03-29-2013, 05:14 PM
|
#1 |
|
حال نشيط
 
|
شوفوا نتائج المضبي مع العسل
بسم الله الرحمن الرحيم
حبيت اليوم اقول لكم موقف من اجمل المواقف اللي حصلت لي ... كان لي قرضه في السعودية لشخص والله انه عزيز وغالي ... بس المهم كان في مهلة لسترجاع الفلوس وكان المبلغ خمس مئة الف ريال سعودي الله ... المهم انقضت المهلة وصاحبنا هج من السعودية وسوا له عمل في حضرموت وربنا رزقه ووالله اني فرحان له لانه سوف يضل عزيز عندي ... طيب قررنا انا وخالي الشيخ سعد بن حمد بن حبريش نروح الى عند الرجال وفعلا" رحنا ... طيب لما وصلنا القطن قلنا بانروح بانبات عند عيال عمنا ال مخاشن والصبح بانسرح للرجال ... فعلا" وصلنا عند ولد المقدم وذبح لنا وسمرنا طول الليل اخر الليل قلنا له نبغا اربعه من الشباب معنا سعوف قال ابن مخاشن ابشر يامقدم وكان يقصد خالي سعد بن حبريش طيب الصبح سرحنا وعددنا عشره طبعا" خلينا بعضهم بس اكتفينا بعشره مع المقدم ولما كنا سارحين بن بمخاشن دعاني مع خالي في بريزه وقال ان الله سروحكم على خير الله معاكم وان كان على شر نحنا اول القوم يامقدم قلت له ياخال والله اننا سارحين لموضوع بسيط جدا" ولا يطلب دوشه زايده هنا قال لنا سميحه طريقكم ... مشينا في شاصين ومونيكا مع خالي سعد والمرافقين اقصد السعوف ... هنا تبدى القصه . بس لازم تعرفون انه بيننا موعد مع الرجال ركزوا . عند وصولنا كان ترحيب زين خلوها شاعله ونحنا ردينا وقالوا دخلوا بزامل هههههههه والله في البدايه كنت احسب انه عنده حراوه المهم مادخلنا بشي زامل رحبوا بنا وماشفنا الا الذابح يذبح المرحب يرحب بقهوه وشي تمر والمهم خلوها دردبس ... المضبي مضبي والعسل قروف مزقله وشي خبز ورز طبعا" نحنا ماقصرنا ... بعد الغدا ماشفنا الا بذيك البنادل القات وسط القعيدة قات اول مره اشوفه يخليك كما بعير الشتاء تبات تهدر هههههه للعلم خالي سعد بن حمد بن حبريش مايخزن القات والله بس قسمه شليته انا هههههههههههه لما بدينا نخزن قال لي خالي سعد هاه ويش رايك والله اني ضحكت لما اشترقت من القات هههه قلت له ياخال بعد ما البطون ملانه والله ذلحين مايسمعها مني ابدا" ... طبعا" مع التخزين قال لي المديون والله انه شرف تجي ومعاك خالك والله انكم شرفتونا قلت له يافلان كنا مارين من القطن وقلت لخالي ايش رايك نزور واحد من اعز اصدقائي قال تمام ... شفتوا كيف الخجل معاد قلت له بيننا موعد كذبت وقلت الا كنا مارين وويش باقول دام البطن ملانه لحم مضبي وعسل المهم سرينا من عندهم بدري وضوينا عند عيال عمنا وكملنا سمرتنا ... على فكره هذا الموفق حصل لي ثلاث مرات معاه واقسم بالله اني استحيت اقول له عن المبلغ اللي عنده بس ثالث مره قلت له بتصل بك ثاني يوم وفعلا" اتصلت به وقلت له ياخوي نحن بيننا موعد بس بعد ماتغدينا لحم كيف تبغانا نتكلم واذا ماعندك مقدره بمهلك يافلان ... شوف ما عاد باجيك الا زاير فقط ... الخلاصه انه سلم جزء من المبلغ بس يضل عزيز على قلبي ... اخوكم في الله : حمومي من النيد |
|
|
03-29-2013, 08:09 PM
|
#2 |
|
المشرف العام
 
|
هذا من اصلك الطيب ياحمومي !!
وان شاء الله صديقك يكون بنفس المستوى وبإعتقادي هو كذلك والله الله في المضبي :-) |
|
|
|
03-29-2013, 08:16 PM
|
#3 |
|
حال نشيط
|
ههههههههههههههههه
اولا" مشكور على المرور الطيب ... واما صديقي والله انه في نفس المستوا واكثر ... وفي المضبي ولايهمك بانبيض الوجه ههههههه تسلم يالشبامي ... مع تقديري واحترامي ... |
|
|
|
04-04-2013, 09:18 PM
|
#4 |
|
حال نشيط
|
لكن خبرتني بروح معكم ابي المظبي والعسل والغات المهم الله بيصلحها بينكم وبترجع المياه الى مجاريها
وباذ ن الله بنخزن مع بعض اذا جات فرصه تقبل احترامي بو صائل |
|
|
|
04-06-2013, 07:58 PM
|
#5 |
|
مشرفة القسم العام
 
|
ههههههـ نتايج المظبي والعسل هو أن المبلغ تقسّط أقساط
 بصراحة مشتاقين نعرف باقي الحكاية يالحمومي يعطيييك الف عافية والله يديم المحبة بينكم يارب |
|
|
|
04-07-2013, 07:54 AM
|
#6 |
|
حال قيادي
|
المهم ان لعابنا قد سال من اتيانك على ذكر المضبي
 شكرا يالطيب حمومي من النيد |
|
|
 |
| مواقع النشر (المفضلة) |
|
|
|
|
العرض العادي
