رفض استقالة عقيل

[ابوفضل سالم]

رفض استقالة عقيل

ماجاني النوم والهاجس يدير الفكر = في الليل لي هو طويل
في بحر لما متى ماله شواطئ وبر= والموج يزقل زقيل
ياهل السقيفه حياتي عادها في خطر= والقلب صوبه عليل
ياريت من حب حد يلقيه وسط الكمر = والا في العين ميل
مالوم هاجسي بالسرعه قراره صدر= رفض استقاله عقيل
قلب السقيفه وانت سمعها والبصر= مابالقا لك بديل
الدار سوستها والقيت ساسك حجر= والساس ماكن دويل
لا يامعلم على الموفر طرحت الستر= والحقت سدك قبيل
وان مالت الروس راسك ياجليل العجر= عالحق مابايميل
والله مانساك لو تنسى الطيور الشجر= يا مكسبي والحصيل
راجع حسابك وفي الموضوع عيد النظر= الا انت لا تستقيل
ثابت في اقلوبنا زي دقم ام الهجر= وثبات حيد الجزيل
ماباسخابك يصيبك قال بو فضل شر = لأن مالك مثيل
ياباشراحيل وينك ماترد شي خبر = وتفعل المستحيل
لازم تصيده يجي في السهل والا العسر= ذا وعل قرنه جليل
وتقطع الدرب ع اهل الزلع والكضر= عاقاطعين السبيل
وبوجمال الخليفي شمسها والقمر = رمز الوفاء والجميل
مجهود له في السقيفه مثل وبل المطر = عاطينها والنخيل
والواقعي راعي الجودات روعه بدر = يعطي ولاهو بخيل
قل للوزيري بن احمد زروا الحبل زر = يبان معدن الاصيل
نبغى السقيفه يعوّد زامها لي عبر =لي كان يرقل رقيل
عالقلب كل العمد ليس العمد عالصور = مايفيد قالاً وقيل

كلمات اخوكم ابو فضل سالم