جديد سبع الليل /يا فارج الهم يا ربنا

[سبع الليل]

يا ربنا سالك تجيب العواقب سليمه=وتهدي القادات عالراي السليم
ياشافي الامراض والنفس السقيمه=خفف على التعبان والقلب السقيم
خابت بنا الأمال والحاله ظليمه=ونهارنا مظلم كما الليل الظليم
ضاعت مراكبنا وضيعنا الزعيمه=وأختلفت الرايات وأقوال الزعيم
كل مافتحنا باب لوضاع القديمه=زعلوا وقالوا منباء الوضع القديم
قالوا توحدنا ووحدتنا عظيمه=وحدة يمن في ضل قايدنا العظيم
لكننا باقول ذي وحده غشيمه=ماتصلح الوحدة مع الشعب الغشيم
دخلوا على سيون وشبام اليتيمه=وتقاسموا الاراض وأموال اليتيم
وحصلوا الاشغال واللقمه الدسيمه=وبلعوا الزينوب واللحم الدسيم
والناس في الاوهام تسبح كالبهيمه=حد منه يصري وحد مثل البهيم
ياسامعين الصوت شو هذه جريمه=أيش بايفك الشحر من وادي يريم
تعويت الاركان لي هي مستقيمه=حتى البشر ماليوم ماحد مستقيم
وين الذكاء وين الرجاجيل الفهيمه=هل عاد حد ذا الوقت ياخواني فهيم
عشنا وكالفنا الملامه والشتيمه=وشفنا قلال الخير والوجه الشتيم
لا بارك الله فيك ياكبش الوليمه=سقيتنا علقم بدل سكر وليـــــم
هذا جزاء الاحسان والنفس الكريمه=ياناكر المعروف وافعال الكريم