09-16-2007, 08:22 PM
|
#1 |
|
حال نشيط
|
القاب بعض مدن وقرى حضرموت
القاب البلدان
الاولى قيدون لقبها الضيق و الثانية بضه و لقبها البقل و الثالثة فيل و لقبها الذيل - غيل باوزير : سبعه في مقلد . 2 - النقعه : أ - مزحاه .. ب - الكيد ( وهو هنا بمعنى الكسل والتعب ) .. 3 - القاره : رميطه .. 4 - الصداع : الشهر فوق دار بن طحيّن .. 5 - شحير : أ - شبحها محمد وشعقتها سعيده .. ب - البحر يشعل.... 6 - الشحر : بابعير عطنا شويه لبان .. 7 - معيان المساجده : يا مسجدي بي كراش .. 8 - الحامي : صلّوا على الغبر .. 9 - الديس الشرقيه : الثور 10 - قصيعر : كووا للجدار لانه مشعوق .. 11 - زغفه : يا سعد زوجتي .. 12 - روكب : بغبغا مع كور... 13 - المكلا : زبده في عكبر .. 14 - فوه : شراع فوق حمار .. 15 - بروم : فتّوا البسر سبليط .. 16 - سيؤن : جره .. 17 - تريم : خيله .. خيلتين 18 - الحوطه الشعل سرق الدرقه .. 19 - الحزم : زيدي هباب .. 20 - شبام : حقـــقـــــه ... دوعن حنقكم الثوم 21 - القطن : علّقي الفتكا 22 - الغرفه : الزرع 23 - تريس : الزموته 24 - مدوده : الحشف 25 - بور : مركومه 26 - مريمه : ايش هذا النقع في ثوبي 27 - ثاربه : مخروقه 28 - حوطة سلطانه : كريم يا الله 29 - الغرف : اشربي 30 - الغرف : الشربه 31 - السويري : مقبص 32 - عمد : أ - مغواه .. ب - تخ .. ج - خلق نفاس 33 - آل بارشيد : منكوسه 34 - عينات : أ - الصفاء ... ب - حصاه مخروقه ...ج- طحس ( بمعنى الزلق) 35 - عنق : حوات الدمان 00 قســـــــــــــم ....-امباح ( صوت الثور او البقره) 36 - النعيري : السقيفه 37 - حريضه : الهر 38 - خنفر : الفقوز 39 - الرحب : ناقه 40 - آل ماضي : شكوة الروبا 41 - آل شملان : خزقة خمير 42 - جاحز : البصل 43 - قيدون : ضيق 44 - منخوب : العرسه الحمره 45 - وادي العين : الضبع 46 - الجدفره : السحليله 47 - آل باصليب : البقرة الحمراء 48 - رخيه : أ - الدجر .... ب - الحجامه 49 - حوره : الخيبعان 50 - آل ثابت : العفوه الغبرا 51 - قعوظه : الحنه 52 - آل نهد : العفوه الغبر 53 - التميمي : مدندله 54 - آل باصم : الديم والقشعه 55 - الرباط : العنبور 56 - القرن : الطاسه 57 - الخريبه : التخ 58 - الرشيد : السلع 59 - القرين : البصل 60 - دوعن : ضفع البقر 61 - القويره : الالضيون 62 - رحاب : كيه رد رأسك لا قدا ألشنه 63 - هدون : كيه رنّحي ونامي وباتصبحي حامل 64 - لجرّات : الربح 65 - بضه : البقل 66 - ضيف : الثيران 67 - فيل : ذيلت حمار مقطوب 68 - قرن ماجد : أتقوا الله 69 - الجحي : الفده --- والجديده الضيون 70 - جريف : القلاعه 71- صبيخ : الشكوه 72 - روفه : الثوم 73 - ضرى : الرضيح 74- حوفه : العنبور 75 - الهجرين : قبض ________________________________________ 76 - المشقعه : الضفادع 77 - تولبه : القديد 78 - عوره : الخلط وحني يابضه وحني يابلادقيدون 1**حيد الجزيل** الخليف **** الضفدعه 2* حوفه**العنبور 3**ضري**الرضيح 4** تولبه** القديد الله الرحمن الرحيم هذا نظم القاب البلدان لوادي دوعن و وادي ليسر للشيخ حسن بن عبدالله بلخير رحمة الله عليه المقدمه الله ربي به بديت يغفر ذنوبي كم لقيت كم قد جهلت كم خطيت وكم في الوجب قصر يالله عسى الذنب اغتفر مَلاٌ عسى تجي قد سير اختم لنا يالله بخير يافرد علاًم السرير على حسن حط النظر يالله عسى الذنب اغتفر على ولد عبدالله شرف بلخير عبدك معترف اغمسه في الرحمه وكف عنه الاذآء زل كل شر يالله عسى الذنب اغتفر وارحمه واهله والخوان واولاد له واهل المكان يسكن في قصور الجنان مع أهلها ردعه بدر يالله عسى الذنب اغتفر والمؤمنين والمؤمنات والمسلمين والمسلمات الأحيا جميعآ والموات ومن في الطاعه نشر يالله عسى الذنب اغتفر يارب لدعآئي استجيب راجيك يالله مايخيب ولا لنا غيرك طبيب اشف العليل الما قدر يالله عسى الذنب اغتفر يارب عسى يحصل قبول وتزيل من ظهري الحمول بجاه قدرك والرسول المصطفى خير البشر يالله عسى الذنب اغتفر بالأنبياء والمرسلين والأواليآء والصالحين الأحيا وذي هم ميتين ومن المهيمن فيه سر يالله عسى الذنب اغتفر هذا طلابي والصفات والخاتمه عند الممات عسى المعونه والثبات وابليس يفلس ما انتصر يالله عسى الذنب اغتفر قلبي يوحد واللسان ومن عذاب القبر أمان عساه روضه من جنان فيه الفواكه والثمر يالله عسى الذنب اغتفر وفي القيامه رب تعين هبلي كتابي باليمين على صراطك جازعين ومن سمع قولي واعتبر يالله عسى الذنب اغتفر دسيس مخبيه كثير حسن بها ماهو ذكير ولالها فكره يدير ناسي وقلبه ماهتمر يالله عسى الذنب اغتفر تكن غريمه قال جيد يالله الطف به والعبيد ومن سمع يكتب سعيد ومن يحدث بالخبر يالله عسى الذنب اغتفر الظن في الرحمن زين وتوبتي له فرض عين وامسيت سائل للعوين الجيد يوصل من قصر يالله عسى الذنب اغتفر وبعد يالهاجس مباح سوق الصفى والأنشراح على العرب وامل القداح ولا تهون في نفر يالله عسى الذنب اغتفر هذه القاب وادي دوعن وبعد كونو سامعين ياهل القلوب الساليين كلآ بقسمه بايبين هاجسي عا البلدان حر يالله عسى الذنب اغتفر السيل فبض في المسيل ليمن مواله والنخيل وامسى عليه الماء يكيل على الضمر مقسوم ذر يالله عسى الذنب اغتفر جيئته بعبور الهمه على العويله قسمه واعطيت عبديولأمه وكلمن عندي حضر يالله عسى الذنب اغتفر ما أدركته الا في مراه بفلوس عدي مشتراه وباعشن دور رضاه حب فقراهم والتجر يالله عسى الذنب اغتفر وشوُ معنا لكم سمين انكاننا لكم ناصحين يلقون عنمبر سالمين واسمه قدا العنبور جر يالله عسى الذنب اغتفر لو واو بعد الباطلع عنمبور متصلح وقع باسمه وعلمه يتبرع في الماء على شغبه سبر يالله عسى الذنب اغتفر ماحبنا لأهل الرباط حسب الصفاء والأنبساط صوغه كما صوغ القراط عَبٌرت خيطه في مجر يالله عسى الذنب اغتفر الباحميش الا زيون ذلأسم مايستاهلون وليش مالقاهم دخون ذاك الملقب ما اختبر يالله عسى الذنب اغتفر خزوه نقبهم شقبي ان قلت ضفعه باستحي باجيب هجوه خير لي بافكر ودبر من بصر يالله عسى الذنب اغتفر احرف باهجيلك بها ضاءً وفاءً عين ها وفي الصبول امحلها مكانها تحت النشر يالله عسى الذنب اغتفر ومن الحسوسه جاء بسيس غازي لمقرب باعييس لحم الرخيله والتييس من بعد ماغاره نتشر يالله عسى الذنب اغتفر ربو بسيس الباشهاب والظهر غفلهم وساب ومن الخريبه فيد جاب نابه من الحتلا لنتقر يالله عسى الذنب اغتفر ماحد سرق منه ختول يغيرو الضلمه غفول ويبات ساري في الليول يدل ولو ماشي قمر يالله عسى الذنب اغتفر جينا حل البرع حضر على الطاسه فقع وان قام يلعب ماقطع وان قد مكاو الا نزر يالله عسى الذنب اغتفر الطاسه الامن نحاس والديم لاتدبغه ساس وكل شيء قدله قياس وبغت مع التصليح زر يالله عسى الذنب اغتفر صانع يجودها فهميم ذي له بصر في الباحكيم باسيور فنيه وديم وان شيء تجد حلقة وتر يالله عسى الذنب اغتفر عيدانها يسهب ثنين الميد حتى تحن زين ويسمعون اهل القرين وبن محمد باعمر يالله عسى الذنب اغتفر وفي الخريبه تخ زين الحرف يعصب رفقتين سليطهم هو والبنين رخيص من خذ له شكر يالله عسى الذنب اغتفر التخ طُمه ايد بيد الفدح في لحمه يزيد والبربري منه قديد ومن طعم شفه انذخر يالله عسى الذنب اغتفر ياناس مافي التخ ذم في الوقت منه نفع جم كلناه واجحدنا الغنم لاعود الله كل شر يالله عسى الذنب اغتفر التخ من يعرف دواء يخلي الأعضاء قوى ولايغشبر بالشوى ويخرج الريح الضرر يالله عسى الذنب اغتفر دخلت متسوق نهار الحد وانسيت الصمار ماعون قلنا للتجار قالوا العدد عند العصر يالله عسى الذنب اغتفر رجعت لماًُ شرق روح والليل روح والطفوح قلت ادهنوليبالمسوح مثل القرى جنبي غبر يالله عسى الذنب اغتفر قصدي بماتسهل سليط قالو كلامك ذا غويط من دل علينا من وسيط ذي قالك له في ودر يالله عسى الذنب اغتفر قلتُ لمن في مجلسي باسير ماتستأنس مسي با رطل لوهو منبسي الليل باروح غدر يالله عسى الذنب اغتفر حمسو علي والقوعلاق ورجعت انا وياهم شقاق وقلت مصلح ست اواق ميزان وافي والصبر يالله عسى الذنب اغتفر مابامشي الابالسليط وبالمقلف والصبط الشرع للفقهاء غويط عندي فتاوى بن حجر يالله عسى الذنب اغتفر ريال قالوا خذ وبت ولعاد تتكلم كمت عسى لقبنا يغتفت والعاد يظهر به خبر يالله عسى الذنب اغتفر شاورته الهاجس غلب وقال شف هذا عتب ريال باتخفي نسب لعطو مائه مشخص حمر يالله عسى الذنب اغتفر سليط شف تركه محال بافكر ودبر من مثال باوهي بصيفه او بهال اوسمن من شغل البقر يالله عسى الذنب اغتفر على لقبهم يصبرون وباالبكيره يدهنون وفي العيون يقطرون قالو موافق للنظر يالله عسى الذنب اغتفر خبر حدث جانا جديد قالو سلغ نخل الرشيد نشدته ابن آدم اكيد وقال كله في الخبر يالله عسى الذنب اغتفر ذي ماسلغ ذوقه فرط ومذنبه مقطوط قط ومن عرينه ماسقط والسلغ الى رها اندر يالله عسى الذنب اغتفر النخل يسلغ الى شرب والا الى العيآء تهب على المقاطر ينكثب ويروح في وسطه خدر يالله عسى الذنب اغتفر والبركه في اكل الخلط ولاتسبر من وسط والصبغ يحضر في البطط ويكون اكلك بالبصر يالله عسى الذنب اغتفر ان شح البر على الميزره يجوز خلطه بالذره قيٌس لبعض العشره وان زاد واحد او قصر يالله عسى الذنب اغتفر وفي الشتاء اولى العصيد للبرتطرد ايد بيد والقلولها حجري مديد وان شي يجد سكر حمر يالله عسى الذنب اغتفر بالصبح والليل الخمير كلين في مجرآء يسير وان قد تسقاء وقع نوير ولقو بزاره بالقتر يالله عسى الذنب اغتفر فضحه تأرث ريح زين الصاع حد حتلتين من شك يساول في القرين وكل شي قد له قدر يالله عسى الذنب اغتفر يسبون ذلك في الغيول والى رشن غصنه يطول ويثيل يلقي كم نسول وان ظمي حنص وحر يالله عسى الذنب اغتفر ووقع للحمك حين حاس احذر تودعه البساس كم قد قمر مسمار ناس يغدرك في لمح البصر يالله عسى الذنب اغتفر اذا روح ريح الكرش تلحق لحومه ترتعش وساعة الغاره طرش اذا قضى شفه طمر يالله عسى الذنب اغتفر للحم خل شوفك شفي ولا ترد راسك لشيء ينجى ويشكر من خشي من حبه المولى ستر يالله عسى الذنب اغتفر ياالله عسى الستر الجميل وتغفر الذنب الثقيل والعافيه تشفي العليل يالله عسى الذنب اغتفر وعادنا اوصيك قل الله واحد لا تمل وآمن بربك والرسل واليوم الآخر والقدر يالله عسى الذنب اغتفر وآمن با انزل في الكتاب وبالملائكه والحساب وعط عرب حلوا رحاب واعطه شرف من لا حزر يالله عسى الذنب اغتفر ومكنت بابك تحوج غلق وملسن والرتوج والق السدد قبل اللهوج والق الزوافر والسفر يالله عسى الذنب اغتفر ماحد أحرص من باهدون في كل ليله يرتجون وروجعه ويصفرون والقو على السدة عكر يالله عسى الذنب اغتفر خذها نصيحه يافلان مكن معك تالي زمان رتج ونم واردف غفان والزام يورث لك سهر يالله عسى الذنب اغتفر حتى وصلت لجرات وسمعت في الحاله صوات قلت ايش ذا قالوا حوات في ثمك بطي مبعد اندر يالله عسى الذنب اغتفر وزدته اتفكرت زين في حلى شفته فرقتين فرقه مأيه وفرقه دوين معهم مغاره عا ثمر يالله عسى الذنب اغتفر شبانهم متقدمين وزقورمعهم تالين وام الرواضع حاملين ومن ظفر تعنوق ضر يالله عسى الذنب اغتفر اهل الدرق واهل الصمل غاروا مساريح القبل زمققوا طلع الفحل غلاظ يلقون البطر يالله عسى الذنب اغتفر بالليل لاتحرص رقد والصبح على مالك قعد وان جولك الغلمه طرد ومن غفل شفه افتقر يالله عسى الذنب اغتفر اوصيك حافظ على الصلاة الخمس ذي أفرضها الالآه وعذر حد في الحياه حتى العليل المآ قدر يالله عسى الذنب اغتفر الوضو مامن عذور والبرد حروله طهور ولا تخلونه يفور عادة طهوره الى سجر يالله عسى الذنب اغتفر من كان مايفهم بديه كله كلامي قد نسيه يروح ينشد باشويه في الحصن يعطيه الخبر يالله عسى الذنب اغتفر بارقبه والباشويه ارياح قالو تب لنا لقب ماحد يجيه مخفي وما اليوم اشتهر يالله عسى الذنب اغتفر من عندهم جانا حذير وقال وحدك لا تسير العين بك كلآ ذكير خذ سعفك اثنعشر نفر عجيبه الله ياعجيب في البقل والجنس الغريب ماطاح في البلده يطيب يوحل بمن هو قد فكر يالله عسى الذنب اغتفر مابعض قدهم ياكلون اهل البطيطه والحسون والبقل شفته بالعيون خالف وذي جنسه حمر يالله عسى الذنب اغتفر سبحان ربك ذي كرم ذي خص مريم بالنعم التمر يجلي كل هم ويزيل شوشك والضجر يالله عسى الذنب اغتفر الحمد له محيي النفوس عد الرطب ذي في الجنوس واغفر لهم اهل الفروس وخص من بقل كثر يالله عسى الذنب اغتفر وقرن ماجد به ذكير تحته اذا مريت سير قلت اتقو الله الكبير والله ماهذا نظر يالله عسى الذنب اغتفر كل من سمع صوتي اعتشر والحس في راسه نزر دوين يرجمني بحجر وان ما حصل جاب المدر يالله عسى الذنب اغتفر انكان حاذق او وليد يقول ياصاحب رويد قف للجزاء باعطيك فيد بلا عدد باعطيك صر يالله عسى الذنب اغتفر دوارج يدحرجها كبار يتعمد الرؤس الكبار يعطي الدول قبل الميار ويسد فيعهم من حضر يالله عسى الذنب اغتفر وبعد جيت الى بلد قريه كماها ماتجد واهلها ناس اهل سد طعامهم صاع استعر يالله عسى الذنب اغتفر قلت لباقازي عمير مرادنا بقرشين مير ان هو حنيبص او دجير معاد كلمنا عتر يالله عسى الذنب اغتفر تميت مستوحل صبي مرادي أهني مرقدي والعيش ذي يحصل يجي لو هو حتي والا غشر يالله عسى الذنب اغتفر وبعد قلت كيف وايش باشل زوادي والقشيش باعبر الى قرية خديش عند باعطيه للسمر يالله عسى الذنب اغتفر وقلت جيت عندكم في شف وباتأنسبكم بغيت خصله منكم مدين حمبص او عتر يالله عسى الذنب اغتفر جارو وقالو كيف كيف اخطيت فينا بهرج عيف نحسبك متعبر وضيف ماهو سوى هرج القذر يالله عسى الذنب اغتفر الوا نهد ذي هم غشام قلت لهم ماذا كلام انا غبي وانتم سلام زلليت قد زل القمر يالله عسى الذنب اغتفر قالوا قد خرجت عن الحدود قلت لهم ماعاد عود حتى فسحت في الركود عاشور باركد في صفر يالله عسى الذنب اغتفر خشيت من هفوه وميل قلت بغيت شرج فيل عسى عقل ماقول ذيل واتعلم آداب السفر يالله عسى الذنب اغتفر جيته شفق عاده مقيل ولقيت غلمه على حجيل قلت لهم لاحد يميل ياهل العكف معنا نظر يالله عسى الذنب اغتفر رويس معنا لكم سمين ياذي نفسكم حابين ولي ربع والا ثمين ولكم طرافه والفقر يالله عسى الذنب اغتفر الراس قومو قلبوه بالقراش يسوا لقوه وان كان غالي قصروه وغضو من الذيل النظر يالله عسى الذنب اغتفر ونا للحمه باقسم باقوم قايس بينكم باقول ذالي وذيلكم وان روعتو هو خير يالله عسى الذنب اغتفر الذيل ان نوط خزيت وقلت في نفسي بليت من لاحضر قالوا بخيت ولابعينه قد نظر يالله عسى الذنب اغتفر وبعد جيت بلاد صيف ثيران فيها يالطيف تسير في حجلها مخيف حرثان يغذون النشر يالله عسى الذنب اغتفر في الشتوه احلاهم تعج الفسل فيي مشوره هج وبقره صفراء تثج ودوب شبعانين در يالله عسى الذنب اغتفر الثور يجسم على سنه لو باتعلق وذنه وتجيه في الجدره حنه ماحمله والا كسر يالله عسى الذنب اغتفر قلت لهم ياهل المقيل بالشرك باعطيكم جييل غلبت ماعطيه اهل فيل بانطعمه لونه حمر يالله عسى الذنب اغتفر القو على ثوره وصيح ونا قدا قيدون ريح قلت درك ياباسميح مني فرع ما افعلت شر يالله عسى الذنب اغتفر ونا على الهشله شي وقال خافك قلت شي ولايقع شي الابشي مما جرا هتلي خبر يالله عسى الذنب اغتفر ثعره ورا ذا يطردون ثيران شفهم ينطحون وافزع كثر من باقرون به وجه حمر واغتثر يالله عسى الذنب اغتفر في الوجه قلت شلنا وهد بعيدان القناء بامر بروحي خلنا ولراسك القهوه مصر يالله عسى الذنب اغتفر وقال ماوقع بك قليل تستاهل اثنعشر صميل ملى بوجهي خط نيل من ريع المخطي انقمر يالله عسى الذنب اغتفر وقال شل لحمك وهب شف صيح بادحدح ملب وقلت له جحشي تعب شي راي عندك او نظر يالله عسى الذنب اغتفر ليتك على منه تفك بابيع انا وانته ملك رزقك من الله جاء يدك فيه الغنومه والظفر يالله عسى الذنب اغتفر وقل هرجك ذا فليع مما جراء منك وجيع ولعاد باقع لك ربيع من ريع المخطي انقمر يالله عسى الذنب اغتفر هبته هربته منهم ولجحشي خليته لهم وقلت باخنه طهم في بحر والا نحو بر يالله عسى الذنب اغتفر حتى وصلته الى القديم فولت من كم من غشيم قلت ايا الله ياكريم من عبدك ادفع كل شر يالله عسى الذنب اغتفر خاطرك معنا ياالولي يالله عسى الغفران لي وكل حاجه تنقضي يالله في بحرك وبر يالله عسى الذنب اغتفر وبعد الى قيدون جيت من زار بن عيسى بخيت ذي له في الارض صيط حتى في الهند اشتهر يالله عسى الذنب اغتفر ضليت في بالتابوت زور واطلب من الله القبول ودعيت لاهلي والنسول ومن حسن فينا وبر يالله عسى الذنب اغتفر وبعد درت في الفكور وقلت قصد في اية جور اصحابنا جم والصهور من قصدنا اخبر يالله عسى الذنب اغتفر وبعد استخرته عن صديق نفيس حاله مايضيق مقصد لشقاع الطريق مطبخه من ناحيه كبر يالله عسى الذنب اغتفر قصدته عبود الخطيب وقال بالله قع أديب قيد لسانك لا تسيب والا اندرناك الوصر يالله عسى الذنب اغتفر وقلت راسي مايطيع والشيخ ذي جاهه وسيع مابا اشتري فيكم وبيع باصبر شكر من صبر يالله عسى الذنب اغتفر حليف شوفونا لكم مازلت خاطر عندكم وعادنا بحنق لكم ان حد بسر قال او جهر يالله عسى الذنب اغتفر انكان حد جا على الوجع ذكر نفسي والا وسع باقوله مخطي رجع خليته العازه طير يالله عسى الذنب اغتفر وعادنا عيني بعين هميت فيض الهجرين كمل زوادي والبنين قيراط صريناه صر يالله عسى الذنب اغتفر لمالشعته في رفيق وقلت انقصرته من دقيق مابا انقصر لو انا شفيق لوما تعمدت البذر يالله عسى الذنب اغتفر هدية الهادف تجب بشه وفرحه للمحب لو حتى كان حتى بقبض حب ان ما على غير قدر يالله عسى الذنب اغتفر اهل الهجرقصةلهم على صفةشفهم غشم بقبض باعوبيتهم سيال قاني في شجر ياللة عسي الذنب اغتفر غوالهم مخلوق لاص وقال شوذالون خاص وانتو اقبلوا مني الخلاص وارعي السلعه غتر يالله عسى الذنب اغتفر قرطه بيده في التفال ولعاد دور على القفال وقال خزمت النعال وكنت في غبه مهر يالله عسى الذنب اغتفر في حريضه العز والثبات ولايهينون البنات حتى بسسهم غاليات والداريحميها نفر ياللةعسي الذنب اغتفر والفارجابولةبسم والقومناصب لةوسم شيطان يورث كل هم ينهب وفجرها ستر يالله عسى الذنب اغتفر الفار قربه سين واو يغدرك طين اربع قهاو ويهيم من قولت نياو ويشاهد الموت الحمر يالله عسى الذنب اغتفر ها حصل والقول تم يالله غفرله ذي قسم بين البلد ماقسم ذم كلآ حسب قسمه كثر يالله عسى الذنب اغتفر واغفر لمن جاب البيوت ومن درسها في الوقوت ومن سمع ووقع نصوط ومن في المجلس حضر يالله عسى الذنب اغتفر تمت ونختم بالصلاه على النبي نور الا لآه مابرق يلمع في سناه وماخص طش المطر يالله عسى الذنب اغتفر هذه القاب وادي ليسر ريت الحتي يصلح زواد ريته يودينا الرقاد ريته مشى سعف الجواد اذا جلس ساعه اندر يالله عسى الذنب اغتفر مافي الحتي قوه محال ولابدا سرح رجال وبداجاب الهلال راعي الحتي له ماحزر يالله عسى الذنب اغتفر ياهاجسي قف لاتزوف شف ذا الحتي زين الوصوف كما العسل ذي في القروف في الجوع يدفع أبو قمر يالله عسى الذنب اغتفر عاده يبرد في السموع والبرد ذي يجلي الهموم اذا لقي فلفل وثوم والصبغ يلقي له كثر يالله عسى الذنب اغتفر الثوم اكله فيه ريح ماينكهل ريحه قبيح النهي عن اكله صحيح حذيت وارد مشتهر يالله عسى الذنب اغتفر الثوم في الدوفه قليل وفي المحل دايم نزيل هم مايخلونه يميل ويطرفونه بالقتر يالله عسى الذنب اغتفر ليله ضويته الى جريف وامتحنولي في رغيف ولقوه في تنار عيف قلعه من قل البصر يالله عسى الذنب اغتفر ماخلق لهم في القوت شيخ والعرف والفن في صبيخ لانسان من عاده سليخ يقراء الزبد والمختصر يالله عسى الذنب اغتفر ان لك محب اهده يديم لطيف كن عارف فهيم قليل من قدر الحشيم وهو يوافق ان حضر يالله عسى الذنب اغتفر عليه ياغلمه مدار بكره وفي تالي النهار تحتاج ذلك كل دار ونكان هزيته هدر يالله عسى الذنب اغتفر ياهاجسي رحته فيين قالو نسيه قريتين رجع لهن كن حلم حين تمم على ماقصر يالله عسى الذنب اغتفر نسيت مالي قلب ساس ياهل التفكر والقياس الفره اتجي للبساس يالله افتو في الخبر يالله عسى الذنب اغتفر خابر تجي الا للغنم مايستكن معنا بسم العته لشعت فيه جم مابين جلده والشعر يالله عسى الذنب اغتفر حتى في شغيبه فسح ماعاد ذا ينقص جلح والفار كل ميره نجح وقال كعبه قد نمر يالله عسى الذنب اغتفر باجيب له موذي خري حلبون باغزي معتني والا من احريه يجي با انبذه قد كبدي بشر يالله عسى الذنب اغتفر وعادنا هنيت القديد في تولبه كم يستفيد الي طعم في كل عيد من خلفه الى نوا عبر يالله عسى الذنب اغتفر من لاصبح يرضح عجم يجيه يوم العيد هم ويشتهي ريح الدسم مافي الزحيف شي وذر يالله عسى الذنب اغتفر بضري يطعم بالرضيح تصبح رضاحهم تصيح وينعمو دقه مليح وبعض العرب قد له بصر يالله عسى الذنب اغتفر صنع لذلك يعرفون الصيق قدهم يعرفون وفي ثمنه يزيدون يومه فشل يلقي كثر يالله عسى الذنب اغتفر من شان باحوفه همه عامد وسطها دايمه عنبور قالوا لي سمه الي بالزمه في الماء مهر يالله عسى الذنب اغتفر حلس ملس مايمتسك من غير لا تشك الى كمل عليه الماهلك ماله من الندوه مفر يالله عسى الذنب اغتفر تمت القاب وادي دوعن منقول من دفتر عبدالواحد محمد بلخير سنة 1377هـ --------------------------------------------------------------------------------------- هذه أسماء وألقاب بعض مدن وقرى حضرموت منقولة من بعض المواقع اعتذر عن عدم ذكرها واعتذر عن أي خطاء مطبعي وعن آية إساءة لأي شخص وهي من تراثنا الجميل الذي نحب دائما أن نتذكره ونحن إليه ونرجو ممن لدية المزيد ان يفيدنا بذلك زيادة في العلم والمعرفة وشهر مبارك وكل عام وانتم بخير |
|
|
09-17-2007, 11:35 AM
|
#2 |
|
حال نشيط
|
اضيف ان لقب اصحاب شبام : وزن الهر.
الحزم : الحناء والصليط . الغرفة : آل الصبعبع . دمون : المحمله انكسرت .. والكوب اشتعق |
|
التعديل الأخير تم بواسطة الهداية ; 09-17-2007 الساعة 11:37 AM |
|
|
|
 |
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| شاركونا الحملة الوطنية للقضاء على آفة القات | الدكتور أحمد باذيب | عيادة السقيفه | 173 | 11-21-2017 11:51 AM |
| عضو جديد يريد المشاركة باستفسار عن تاريخ حضرموت | mdahmed | تاريخ وتراث | 7 | 01-26-2011 11:37 PM |
| اليمن إلى أين -3- التأريخ والجغرافيا والإنسان (2): حضرموت 1 | نجد الحسيني | سقيفة الحوار السياسي | 2 | 02-15-2010 10:40 PM |
| الاحتلال اليمني يغزو حضرموت في مقتل ويعمل على صوملتها من داخلها بالقات والمخدرات..! | ابوحضرموت الكثيري | سقيفة الحوار السياسي | 13 | 01-27-2010 10:06 PM |
| حضرموت" العاصمة" الداخلية تنحي الحامدي من منصبه بعد مواقفه الايجابية | حد من الوادي | سقيفة الأخبار السياسيه | 0 | 05-02-2009 08:09 PM |
|
|
العرض العادي
