11-15-2010, 07:24 PM
|
#1 |
|
شاعر السقيفه
|
دان جديد= بو فضل سالم= احمد العمودي= باني= والذيب
= عبد الله باني
بو فضل قل دان على ذا الصوت لا تبالي=مادام سالم علي جنبك ارتاح البال بو صالح ايقول باني ضيق في حالي=لا حل للبعد لي يلحق بضيق الحال ونيت تشكي لمن ياقلبي السالي=بعد المحبين منه دمع عيني سال غشو قراص العسل لي طعمها حالي=حتى البغيه تغير لونها في الحال = الذيب لاذكرت نخلي في الوادي مع مالي =حسيت قلبي تحرك من محله مال ياظيم حالي وياقهري على جمالي =تسرح وتمرح في الخطمه بلا جمال غشو قراص العسل لي طعمها حالي=حتى البغيه تغير لونها في الحال =احمد العمودي بحسب خروجي معك من قبل مدخالي=من شان سايرك في المخرج وفي المدخال باكيل حبي لكم قربت مكيالي=بالشطر باكيل والمصرى وبالمكيال غشو قراص العسل لي طعمها حالي= حتى البغيه تغير لونها في الحال = بو فضل سالم ماشي علي لوم لو قفلت جوالي=الذاكره يا عمر تمسح في الجوال لا زهمتني يالمحب با جيك طوالي=في الحال بطوي طريق الخرج مهما طال غشو قراص العسل لي طعمها حالي=حتى البغيه تغير لونها في الحال =باني نبغى دواء منكم يشفي عمر خالي=مادريت وش لي حصل هذي السنه في الخال خلك جبل منتصب في وجههم عالي=والطين ما با يصلك يالقماش العال غشو قراص العسل لي طعمها حالي=حتى البغيه نغير لونها في الحال =الذيب مذبوح بو فضل في عشقته ويصالي=مسكين ركت عظامه واصبحت صلصال مابين مطلعك ياسالم ومنزالي=قابلت جاهل صغير في طريقه زال غشو قراص العسل لي طعمها حالي= حتى البغيه تغير لونها في الحال = احمد العمودي الذيب قد قال ذا نخلي ومسيالي= لا حد يعدي طريق النخل والمسيال خلك في الشمس لا تقرب قداء ظلالي=لا انته في الشمس قالو لي ولا في ظلال غشو قراص العسل لي طعمها حالي=حتى البغيه تغير لونها في الحال = بو فضل سالم تعبني العشق في حلي وترحالي=كل ما انتهت مرحله قلبي بداء الترحال مانا الزمن ياعمر قد حطم امالي=والعاد شي فائده قد خابت الامال غشو قراص العسل لي طعمها حالي=حتى البغيه تغير لونها في الحال =باني قالو محبين على جالك وعا جالي=اجيالهم صدق ماشي مثلها اجيال واليوم لا تاج عا راسي ولا شالي=من دون دمعي على خدي كما الشلال غشو قراص العسل لي طعمها حالي=حتى البغيه تغير لونها في الحال =الذيب يكفيك قسمك وصلت اسهيل والهالي=وطعمت لحم السمينه والمرق والهال تابع خبارك بذي القعده وشوالي=من يوم قالو تصوم الست من شوال غشو قراص العسل لي طعمها حالي=حتى البغيه تغير لونها في الحال =احمد العمودي لاجيت بادق رقمه ضاع ارسالي=معزول في منطقه ما جالها ارسال امسحت رقمه وقد كسرت نقالي=من بعدهم مالنا حاجه في النقال غشو قراص العسل لي طعمها حالي=حتى البغيه تغير لونها في الحال =بو فضل سالم من حنة العود قد حنيت لا جبالي=اجبال ماشي في الدنياء كماها جبال بسمر مع العود لما نوم التالي=وبانجيب الذي مبعد ولا ينتال غشو قراص العسل لي طعمها حالي=حتى البغيه تغير لونها في الحال =باني يامن كلامك عسل مشنون وزلالي=حرك كياني ورقل بي كما الزلزال كلفتني سوق للوديان مرسالي=بيت وظلي مساهن عودة المرسال غشو قراص العسل لي طعمها حالي=حتى البغيه تغير لونها في الحال =الذيب حطيت غترتي فوق الراس وعقالي=وعقلت وحسبت نفسي سيد العقال شافت عيوني فرس من دون خيالي=لالها مضمر ولا لها ياحمد خيال عودت للعشق وايامه وافعالي=من يوم شفت الدواء والمرهم الفعال غشو قراص العسل لي طعمها حالي=حتى البغيه تغير طعمها في الحال =احمد العمودي من سمح شفني معي شالي ودسمالي=الشال بازقله با يكفيني الدسمال مهما يجور الزمن مابرخص الغالي=لي هو تغلغل بداخل قلبي اتغلغال غشو قراص العسل لي طعمها حالي=حتى البغيه تغير لونها في الحال = بو فضل سالم قال بو فضل سالم ياقليبي تصبر=شي تعبر في الدنياء وشي ماتعبر = يحكمون الهوى والعشق عبله وعنتر =احمد العمودي الف حيا وسهلا بالكلام المعطر=من كلامك يقول الشيخ جسمي تخدر =يحكمون الهوى والعشق عبله وعنتر =الذيب بين خلي وبيني الف كيلو واكثر=لا ذكرت المحب قلبي كما الطير فرفر =يحكمون الهوى والعشق عبله وعنتر =باني ياعمر شوف لك من تذكره لاتاخر=ليه تجلس حجز في الباص مع بن معمر =يحكمون الهوى والعشق عبله وعنتر =بو فضل سالم لا تلومون قلبي في الهوى لا تذكر=عاد قلبي مولع في القماش المشجر =يحكمون الهوى والعشق عبله وعنتر = احمد العمودي كم نصحنا عمر يالذيب قلنا تحذر=جبت شفره تفك الهرج لي هو مشفر =يحكمون الهوى والعشق عبله وعنتر =الذيب اهل حصن الغويزي خربو دار بصعر=والبريقه خربها جيش صالح منصر =يحكمون الهوى والعشق عبله وعنتر =باني كان في وقت بو طارق يقود المعسكر=انما اليوم ضايع من حروبه لا عجزر =يحكمون الهوى والعشق عبله وعنتر =بو فضل سالم ياعمر كم بنا غصات في البحر لحمر=والمحبين ما واحد علينا تخبر =يحكمون الهوى والعشق عبله وعنتر =احمد العمودي من دخل دار بصعر قل لباني تحسر=قبل ما يحط رجله ريته الا تعثر =يحكمون الهوى والعشق عبله وعنتر =الذيب ماعلي من كلام الشيخ نصفه مزور=يشهد الله حبك ياقمر خمس تعشر على الوجن لا ذكرتك سال دمعي وقطر=يحكمون الهوى والعشق عبله وعنتر =باني ما بغيتك تتمي في مكانك مسمر=من يحب حد يسري له الى الليل غدر =يحكمون الهوى والعشق عبله وعنتر |
|
| مواقع النشر (المفضلة) |
|
|
|
|
العرض الشجري