مجلس الدان الحضرمي

[عيون المكلا]

إذا تم الرضاء في كل حجة من بداياته = ونرفض حركة التغير بالاكراه والنيران
نسلم للذي جهده وتقديمه وطاقاته = على حساب العمل ومقابلة لاحباب والخلان
ونحسب للذي قادم وكل انسان مافاته = ابد ماترجع الدنيا الى الماضي على ماكان
وعابعض الخوة لو تسمعوا قلبي وآهاته = لقمتوا محكمة والعدل يرضي الواحد المنان

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

اذا حط البنادم ساس لا يخربه بيداته=يسرح له معلم يحكم المبنا على الاركان ولا زل العلم ينصحه لا يسمح بميلاته=ولا يتبعه عالباطل ويلقي دحقة العميان واما الفرس هم والروم كل واحد بعاته=ولكن شي تبين لي وشي للان مبعد بان بغيت الصدق شف كسرى هزم قيصر بلااته=واملااات فرضتها ظروف الحرب في الميدان

تدور الدايره عا إللي يصدّق هو بكذباته
يظن إن العرب يا الذيب كل بوهم من الهبلان

توض بوصيك نص الليل وإخلص في مناجاته
إله الكون ... شف كل شي يغلـّـق يوم يا السّرحان

محمد بن مخــاشــن

[عمر الذيب]

اقتباس : المشاركة الأصلية كتبت بواسطة مهندس الكلمات [ مشاهدة المشاركة ]

كلامك زين لكن كل خيل اتجيه كبواته=وفي الخمس الرصاص تصيب وحده بس ياذيبان ومن حكم عرب يقبل من الاحكام ماجاته=والاستئناف ماله شي محل ياسيد العربان

سوى ما قلت لاكن كل حاكم يتبع اقضاته=ونا ماشفت لا حاكم ولا قاضي باهندستان
سال ذيبان ما حصل اجابه عا سؤلاته=يقولو الامر سري حسب راي النمر بن عدوان
ولا جات العداله با تبين لك محاباته=لاهل الضالع العليا وتقزيمه لهل ردفان

[عمر الذيب]

اقتباس : المشاركة الأصلية كتبت بواسطة المخشني [ مشاهدة المشاركة ]

تدور الدايره عا إللي يصدّق هو بكذباته يظن إن العرب يا الذيب كل بوهم من الهبلان توض بوصيك نص الليل وإخلص في مناجاته إله الكون ... شف كل شي يغلـّـق يوم يا السّرحان محمد بن مخــاشــن

كلام المخشني يصعب على مثلي مجاراته=لانه مطلع وامين عام الحزب في بيحان
زمان امسيلمه قالو نبي لكن نبؤااته=قبال الحق ضاعت وانطوت في عالم النسيان
ونور الحق ساطع في كتاب الله واياته=تحث نحنا وترشدنا طريق الخير والاحسان

[مهندس الكلمات]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ولا جات العداله با تبين لك محاباته=لاهل الضالع العليا وتقزيمه لهل ردفان

انا في هذه الحجه معك بعلن معاداته=وبنخيل سوا لا لاح بارقها على الوديان
وبنك الراجحي ثق مايوقع غير شيكاته=سوا لي حل تحت الحيد لبرق من قديم ازمان
ويرجع له صعيب الامر لاضاقت مسافاته=صبر والصبر عند الامي من قوة الايمان

[محمد سعيد بن مخاشن]

اقتباس : المشاركة الأصلية كتبت بواسطة المستقل [ مشاهدة المشاركة ]

وموسى دوب هو يمشي بحسب تعليم توراته= نبي الله وهو القدوه لكل الناس يلخوان وحكمه حكم بالتشريع ماهو حسب رغباته=يساوي بين كل الناس كبار القوم والغلمان

ألا يا المستقل تلمود موسى عيف لـَـقـْـراتِـه
يقول إن شعبه المختار أما الغير هم جذمان

ترى موسى معادي الذيب ما تعجبه عوياته
ويكره ذي يحب سيوون بس السّيْـوَني فنان

قلب إسمه إلى حدري وهو في عمد ترباته
وإلاّ إن كان موسى قد حذف به في غبب سيلان

محمد بن مخــاشــن

[مهندس الكلمات]

الواقعي وينه؟؟

[عمر الذيب]

اقتباس : المشاركة الأصلية كتبت بواسطة عيون المكلا [ مشاهدة المشاركة ]

إذا تم الرضاء في كل حجة من بداياته = ونرفض حركة التغير بالاكراه والنيران نسلم للذي جهده وتقديمه وطاقاته = على حساب العمل ومقابلة لاحباب والخلان ونحسب للذي قادم وكل انسان مافاته = ابد ماترجع الدنيا الى الماضي على ماكان وعابعض الخوة لو تسمعوا قلبي وآهاته = لقمتوا محكمة والعدل يرضي الواحد المنان

بلا نيران كل حاكم ظلم تسقط قراراته=ولو خذ وقت زي ماخذ ه سنيوره وكوفي عنان
لان الشيخ نصر الله لا قد قال كلماته=تهز اعروش عربيه وتهتز دولة العدوان

[محمد سعيد بن مخاشن]

اقتباس : المشاركة الأصلية كتبت بواسطة الواقعي [ مشاهدة المشاركة ]

تعب موسى مع قومه يبون اوصاف بقراته=ولا التوراة عجبتهم ولا عاجبهم القرأن ولا سارو ورا داؤد لي مشهوره اصواته=نسوي ايش في أمه خلقهم ربنا عوجان

وحط موسى ترى هارون ما حط ولـْــد خيّـاته
شقيقه ذي رضع ويّاه وإتربوا في السيطان

ولما ربعهم للعجل عجبتهم خواراته
فموسى ما قتل هارون بس عاتبه يا الفهمان

محمد بن مخــاشــن

[محمد سعيد بن مخاشن]

تصبحون على خيــــــــــــــــــــــــــــــــــــــــــــــر