(((((الدان)))))

[سعيد محمد علي عبود باوزير]

معي قسمي في العشقه وحل القنص متعسكر = وبدحق في الجبال السود والرمله في الكثبان
ولو صادف دخلت البحر لو موجه قوي نمهر = على مركب منحس والدقل لي يعصر الدخان
ولا فرط بكم جاويد في المطلاع والمندر = وواحد منكم يسوى كتبيبه كلهم رميان

[ثابت بن ماضي]

احسنتوا
اعطيتوا الفصل حقه
والان بغينا فصل جديد
على لحن يشرح القلب

[ثابت بن ماضي]

قل دان خل الصوت يوصل للنجوم الزاهره=صوت الغنا يفتح بواب القلب ويفتٌح زهور
الوقت يالصاحب سويعاته قصيره عابره =والناس في هذا الزمن والوقت والدنيا عبور
ساعة صفاء شفها تساوي الشام هي والقاهره=برغم مافي القاهره من غيد دقلات الخصور

[محمد عبدالرحمن العمودي]

سلامي لك ياباشق على فصل منقوح مرصص وصح لسانك

[ابوهارون]

دقلات الخصور !!
كلام يالباشق وين المنصب الوزيري ؟؟ يرد عليك ذا كلام غلق ما اقد ر أنا عليه!!

[ثابت بن ماضي]

ارض الكنانه ماكماها بالوناسه عامره=ماهي كما الصومال ذيهي كلها حنشان عور
لكن ارضي قل لبوهارون حاجه نادره=نسمه تهب من صوبها اتشمها مثل البخور

[سعيد محمد علي عبود باوزير]

العشق في قلبي لها وديان تعجب سا حره = لذكرتها مانام طول الليل لما ن السحور
سامر نجوم الليل يالباشق وعيني ساهره = جسمي هنا والقلب متغيب ولا يسجل حضور
ذكرتني بالنيل من فو قه قصوره فاخره = من به مرض عالنيل ساعه من على فرشه يثور

[ثابت بن ماضي]

قل دان خل الصوت يوصل للنجـوم الزاهـره=صوت الغنا يفتح بواب القلب ويفتٌـح زهـور
الوقت يالصاحب سويعاتـه قصيـره عابـره=والناس في هذا الزمن والوقت والدنيا عبـور
ساعة صفاء شفها تساوي الشام هي والقاهره=برغم مافي القاهره من غيد دقلات الخصـور
ارض الكنانه ماكماهـا بالوناسـه عامـره=ماهي كما الصومال ذيهي كلها حنشان عور
لكن ارضي قل لبوهارون حاجـه نـادره=نسمه تهب من صوبها اتشمها مثل البخـور
دايم لها راسي يحن للباديه والحاضره=ولحيودها وادقامها وللشواطي والبحور
عادات واتقاليد فيها من زمان امعاصره=والجود فيها والشهامه والكرم قد له عصور

[ابوهارون]

والكرم قد له عصــــــــــور !!!

مرحيب !! حق!!! ما قلت يالوافي.

[ثابت بن ماضي]

ياحي ذاك الوقت ابرغم الظروف القاهره=يتغاورون اجواد عل جودات تحسبم صقور
على الشرف حادوا وذادوا بالسيوف الباتره=وقفا الشوائم واللوائم يلتقوا طعن النحور
واحنا تنافسنا في البالوت هو والباصره=وسارت الزقره تسوي ذي يسووه الزقور