مساجلات الزامــــل الشعبي

[حد من الوادي]

عانيك حيا به ويا حيابكم==ياذي لمن سلم تردون السلام
اصل الزوامل جاتنامن عندكم==والجودوالجودات من طبع الكرام
نحنا نقاديكم ونتبع سيركم ==باحاج له قافي مقيد مايلام
العفوشفني حبكم ما اصخابكم==والله يشهد يامحمد عاالكلام
واهل الزوامل كلها تدرابكم==سيبان تشهد للمداخل بالزحام

[طلال بن قفله]

يقول بن قفله طربني شوه زاملكم = سلام يا اهل الزامل مني مليون سلام
شي .خبر جبتوه عن الموج لي يرطم = ترى السويري تشتكي من اولاد العمام
الزقر في القبله ود النقري يحكم = مسكين ود الدوح قحوا لحمه والعظام
والديكم وسط الحوش كما العرج يبرعكم = ما عاد خلوا شي شلوا حتى القصام

[البكري]

ياهل الزوامل عاد شي حجه لكم = تردون الخاطي الى القول التمام
حفظوا التراث شو ذا تراث اجدادكم = العضيده يعرفون القول هو والنظام
شوفواالكلام لا زان يرفع شانكم = وصاحب القصره بايصله الملام
وينكم وين ياشباب شو ذازامكم = رفعوا الزامل الى اعلى مقام

[بو فيصل]

يامرحبا بالقول ذي ساسه الكلم = لاترتبت لابيات بيزين الــــكلام

وانكانه الا من قرأ معمع وتـــم =لالوله تعجب ولايزين الختــــــــام

الحبر قدامك وفي يدك قلـــــم =لاقدك كاتب بيظهر نغم القــــــلام

باتيس ما شفناه خافنه عــزم = هو دوب لامسافر وكل ساعة وزام

جينا دخلنا الحصن ياساس الكرم= نبغأ نسلم على الآعزة الـــكرام

[باسالم]

هكذا ياشباب

[الشهاب الساطع]

ياحد من الوداي وبو فيصل علم **** والنابغة باحـــــــاج رجال الكلام
ياغــافر الزلات بلــــغ لي لهم **** بسرعة نسور الصين وطيور الحمام
لا فرحت ساعة عرفت اني حلم *** الين متى نصبر على وضع الحـــكام
لا قلت حذية قال لي وادي عدم *** الوقت جاير وانصفينا ياشـــبــــــام

[حد من الوادي]

مرحيب ياحيا بمن جا ب العلم==والعلم والتعليم هو للناس عام
عدا شهابك فوقنا كلن علم==عالي ومتعلي عبرفوق الدقام
ياكم وياكم من تمنى ما ضلم==بيحصله محفوض في دارالمقام
احلم وبا نحلم وكلن قد حلم==واردف لكم مني تحيه والسلام
قم خص ابوفيصل بورقه والقلم==قله كتب فيها قصد لما تنام

[سبع الليل]

جينا بهمتنا ندحق عالسنم =من اجل طالب برعد الدنيا رعيد
باعيد امجادي وبكتب بالقلم=تاريخ من سابق زمن ماهو جديد
ايام ماكنا من اخيار الامم= نمشي بتقوى الله والراي السديد
مااليوم قد نحن كما جلد اللخم= مانعرف المولود من ذاك الوليد

[البكري]

حيا بمن جانا وبالزامل نهم = مشهور من اول بنظم القصيد
ايام كان يتعزوا ولكنه طهم = ماجا عالعاده ولا في يوم عيد
والسيل من قوته شفه يزم = بايصفي الوادي من لي مايفيد
الخير في الامه باقي لاتهم = هم صدّقوا المولى بوعده والوعيد

[محمد باحاج]

حيا بكم ياذي تشدّون الهمم=هذي السقيفة تنتشي في يوم عيد
تبغى بلادي كل عاقل محترم=أهل الحكم والنور والرأي السديد
أهل الأدب والعلم صنّاع الأمم=حتّى يعود الحق قائم من جديد
والسارق المحتال بيّاع الذمم=له يوم يتحاسب على نار الوعيد