10-13-2011, 06:53 PM | #1 | |||||
شاعر السقيفه
|
وداع اللــــــــــــه
وداع الله ياحب{ن} سقيتـة دم شريانـــــــــي
وداع الله ياحب{ن} من الاعمـاق ودعتــــــــــة صحيح القلـب مايعشق بديل الاولي ثانـــــــي ولاكن صعب يفــرش لك بساط الود لاخنتــــــة تبعتك لين ماحبـــك حدود القهر ودانـــــــــــــي تبعتك لين ماعمــري خسارة فيك ضيعتـــــــــة حسبتك حضني الدافـي ولاكن خاب حسبانـي تغير كل شي حتى سلوبــك ذاك غيرتــــــــــة وهبتك كل ماعندي وفــــاء وخلاص وتفانـــــــي وش اللي بس في حقـك عساني يوم قصرتـة عليم الله ماحبت عيـــوني غيرك انسانـــــــــي ملكت الروح وغرامــك فرض عالقلب سيطرتـــة تغلغل لين مادكت جيوشـــة عمق وجدانــــــي سلبني كــل شي حتى زمام الروح سلمتــــة تخيل وين ماأمشي الاقــي فيك عنوانــــــــــي هيامي فـــاق وتعدا بحور الكون لو قستـــــــــة انا علقت بك حلمـــي ولك شرعت بيبانــــــــي امانة ليش ياخلـــي طموحي فيك حطمتـــــــة صحيح الناس كالسلعــــة بها صيني ويابانـــــي يبان الفــــرق لامنك مع الايام جربتـــــــــــــــــة انا ماكنت متوقـــع تفكر يوم تنسانــــــــــــــــي لقيتك للاسف اقســـــى من اللي ماتوقعتــــــة لقيتك كل ماأبنــــــي تجي وتهد بنيانـــــــــــــي حقيقـــــة مرها يقطع عروق القلـب لاذقتــــــــة انا ماقلت لك غصب{ن}عليـــــك ابغاك تهوانـــي انا كنت احسبك تمشي مسار الدرب لي سرتة يهون الجــــرح مادام الجريح وجارحة فانـــــــــي كذا باسلي الخاطـــــر ومنهو باعني بعتـــــــــــة وداع الله ياحب{ن}سقيتـــــة دم شريانــــــــــي وداع الله ياحب{ن} من الاعمـــــاق ودعتـــــــــة. وسلامتكم اخر كتاباتي / اخوكم/ عبدالله سليم الجابري |
|||||
مواقع النشر (المفضلة) |
|
|
|