مساجلات الشعراء

**جمال العطاس** · 02-22-2003, 02:34 AM

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/17.gif" border="none,2,gray" type=0 line=200% align=center use=sp char="" num="0,black"]
أصحابه اللي ضيّعوا حق الزماله"="ولا لحق صاحب يعينه أو زميل
هم جابوا الحُمران رغبه في قتاله"="من جاب لحمر بايكون اول قتيل
والخوف لايرهن مشالحه وعقاله"=" ويستدين المال من سالم عقيل
والحاصل ان الوقت كله في سفاله"="هينن تدبرها مكايد للسفيل

[/poet]
حياك الله من شعف ياخير شعف
اشكرك والعفو ذلا جينا بغينا بانتعلم
لانني شفت دحاميل في السقيفه

**جمال العطاس** · 02-22-2003, 02:41 AM

حياك الله ياعزيزي الشبامي
ارى ان نبقى ونغير العنوان فقط
من ((مجرد رأي )) الي (( سقيفة الشعراء للمساجلات ))
اذا رأيت هذا العنوان مناسب والا انت غير العنوان بما تراه
وانت ابو الذوق . بس المشكله هل ستخبر الذين شاركوا
ويريدون العوده للتعقيب .
عزيزي اكيد لديك بريدي الالكتروني اذا حبيت النقاش في
ذلك ياهلا بك . انا لااملك بريدك والا تواصلت معك
لك شكري

**الشبامي** · 02-22-2003, 02:52 AM

لقد تم بالفعل تغيير العنوان الى مساجلات الشعراء فهو افضل ـ بعد اذنك ـ وهو بنفس المضمون وسيتم تثبيته
واليك بريدي

[email protected]

وهو موجود بأسفل المنتدى

احمد العطاس · 02-22-2003, 03:21 AM

اول مساهمة
بسم الله الرحمن الرحيم
السلام عليكم ورحمة الله وبركاته
سعدت جدا عندما وجدت هذا الموقع الجميل والمنتدى الراقي فشدني الى التسجيل فيه والاشتراك بعضويته شاكراً تكرمكم بقبولي ، وعند دخولي سقيفة المحضار وبدوي استوقفتني مساهمة الأخ جمال العطاس ( مجرد رأي ) ولعلني ازعم اني قد وصلت الى المعنى المراد والمقصود ولو عرضاً فوددت أن اشارك بهذه الأبيات كأول مساهمةلي رداً على الأخ جمال وهي:

مقدّم الصيعر لي ضيّع طواله (1) "="يومه تمسّك بغانم بن طويل
حفّت شروجه كما حفّت سياله (2)"="ولا نظِرْنا سيل في الوادي يسيل
مقدّم الصيعر لي خبثت عماله "="قد له زمن ياخوي لامريكا عميل
لي طيّر القهوه يدحق عا دِلاله (3"="عاد المحمّس بُن في الدلّة دويل
كل من يربّي ضبع ملقيها بجاله "="شف بايقع له هول يالسامع جليل
وإن كان قد ضحّى بواحدمن عياله "="با يلحق الوحلة نصيبه والعويل
0000000000000000000
1) البنادق الطويله0
2) جمع سيلة وهي مسيال الماء0
3) جمع دلّة هي وعاء القهوة0

**جمال العطاس** · 02-22-2003, 03:49 AM

حيا وسهلا ومرحبا
سلام لك دندون مسبع مربع طويل
من مكه لما ااا حريضه. ذكرتنا بمطاريقها
الزينه والله..
وينك يابوحسن قلت باسجل من يومين
المهم حيابك الجما عه في السقيفه
دحاميل ويعجبونك وبايفرحون
بك.. ياخير رد لكن الرجال طيّر بالقهوه
خلهم يصقّعونه (يستاهل ) لكن المشكله
عياله ايه ذنبهم..
المهم حيا وسهلا
[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/17.gif" border="none,2,gray" type=0 line=200% align=center use=sp char="" num="0,black"]
هلا والله بمن باشد به عضدي"="يقول اقوال يحكم ساس مبناها
قواله فايحه بالعود والوردي"="بعيده في مرامي فهم معناها

[/poet]
يامرحبا با ابوحسن

**جمال العطاس** · 02-22-2003, 10:21 AM

حياكم الله الجميع
وقويتوا!!!!!
الحاصل كما ماقال الشاعر بالقاسم (امور شينه )
صوّع بنفسه ذا المقدم وصوّع بالخلق:
[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/17.gif" border="none,2,gray" type=0 line=200% align=center use=sp char="" num="0,black"]
الله كافي الخلق من شر الفواله"="والمشكل الذره اذا فتكت بفيل
شوف المقدم مافزع من باكلاله"="خايف من الحُمران ذي هي باتكيل
مابه قهد لوبايدحّوها جباله"="والراعه الا لاطمر وسط الجبيل
البخس عالملسان اصحاب (....)"="يارب تسترها علينا ياجليل
[/poet]
ردكم ياشعّار

عمر خريص · 02-22-2003, 11:19 AM

استميحكم عذرا اخواني .. فقد اعجبني اقتراح اخي جمال ووددت موازرة الفكرة الطيبة .. فلا تلموني

واجدها فرصة بالترحيب بالاخ الفاضل احمد العطاس فيا اهلا وسهلا به وتحياتنا لاهل حريضة الطيبين .

[poet font="Simplified Arabic,4,white,normal,normal" bkcolor="darkred" bkimage="" border="none,2,deeppink" type=0 line=200% align=center use=sp char="" num="0,black"]
مقدم الصيعر وقع في خس حاله=يوم تبع شوره ولا فكر يحيل
ضيع الفكره وضيع راس ماله=ولا اظن اليوم عاده بايميل
المعني قام له ماسك وصاله=فوق راسه رافع الا بالصميل
والبصر غلق ولا باتقع سهاله=لي وقع فيه قط والله مش سهيل
لا محب ينفع وذي قدها مقاله=عصيدك فرصها بلا قالوا وقيل
شف العرب كلين طاويها حباله=مثل العذارى لي يخافين الحبيل
الزقر يبغونه ويبغوها الجماله=وان قد تعنوا بايحصلون الجميل

[/poet]
والعفو منكم

**جمال العطاس** · 02-22-2003, 12:04 PM

يامرحبا بالزين وياهلابأستاذناعمر خريص
وشكرأ لك على مؤازرتك الفكره انا دائماً
أحسبك ظهر وساعد اتكئ عليه يا ابومحمد

والمقدم يستاهل لحيته يومه سعف
خله اليوم يفرص العصيد يابومحمد!!
اكرر لك شكري

**الشعف** · 02-22-2003, 04:45 PM

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/5.gif" border="ridge,2,gray" type=0 line=200% align=center use=ex char="" num="0,black"]
حتى آل بن كده بغوا حق الدلاله=ويحلفون ايمان .. معهم كم دليل
زاد الحقد فيهم .. وتبعته ال/////////////////////////=بغوا عزيز القوم صاغر او ذليل
ماقصدهم الا .. يقدم الاستقاله=والصيعري يحلف .. انا ماباستقيل
والشعب في عزله ؟! فشت فيه البطاله=كالف محن اهوال من عهد(ن) طويل
صابر على اللي فيه ..يكفيه الثقاله=دركوا عليه ياناس شوا حمله ثقيل
شوا الصيعري ان راح باتروح الاصاله=باتضيع ارض الخير والعلم الاصيل
لاتصدقوا لحمر .. يناشد بالعداله=كذ خان اقرابه وصهره والعديل
ذلا زمان اول عبر وقت النباله=ماليوم ياخس وقت .. ما واحد نبيل
قصده مفاتيح الحكم والا غلاله=وياريت باتكفيه .. باتشفي الغليل
بايحيك احواكه على نجد وصلاله=باتسمع الا الرشخ يصقع والصليل
[/poet]

**جمال العطاس** · 02-22-2003, 05:32 PM

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/44.gif" border="none,2,gray" type=0 line=200% align=center use=sp char="" num="0,black"]
راثي انا للهِرم يفزع من ظلاله"="عامد في النعمه وفي الظل الظليل
اول قدر يشرد مع اولاد خاله"="وسكن في الطايف مع الخل الخليل
وان قام ذاك الغيث اوحطت سباله "="باتشوف كل واحد يدوّر للسبيل
والسيل با يقحش نخيله مع مواله"="وبايصل تاليه لما الف ميل
مابا يشل دينار واحد في شواله"="يالله يشل نفسه مسيكين الشليل
ماتكفي العدّي اذا ماشي رجاله"="والخايف اللي ماتشله شي رجيل
هم حاسبين العِرس مزمار وطباله"="يكفي عرفنا القربعه هي والطبيل

[/poet]
حياك يالشعف حياك
والله يحيي الجميع
جمال العطاس

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مساجلات الشعراء

سقيفة عذب القوافي