مجلس الدان الحضرمي

[ابوهاني1]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ولا ياخير من ليله جميله تشرح الخاطر=مطرها قال بو طارق من المغرب وهو صباب نويره عا الدلم والخرج واهله دلهم الماطر=ولي ساكن حرض في حسب ظني منها ماخاب

نعم والله ليالي الأنس تحلا والسمر عامر = ومن ريح الكرع تحيا مشاعر صوتها قد غاب
عساها تستمر هذي الليالي والسخا سابر = ويوصل خيرها لا ديرة الأصحاب والأحباب

[عمر الذيب]

اقتباس : المشاركة الأصلية كتبت بواسطة يمامه [ مشاهدة المشاركة ]

عمر يالذيب لاتبعد وخلّك في السمر حاضر=لبا بالمتّر الدنيا وبالقلّب بها قلاّب وهت فنّان يطربنا ولايحكم على الظاهر=يجيد العزف من قلبه يدندن به كما زرياب

رعى يا يمامه يوم لول بثي امباشر=اخذ واعطي ولا بيت معاين عند فقر الباب
وما ذلحين ما شي زين صوبي عالكبد نافر=ولا باقول لش مرتاح حتى لا طلع كذاب

[يمامه]

قريت الخط بالدقه ولابه شي خبر شاهر=علوم الخير بوطارق حذر من طعنة الاصحاب
عيون المكر مانامت ونا نائم وهو ساهر=بغيت المصنعه يحضر وباسبب له الاسباب

[عمر الذيب]

اقتباس : المشاركة الأصلية كتبت بواسطة ابوهاني1 [ مشاهدة المشاركة ]

نعم والله ليالي الأنس تحلا والسمر عامر = ومن ريح الكرع تحيا مشاعر صوتها قد غاب عساها تستمر هذي الليالي والسخا سابر = ويوصل خيرها لا ديرة الأصحاب والأحباب

كلامك ردني لاشيا تناساها وانا ذاكر=ولكن ذكرها منك كما بندق قرح قد صاب
وانا المصطاب لاكن عاصوابي ياولد صابر=وداري صوبي المحفي ولكنه بطى ماطاب

[محمد سعيد بن مخاشن]

الليلة يا شباب حفل الهوك حق سند بن شريشر وأنا جدّه لح وإذا ما حضرت ما هو في محله
وإنته يا بو طارق غايب عن مجلسك شهور وما جيت ألا الليلة؟؟؟؟؟


أنا معزوم في ملكه ولو ما رحت با خاطر
بوضعي ... لنـّــها ملكة بن إشريشر ولدنا الشاب

ولكن خاطري يبغا معاكم يا هل السامر
وله يومين متعكـّــس ولما شفتكم قد طاب

[عمر الذيب]

اقتباس : المشاركة الأصلية كتبت بواسطة يمامه [ مشاهدة المشاركة ]

قريت الخط بالدقه ولابه شي خبر شاهر=علوم الخير بوطارق حذر من طعنة الاصحاب عيون المكر مانامت ونا نائم وهو ساهر=بغيت المصنعه يحضر وباسبب له الاسباب

صوابي دمها يقطر ولكني بها مكابر=وطعن الظهر جربته من اجمل ادمي نصاب
طعني خمستعشر الف طعنه بعضها ظاهر=وقلبي من طريقه لا قنع ساعه ولا دي تاب

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

كلام الصدق حللته من الاول الى الاخر=طلع فيه الدواء زائد على سم الحنش والناب وفي هرج اليمامه لا يجي زائد ولا قاصر=عطت وتفوقت عالي بطو في المدرسه طلاب

طبيب أهل الجنوب اليوم في ترحال ومْسافر
كما إمام الرّفض ذي غاب وإتوهدر في السرداب

دواء يا الذيب لك عنده ... دعي ربك يجي باكر
يفرّج عودته لو كان هو فينا مطوّل حاب

[عمر الذيب]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

طبيب أهل الجنوب اليوم في ترحال ومْسافر كما إمام الرّفض ذي غاب وإتوهدر في السرداب دواء يا الذيب لك عنده ... دعي ربك يجي باكر يفرّج عودته لو كان هو فينا مطوّل حاب

متى ماراد ربك يامحمد يسقي الضامر=ويرجع راوي واخضر وبه تحيى قطع وجراب
ولي قد غاب لا عود بغينا منه الصاغر=ونبغى باذن رب العرش موسم ذي السنه وصراب

[يمامه]

كريم الاصل من يصفح ويبطل خدعة الشاطر=وكل توبه لها قبله وربي اسمه التوّاب
ولي رايي وله رايه ولاحد يلجم الشاعر=ولايدخل في الخشره وعاده عالقمع ضرّاب

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

متى ماراد ربك يامحمد يسقي الضامر=ويرجع راوي واخضر وبه تحيى قطع وجراب ولي قد غاب لا عود بغينا منه الصاغر=ونبغى باذن رب العرش موسم ذي السنه وصراب

أنا مثلك نحب ألاّ المواسم والشـّــجر ثامر
وحب السيل لا أقبل يقطـّــب في الدّكس قطـّـــاب

نودعكم إلى لقياء وعدني با سري السامر
ولا هو وعد شر يهل السلا يا خيرة الأصحاب


الســـــــامر = حي السامر بشرق جده وفيه حفل الهوك