي مولع والعين تعبها السهر = من يوم ماشفت المدلع هذاك غرم بي غرام
مبغاك تتولع مثيلي احذر من العشقه حذر = ملقيت شفني طب ينفع دورت في مشرق وشام

[الواقعي]

فوق النشم حطيت ساسك والقيت مبنى من حجر=والسقف صبيته مسلح والمدخل القيته رخام
يا المشجري لوبا تسافر بالجيب شيّك كل كفر=واحذر من السرعه جمال البدو فالسكّه هيام

to be knowtes

[عيبون]

اقتباس : المشاركة الأصلية كتبت بواسطة ميراد باسودان [ مشاهدة المشاركة ]

حياك ثم حياك ياعيبون ياحاني العجر=وماينتسي بو شحوف عالي القدر عندي والمقام وفيين بوطارق وبورايد يحلون السمر=وفين بن أحمد وكم من جيد ياكم من دعام

يامرحبا ميراد حيابك ميه والفين كـــــــر=وعداد مابيّت يدحّي عا شحرها والدقام
كل من عطاني شبر جوده بانكافيها بـــفر=ماداني القصرات بااوفي وزوني بالتمام
مادام مخباطك نظرته في حيودي قد عكر=باجيبه الميزر وباخليه يتنهم نهــــــــام

[ميراد باسودان]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

ميراد شف قلبي مولع والعين تعبها السهر = من يوم ماشفت المدلع هذاك غرم بي غرام مبغاك تتولع مثيلي احذر من العشقه حذر = ملقيت شفني طب ينفع دورت في مشرق وشام

بوشحوف ماقد خضت مثلي نا خضتها بحرا وبر=ولقيت دسمالي الهوى والعشق لقيته حزام
ماشي معك من لي معي ناذقت حاليه ومر=وسري نصيف الليل وقنص عالسخاري والحمام

[عيبون]

العذر النت عندي الليله يفصل مادري اش فيه

[ابوشحوف]

اقتباس : المشاركة الأصلية كتبت بواسطة الواقعي [ مشاهدة المشاركة ]

فوق النشم حطيت ساسك والقيت مبنى من حجر=والسقف صبيته مسلح والمدخل القيته رخام يا المشجري لوبا تسافر بالجيب شيّك كل كفر=واحذر من السرعه جمال البدو فالسكّه هيام

الواقعي يامرحبا به باقول حيا بالخضر = بفرشكم فلقاع مرمر وتوسدو ريش النعام
كلام قد جاني محكم ذا لول ولا ذا درر = لوكان حد للشعر حاكم يطرح على صدرك وسام

[عيبون]

واحنا ليالينا تعدي بيت عالونه نــــــــــجر=لاني مولع في الوطن من قبل ماسن الفطـــــام
قال المثل لاياصحابي شوه ناموس الــنمر=داخل عرينه ياصحابي وافهمو مغزى الكـــلام
ريته الا دوب جنبي في عشيه او عصـــر=من سلب عقلي وانا في عشقته هايم هــــــيام