11-19-2008, 07:22 AM
|
#1 |
|
حال نشيط
 
|
ــــــــــــــ آمال ـــــــــــــ وورقة البريك
رحت مع البنية مدرستها اوراق وملف يجي وملف يروح والحمد لله انتهينا
دقينا على السيارة بغيناها تجي قالوا صبركم دقايق ومعاد صارت دقايق ..... قعدت في طرف المدرسة وفي كم وحده قاعدة كماي كل وحده وجهها كما الطبق خير فلانة هوا عندش ؟؟ نقل وبيتي بعيد .......... قصص نسمعها متكررة وهي معاناة الأجنبي في مدرسة السعودي سمعت كمين قصة جاني صداع قلت اقوم ادور شوي لمان تجي السيارة بعد دقايق ـ كذها نصف ساعة ـ ألا وجات عيني على المقصف اووووه من زمان ياآمال ما ضرغتي عمرش طيلعة إنتي والعيال ونازلة انتي وياهم أظنها خلوة شرعية وفرصة ذهبية تاخذين فيها شئ يرد في عظمش طليت على المقصف تشوفت بغيت شئ يناسب ألا وارتكزوا عيالي قدامي وعيونهم فيها حسرة واستغاثة استغفر الله .... انسدت نفسي هميت باروح الا وصوت الحرمة للمرة الثالثة تبغين شئ ؟؟ هوا قول بغيت كذ تعذبت الحرمة قيمة منتظرتني اطلب شئ قلت لها زمان كنت اوكل بريك مثلث يابس ذوق عاد شئ معكم كماه ؟؟؟ ـــ طلب تعجيزي ــــ طلعت لي كروسان ورقته زرقاء خذته وعطيتها الريال الا والجوال يدق الحمد لله فرجت وصلت البيت انسدحت بنام خطر لي خاطر يا آمال زوري الشاشة السحرية ما زال العيال ما حد هم قعدت قدام الشاشة قريب الساعة الا وبطني تقرقر اووووه البريك في الشنطة تخيلت لو تما في الشنطة وشافوه السقل بيتهادون عليه وكل واحد يدعي انه اشتراه ونسيه او امتلكه وطرحه واقلهم كذبا بيدعي الجوع المدقع وانه مستحق له قومي يا آمال اخلصي من البريك وكليه على قولة المصريين يا دار ما دخلك شر صبيت شاي وقعد اغمس البريك اليابس فيه الصدق اللي كنت اكله ايام اول ايبس منه لكن الذ منه ما في لانه كان بطعم الطفولة والشقاوة غلقت البريك ابو ورقة زرقاء وذيك الساعة حسيت اني خلاص بي نوم ومعادني فاهمة ولا كلمة من اللي اقراها كذا كان حد هتف علي اقعد قدامه ذا باقوم بنام ساعة قبل ليجي الربع من المدرسة انسدحت يا سلام ذكرت اووووووووه ورقة الكورسان وكوب الشاي خليتوه مطروح خالفت القوانين لو حد من السقل سواها يطبق عليه القانون رقم .... ويشهر به في الدار ناهيك عن تساؤل اولادي عن مصدر البريك ومن اللي هربه للبيت وتخيلت منظر الغرفة وورقة البريك وكوب الشاي مرمي عند الجهاز ... واخزوتااااااه الا ودق جرس الباب من بيجي نحنا دحين ؟؟ اشوف الباب الا ووناس يعزون علينا من زمان ما شفناهم حياكم الله وبعد الترحيب والتسهيل واني اباخر الحرمة مرتين ومركوز قدامي ورقة البريك دعيت ال الدار والجماعة يخلسون ها فين نستقبل الضيوف ؟؟ قالوا في غرفة الكمبيوتر هي المقبضة والنظيفة لا حول ولا قوة الا بالله وورقة البريك !!!!!!!!! دريت بهم يسحبلونهم على الغرفة وحسي يدري دخلوا وقعدوا واني اتشوف في الكوب وورقة البريك يقولون المجرم يحوم حول جريمته الا والعيال جاو يتهادون عند راسي الحمد لله قمت من النوم على الغرفة طوالي شليت الكوب والورقة شافوني السقل وبدأ التحقيق معي ااااااااااااه من بريك حرمت اكله مرة ثانية |
|
11-19-2008, 01:29 PM
|
#2 |
|
حال متالّق
|
آمال
ربي يسعدك والله روووعة أنتي ياقلبي وبذااات لهجتك الحضرمية اووو يسلااام عليكِ ذكرتيني بالبلاد واهل البلاد الله يذكرهم بالخير أن شاء الله خاااطر اذوووق البريك هذى الي طير النوم منك شكراًً ربي يسلمك ويبارك فيك يالغالية بنتضار جديدك الطيب ورائع . . . |
|
11-19-2008, 02:46 PM
|
#3 |
|
حال نشيط
|
أختي الكريمة آمال أخذتينا إلى عالم الطفولة والشقاوة والبراءة أبحرتي بنا مع البريك وورقة البريك والشاي لنعيش لحظة من النفس فكم تهوى هذه النفس ان تنفرد بذاتها حتى لو مع بريك وشاي لتعيد الذكريات الماضية البريك اليابس وطعمه اللذيذ فمهما هربنا من الحياة الصاخبة وحلقنااااااااا بعيد لنعود بطفولتنا لابدان نعود إلى عالم الواقع الأطفال المسؤولية التربية و...... و........ وما لنا وما علينا آمال جميل ما بحتي به من مواقف فأحسسنا بما قلتيه وباللهجة العامية البسيطة ساعة نضحك...وأخرى نتعجب سلمتي أختي ولك كل احترام وتقدير بالمناسبة عندما أتذكر الماضي سبحان الله اعود لهذه الكلمات للشاعر فيصل اليامي فاهديها للجميع الا ليت الزمن يرجع ورا والا الليالي تدور ويرجع وقتنا الاول وننعم في بساطتنا زمان اول احس انه زمان فيه صدق شعور نحب ونخلص النيه وتجمعنا محبتنا زمن مافيه لاغيبه ولاحتى نفاق وزور ياليته بس لو يرجع ونسترجع طفولتنا صغار قلوبنا بيضا نعيش بعالم محصور ولانعرف ابد اغراب ماغير عيال حارتنا صحيح صغار بالتفكير لكن ماعلينا قصور نخطط نكسر اللعبه وتسعدنا شقاوتنا نروح المدرسه بدري ونضحك داخل الطابور نحاول نزعج العالم في روحتنا وجيتنا وعشان نأخر الحصه نخبي علبه الطبشور نشاغب بس في الاخر تميزنا برائتنا نحب الضحك والهيصه نحب ننط فوق السور نفرفش ليه مانفرفش مادام الضحكه عادتنا ولكن دارت الايام وبان الخافي المستور وصار الهم متعلي على قمة سعادتنا كبرنا وصارت الدنيا تصف احزاننا بالدور وتهدينا الالم والهم غصب عن عين رغبتنا تعبنا من بلاوينا احد ضيق واحد مقهور وكلن غارق بهمه وفي الاخرتشتتنا وانا ماقول غير الا ياليت ان الزمان يدور ونرجع للورا فتره نعدل وضع عيشتنا دمتم في حفظ الله |
|
11-19-2008, 03:01 PM
|
#4 | ||||
|
حال قيادي
|
ههههههه تدرين لية البريك عبر من خورتش يومش مادعيت على اختش الشبامية  ذكرتينى بــ البريك على قد مانسوية في البيت الان الى يبيعوة بمقصف المدرسة لة طعم ثانى مثل ايام الطفولة مايعوضك عنها اي شئ ثانى... حبيبتى امال ربي يخلي لك عيالك يارب ولايحرمك من غالي ولاتحرمينا روعة كتاباتك |
||||
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بطل كأس ولي العهد ووصيف الدوري وثالث الأبطال .. (زعيم).. والحصاد (بطولة) ؟!! | محمد نور | السقيفه الرياضيه | 0 | 06-23-2009 04:59 PM |
|
|
العرض العادي
