12-17-2008, 01:29 PM | #1 | |||||
شاعر السقيفه
|
من عمر الذيب الى با شراحيل
مادام شفت الدمع من عيني ذرف=كنه كرع صباب من ماصوره
يجري على الخدين لمان انتصف=ليل الاحد لثنين عا المعموره بان السبب ليا تجلا وانكشف=اثره فرح بالصوره المنضوره هك يا مهوك وانت يا دارف درف=بطلق عنان احليلتي المهجوره وبا دخل في بحر ماله شي طرف=وباسبح لا صور والنا قوره وباطلع با اللول منه والصدف=من حيث ما يوجد بقاع ابحوره لا تحسب انه وصف مثل اللي وصف=عندي وثائق ناجحه ممهوره الما لكي حارس مع بوش احترف=والمنتظر هدافنا الاسطوره هداف حتى الما لكي بيه اعترف=واصبح معلق يده المكسوره هداف رائع مابدا يوم انصرف=الا على التصفيق من جمهوره سالته وجاوبني الحقا ئق في الملف=ما با كتب سري على السبوره نحنا واهل البيت لبيض كف بكف=لما يجي واحد على دنقوره ياكم قصفنا بوش واليوم انقصف=بسلا حنا الذري الحذاء المشهوره ياريتها الا قنبله كان انتسف=واصبح قطع متراميه منثوره ولد الحراميه وسراق التحف=يلعن ابو اوغاده الما جوره وان سار اوباما على نهج السلف=من يد غيري با يحصل دوره ان جاء بلي احسن وفي النهج اختلف=بعطيه له فرصه كما السنيوره وان جا بنهج العنف باقعله عنف=با قعله الما غص وسط امصوره مادام في يدي رجا جيل الجلف=بي نشفون الريق في حنجوره لا ما خرج برضاه بن خرجه دف=لما يصل ديرة هله وصهوره بصدر اوامر قاطعه لهل النجف=كل جيب ها مر تسحبه مقطوره الشعب في بغداد والموصل حلف=واقسم برب العرش عا كل سوره ان يخرج الغا زي يسف الارض سف=مهزوم بعد الغطرسه وغروره من ارضنا ارض المعزه والشرف=ياخذ جثث اوغاده المقبوره وعليه لا والله لا ماشي اسف=ميت وللميت لقو تغفوره هذا وذا كله في الدنيا بشف=يوم العرب ماينكرو المنكوره ذولا وهذولا يعيشو في ترف=وغزه تئن في زاويه محشوره لا ما ولا كهرب ولا حتى علف=لانسانها يفطر بقوت اطيوره ياريت واحد فيه حتى عرق رف=وين الرجال الصادقه الغيوره ما شفت حد منهم على المنبر وقف=في وجه باراك العدو وشروره ولا مواطن حر في شارع هتف =ما يهتفو الا للعب الكوره اين التصدي والتحدي والصلف=والا قيادات العرب ما موره ما ينشغل حاكم ولا عنده شغف =على على التعديل في دستوره يارب بسترك رب يالاطف لطف=لا تنكشف حاجات جم مستوره |
|||||
التعديل الأخير تم بواسطة عمر الذيب ; 12-17-2008 الساعة 01:41 PM |
||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
صوت سيبان عمر الذيب خالد بن مهناء والشعر الحضرمي,,, والشعراء الخليجيين((بالتجنس)) | التاريخ | سقيفة عذب القوافي | 4 | 10-08-2009 04:55 PM |
الف مبروك لشاعرنا القدير عمر الذيب فوزه بجائزة شهر أغسطس 2009م !! | الشبامي | سقيفة عذب القوافي | 29 | 09-22-2009 12:49 AM |
جواب العم محمد بن مخاشن على قصيدة الشاعر عمر الذيب | الطامع | سقيفة عذب القوافي | 7 | 04-15-2009 08:46 AM |
مبارك لخالد بن مهناء والشاعر عمر الذيب .. | عبدالقادر صالح فدعق | سقيفة عذب القوافي | 2 | 03-29-2009 03:28 PM |
|