قضية الشاة

[ابوحضرم]

هذه القصيدة صاغ ابياتها الشاعر المرحوم عوض احمد حميدان المكنى بالمعلم تعبر عن معاناته من شاة وضعها عنده في الشحر احد سكان الديس الشرقية وكلفه بايصالها لأهله بالديس الا ان المعلم عانى منها الأمرين حيث لم يجد من يتطوع بأخذها منة وتوصيلها لأصحابها ولكي لا أطيل عليكم اليكم القصيدة :

قضية الشاة
======

لي ماعلم ياعرب في قصتي يعلم = زادت كروبي وزاد الشوش بي والهـم
كلت متوني وحار العقل من دي الشاه=
كلين يرقد ونا مشغول مانرقـــــد = أسبوع كامل نبيت الليل متقهـــــــــــــد
وان صاح موتر خرجت الصبح في لقياه=
لاقوت يهنأ كذا المشروب مانشرب = نطوي من الصبح لما يؤذن المــغرب
والماشية نكدتنا يومها مكفاه=
وأهل المواتر نوونا كلهم مــــــــره = = لاجبتها رجعوها زيدوا الهـــــــــمره
هل ذا مكيده وإلا هم بهم تغراه=
كل من نظرنا رثالي شافنا متعوب = وهكذا الناس حد غالب وحد مغلوب
كل من صبر في الشدايد فاز في عقباه=
ذهبت حواسي وزال العقل والفكره = ومسيت وحلان في ذا الأمر بالمـــــره
ولعاد باتنفع الهمره وياقهراه=
مسكين درويش دوب الوقت متحمل = لاهو تسلى ولا في صاحبه تجمـــــــل
حذراه يأهل الودايع كلكم حذراه=
وبن سبيتي فرج لي قال لاتهــــــتم = نابااخبرك ياعوض في وقت مانعـــــــزم
لي سار خفيه ونا تميت في سهناه=
كذا عوض بن بامسعود لي كـــتف = لي قال هتها أنا للشـــــــــاه بتخــــــــــلف
ووصلت بالشاه والموتر مع التقفاه=
ماقلت شي الماشية في الوقت ماتوكل = تبغي عنب أو تبا برقوق وســـــفرجل
وعوض مسيكين ماعنده بيس لعشاه=
وصبرت عالقهر والكبهات والحسره = وكلما جيت باهرج خنقته العــــــــــبره
والعبد لاقد حنب يرجع إلى مولاه=
وعاد خصله خذوها ذا برمتهـــــــــا = الماشية بالقصب والقضـــــــب نغرزها
وان كان ماتنفش المأكول ماتبغاه=
وصرت خادم لها تركت في شغلي = حد ياعرب قد وقع في مشــــــــكله مثلي
في شانها بعت مالي والذي نحواه=
التخ محسوف والحب الذي خذته = والدجر هو والمهيندي ذاك وقعـــــــــــــته
وصرت مشغول مدري ايش ذا المعياه=
وجبت عشرين دختر من بلاد الهند = حد عايداوي وحد عايدها يكمـــــــــــــد
وبعد يومين حسيت قلت ياحولاه=
ولقيت ستين طاق تحتها مفرش = وغطاء سليمود بزه زين ومنقـــــــــــــــش
والرأس بالضبط تحته ستمائة مدكاه=
ولعاد صدقت في ذا الماشية ترحل = حصلت واحد من أهل الديس متسهـــــل
وقلت شلها وأعطي لهذا كراه=
شخص يدعى عمر بوبكر باخوار = لي جالها معتني ساني لما الدار
حاز الوفاء والمروة قال ياعيباه=
حسيت مثل الجبل من فوق راسي زال = ودخلت للسوق ملقي لي عمامة وشال
وقلت ذلحين نلت القصد والتمناه=
بلقي زيارة وبلقي شرح ومحاجر = باسلي الروح وماشي بايقع قاصـــــــــــــر
بشراه بعد الحزن والكرب يابشراه=
وختمها كلكم قولوا سلم راسك = أديت تلك الأمانة حـــــزت آمـــــــــــــالك

=

[الفارس الهاشمي]

عقبـــــــــــال الضـــــانة ..
قصيدة جميلـــــة ..
مشكور على النقل

[mayada]

قصيدة رائعة وكلمات جميلة سلمت يداك أخي عوض اليمني على هذا الأختيار الموفق

اقتباس : المشاركة الأصلية كتبت بواسطة عوض اليمني [ مشاهدة المشاركة ]

هذه القصيدة صاغ ابياتها الشاعر المرحوم عوض احمد حميدان المكنى بالمعلم تعبر عن معاناته من شاة وضعها عنده في الشحر احد سكان الديس الشرقية وكلفه بايصالها لأهله بالديس الا ان المعلم عانى منها الأمرين حيث لم يجد من يتطوع بأخذها منة وتوصيلها لأصحابها ولكي لا أطيل عليكم اليكم القصيدة : قضية الشاة ====== لي ماعلم ياعرب في قصتي يعلم = زادت كروبي وزاد الشوش بي والهـم كلت متوني وحار العقل من دي الشاه= كلين يرقد ونا مشغول مانرقـــــد = أسبوع كامل نبيت الليل متقهـــــــــــــد وان صاح موتر خرجت الصبح في لقياه= لاقوت يهنأ كذا المشروب مانشرب = نطوي من الصبح لما يؤذن المــغرب والماشية نكدتنا يومها مكفاه= وأهل المواتر نوونا كلهم مــــــــره = = لاجبتها رجعوها زيدوا الهـــــــــمره هل ذا مكيده وإلا هم بهم تغراه= كل من نظرنا رثالي شافنا متعوب = وهكذا الناس حد غالب وحد مغلوب كل من صبر في الشدايد فاز في عقباه= ذهبت حواسي وزال العقل والفكره = ومسيت وحلان في ذا الأمر بالمـــــره ولعاد باتنفع الهمره وياقهراه= مسكين درويش دوب الوقت متحمل = لاهو تسلى ولا في صاحبه تجمـــــــل حذراه يأهل الودايع كلكم حذراه= وبن سبيتي فرج لي قال لاتهــــــتم = نابااخبرك ياعوض في وقت مانعـــــــزم لي سار خفيه ونا تميت في سهناه= كذا عوض بن بامسعود لي كـــتف = لي قال هتها أنا للشـــــــــاه بتخــــــــــلف ووصلت بالشاه والموتر مع التقفاه= ماقلت شي الماشية في الوقت ماتوكل = تبغي عنب أو تبا برقوق وســـــفرجل وعوض مسيكين ماعنده بيس لعشاه= وصبرت عالقهر والكبهات والحسره = وكلما جيت باهرج خنقته العــــــــــبره والعبد لاقد حنب يرجع إلى مولاه= وعاد خصله خذوها ذا برمتهـــــــــا = الماشية بالقصب والقضـــــــب نغرزها وان كان ماتنفش المأكول ماتبغاه= وصرت خادم لها تركت في شغلي = حد ياعرب قد وقع في مشــــــــكله مثلي في شانها بعت مالي والذي نحواه= التخ محسوف والحب الذي خذته = والدجر هو والمهيندي ذاك وقعـــــــــــــته وصرت مشغول مدري ايش ذا المعياه= وجبت عشرين دختر من بلاد الهند = حد عايداوي وحد عايدها يكمـــــــــــــد وبعد يومين حسيت قلت ياحولاه= ولقيت ستين طاق تحتها مفرش = وغطاء سليمود بزه زين ومنقـــــــــــــــش والرأس بالضبط تحته ستمائة مدكاه= ولعاد صدقت في ذا الماشية ترحل = حصلت واحد من أهل الديس متسهـــــل وقلت شلها وأعطي لهذا كراه= شخص يدعى عمر بوبكر باخوار = لي جالها معتني ساني لما الدار حاز الوفاء والمروة قال ياعيباه= حسيت مثل الجبل من فوق راسي زال = ودخلت للسوق ملقي لي عمامة وشال وقلت ذلحين نلت القصد والتمناه= بلقي زيارة وبلقي شرح ومحاجر = باسلي الروح وماشي بايقع قاصـــــــــــــر بشراه بعد الحزن والكرب يابشراه= وختمها كلكم قولوا سلم راسك = أديت تلك الأمانة حـــــزت آمـــــــــــــالك =أواه من جور هذي المشكلة أواه =

---------------------------------------------------
قصيده رائعه ونقل جميل اخي يعطيك العافيه

[خالد بن مهنا]

جميل جدأ

يعطيك العافيه

تقبل مروري

[ابوحضرم]

الأخوة الاعزاء الفارس الهاشمي وميادة وسالم باعباد وخالد المري اشكركم على المرور والاطراء .