مجلس الدان الحضرمي

[صوت سيبان]

تصبحون على خير أخواني الأفاضل وبيننا باكر المعذره
سيتحوّل أرسالنا على الموجات القصيره والمتوسطه في أمان الله

[عاشق رماله]

وليف الروح لاقدجيت يتعطر=ونا مشتاق له ماهمني عطره
على شانه عكست السيد والدوار
افيدونا على هي عل اللحن ولا من جنبه ولكم جزيل التحايا

[عمر الذيب]

اقتباس : المشاركة الأصلية كتبت بواسطة عاشق رماله [ مشاهدة المشاركة ]

وليف الروح لاقدجيت يتعطر=ونا مشتاق له ماهمني عطره على شانه عكست السيد والدوار افيدونا على هي عل اللحن ولا من جنبه ولكم جزيل التحايا

نعم مئه في المئه
عمر الذيب

[الفتى الرحال]

نعم بعد المطر ياصاحبي كل واد بي خضر=ونا ياريت لي فلوادي المثعوب بس نضره
=ولاقل النظر ياصاحبي باركب المنظار

[النومسي]

اقتباس : المشاركة الأصلية كتبت بواسطة الفتى الرحال [ مشاهدة المشاركة ]

نعم بعد المطر ياصاحبي كل واد بي خضر=ونا ياريت لي فلوادي المثعوب بس نضره =ولاقل النظر ياصاحبي باركب المنظار

انت وين والوزن وين يالفتى عدّلها يحفظك ربي

[رنين الوتر]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

الكلام يا وزران فيه لج وأبلج! با تصبر على ملاقاة؟؟؟؟؟؟؟؟؟ المحب أم با تصبر على مفارقة ( فرقا ) المحبب!!!!! الإنسان يصبر على الشيئ البطال

صدقت يابن عمرو فيه لج وابلج
انا بصبر (عاملقاه)اي على ماسواه في الحبيب يالحبيب تسلم يابوصالح

[عيبون]

سلام الاف للشعّار ومكرّر=على ذا الصوت قط لا تقلبو المكره=ولا بامل هذا الصوت بالتكرار
وجبت العود والحمّي وباجمّر=وهذا الصوت طفّى (ف)الحشا جمره= كلفت الهجس يحط السخر (ف)المجمار

[رنين الوتر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

صبر مادام لك موقع على المنبر=وصوتك في رنينه عالي النبره =يصل لما حدود الهند ومنيبار وقع هادي وحذرك يوم تتوتر=وخذ لك في الهوى يا صاحبي تره =ولكنك حذر لاتقطب الاوتار

صبرنا ياعمر والحال يتمرمر=وهو يالذيب من كاساته المره
بيسقيني ف الليله ثلاث امرار=

[عيبون]

دروب العشق بغت مخلوق يتبصّر=يفنّد بينها بغداد والبصره
=وكم فيها يضيع العقل والابصار
ولا يغرّك بديع الشكل والمنظر=في الغزلان لاتحكم على النظره
=كشف عالقلب ياصاحبي بالمنظار
وخلّك عينت الريموت ذي مشفّر=ولا تعطي لحد رقمه ولا الشفره
=يبيح السر لاقد عرفو الاشفار

[عيبون]

اقتباس : المشاركة الأصلية كتبت بواسطة رنين الوتر [ مشاهدة المشاركة ]

صبرنا ياعمر والحال يتمرمر=وهو يالذيب من كاساته المره بيسقيني ف الليله ثلاث امرار=

وانا مثلك تعبني العشق والمعبر=وسط وديان وهي تخنقني العبره
=وكم من حيد عديته عسر معبار
صبر عالرعد ذي قاصف وباتمطر=وباتخضب علوبك بعد ذا المطره
=اذا شحّت سنينك باتجي لمطار