الوقت ظالم والليالي قاسيات

[بن قطمان]

اخر قصيدة كتبتها
اقدمها في هذة الليله
ارجو ان تنال على رضاكم

باقول بسم الله الفرد الاحد=الواحد المعبود رب الكائنات
حين اخلق ادم كل حد لادم سجد=وادخله في الجنه ومده في الحيات
وابليس متكبر وفي قلبه حسد=ولاسجد عنده نوايا ماكرات
وادم في الجنة فراشه والمهد=من ضلعه اخلق زوجته بعد الثبات
وابليس من شجرة خبيثه قد نشد=وقال من كلها سنينه خالدات
وسوس لحواء بالمكيدة والكمد=اكلوا من الشجرة وقد فات الفوات
والله نزلهم الى ارض النكد=وتعلم ادم كل الاسماء واللغات
تناسلو واتناثرو من كل حد=واتفرقو في الارض في كل الجهات
حد منهم مسلم وحد منهم جحد=وحد على الاديان ذي هي سابقات
ذافصل والثاني جهامه قد رعد=والبرق يبرق والقنف متقابلات
سبر على المرزم وعانجم السعد=وامست سيوله في القفار المجدبات
ياهاجسي ويقول بن عبدالصمد=رتب ملفاتك على طيب النيات
واليوم بالنشد على شغل الحدد=ذي شغلهم عند النيار الحاميات
القرش قد خلوة مطلي بالرشد=ماحد يغير في القروش الفليات
وشغلهم سووه كله بالعمد=كله من اسباب الدراهم والميات
ياصاحبي دنيا الندم فيها الشدد=والناس حد مخطي وحد عالصايبات
فكر وهت لي حكم شرعي بالعدد=في بنت تعرفها ومن خير البنات
ذي كان يحكمها بحكمه قد شرد=واليوم تبكي عالسنين الماضيات
تبغى لها رجال يحكمها بجد=رجال متعلم بعقله والثبات
صادق مع نفسه ويوفي لاوعد=واحنا معه مثل الجبال الراسيات
موضوعنا شايك ويبغى له فقد=بيني وبينك والعقول الراجحات
والثانية بنشدك من بنت العند=كانت عنيدة في السنين الخاويات
واليوم مولاها تركها للهدد=وتلوثت كل العيون الصافيات
محمود شاجع مايعول في حمد=والوقت ظالم والليالي قاسيات
ياسعد من صلى وللمولى سجد=وتاب توبة من جميع المخطيات
يرضى علية الواحد الفرد الصمد=ويثبته بالقول في وقت الممات
ذا ذي حصل مني ويازاهد زهد=وابغى كرع صافي مخزن في قلات
بشرب وبطفي نار زادت بالوقد=من عندكم ياهل الحصون الحربيات
تاريخ واحد في ثنعشر بالعدد=الفين والسبعه سجل الذكريات
تمت وصل الله على نور البلد=يشفع لنا من جور حر المسعرات

اخوكم بن قطمان

[القنّاص]

اخي بن قطمان
كلام مرصوص رص
من شاعر الكل يشهده
اسجل اعجابي ولك اصدق تحياتي

[مسرور]

فكر وهت لي حكم شرعي بالعدد=في بنت تعرفها ومن خير البنات
ذي كان يحكمها بحكمه قد شرد=واليوم تبكي عالسنين الماضيات
تبغى لها رجال يحكمها بجد=رجال متعلم بعقله والثبات
صادق مع نفسه ويوفي لاوعد=واحنا معه مثل الجبال الراسيات
موضوعنا شايك ويبغى له فقد=بيني وبينك والعقول الراجحات
والثانية بنشدك من بنت العند=كانت عنيدة في السنين الخاويات
واليوم مولاها تركها للهدد=وتلوثت كل العيون الصافيات
محمود شاجع مايعول في حمد=والوقت ظالم والليالي قاسيات

رائع يابن قطمان

لا يفيد البكاء على اللبن المسكوب



الحل يابن قطمان ان كل واحد يحط يده في عشاه

في بدع ارسله الى شايف بن محمد الخالدي القعيطي اليافعي بسّط أحمد محمد الصنبحي الحمري في قصيدته الشهيرة : قال الصنبحي من نقم دقينا العند والعنيد نتائج ما جرى بين الفرقاء في بلادنا ومما قاله :

لكن شعبنا ما فسل والمولى فعل ما يريد = والحكمه لها شانها بالراي والحكم السديد
قدنا أهلها من زمان والجوده لنا من أكيد = وأنتم ربعنا وأهلنا وأحمد مثل عبد الحميد
ماشي فرق يالخالدي لا تهدر علي بالقصيد = خل أسرارنا غامضه وانت المستفيد الوحيد
يابيّاع بنت العرب في سوق الخدم والعبيد = باتندم على بيعها شف صمامها بالوريد
وابن القريه أولى بها وأولى بالحنان الحفيد = ما الحسّاد يالخالدي من كاد بن عمه يكيد

أحمد مثل عبد الحميد


سلام .

[عبدالقادر صالح فدعق]

رائع يابن قطمان ....

كلام مصبوب صب .. الله يعطيك العافية ويسلم يمينك ..

ماأدري ليه غيابك يطول علينا هذه الأيام ... نفتقد وجودك دائمآ ..

تقبل تقديري وودي ..


................

[طالب النعماني]

قمة الابداع
كلام جميل يابن قطمان
نورة السقيفه بهذا الكلام الجزل بارك الله فيك وكثر الله من امثالك

[بن حيد]

مشكوووووووور كلام جميل

[بن الحامد]

لايقول مثل هذا الكلام الا شاعر فحل
تسلم يابن قطمان وصح الله لسانك

[علي فدعق الهاشمي]

الشاعر الفذ

بن قطماااااااان

سلمت وغنمت وسلم حبر ك وفكرك

قصيده متميزة تدل على شاعريه فذة من شاعر متمكن له مشوار طويل زاخر بالعطاء في الشعـر وفنونه

لاهنت اخووي وبيض الله وجهكــــــــ

وصح الله لسانك من محلي اِلى محلك

فلك مني اصدق تحية

[مانجو]

ياسلام والله ياسلام .

تعيش ياشاعر

[بن قطمان]

اقتباس : المشاركة الأصلية كتبت بواسطة القنّاص

اخي بن قطمان كلام مرصوص رص من شاعر الكل يشهده اسجل اعجابي ولك اصدق تحياتي

اخي المبدع القناص
شكراا اخي على مرور
وانت اهل الابداع والتميز
ومجرد مرورك على صفحتي
فهذة اكبر شهادة واعتز فيها
احسنت يااخي وكثر الله من امثالك
وتقبل مني احر وازكى تحية اخوك على الدوام
بن قطمان