[المدودي]

هييييييييييييييييييي هييييييييييييييييي

ما عمري شفت عرّاسه كما العرّاسه ذي

كما الفلم ... الخطوبه أربع سنين .. و العرس ا....

معاد با نطول عليكم .. و با نقول لكم باللي وقع :

عبيد محنه عرّس لبنته .. وأخيراً بعد أربع سنين ... كلما جاها خطيب ما قبّلوبه

حد قالوا عليه قصيّر

و حد فقرته ممطوطه

و حد سبه

و القصد ما فوق خمسه و ثمانين شاب ردوهم ... قالوا ماهم على حسب المواصفات الخليجية

لأن عبيد حاط من ضمن شروط لي بغى با يعرس على بتّه : أن يكون ليس بالقصير المنبوذ .. و لا بالطويل الممدود .. لا هو سخيّف كما العود .. و لا سمين مشدود .. لا هو اسود كما الصخره .. و لا أبيض كما الشفره .. لون عيونه بين الأرجواني و الأقحواني .. مطاحنه زيان .. و آذانه الواحده كما الفيّان ( الفنجان ) .. يسمع أكثر مما يقول .. وفي فراشه ما يبول .. و كذلك ..

حاصل على شهادة الإيسو 9001

و علامة جودة الصنف من إيطاليا

>>>>>>>>>> تقول ذي مادونااااااا

يا كمين و احد و قع مصقور .. لا سمع أن الخطّاب جم .. قال أكيد البنت عليها مُهر من الوكاله

..............

و بعد أربع سنين عبيد محنه حصل مناه



جاااااااااسم

ود سعيد هااااااها

شاب ماشاء الله عليه ... يقول لأبليس بعد من قدامي .. أخلاق .. وأسلوب ... و أهم شي العدّي تتطاير من يدّه

قبلوا به بعد ما نشّفوا ريقه من المطاليب

و يالله بالقبول

عبرت الحراوه

بس .......

ثاني يوم ... يوم الصبحه

الناس حسّوا .. و كأن الأمر فيه إنّ

جااااسم صبح و جهه غاسي

ـــ خيررررررر يا جاااااسم

: البنت !!!

ـــ و راها البنت ؟؟؟ آه بها

: طلعت لا صوت و لا صوره .. .. لا تِفرح ولا تسر .. غشونااااااااااا

ـــ كيف ؟؟؟

: البنت عوره و صقعه ... يعني الغدره و الطحس ..

ـــ و آه با تلقّي ما ذلحين ... شفها ماذي كوفيه ... و عادها كوفيه مترته

: منهم لله

ــــــــــــــــــــــــــ

و خلّص العرس في يومه عبيد محنه حمّل بتّه لي من زمن قاعد يتشرط فيها ..

و سعيد هاااااها إلى ذلحين و هو يكالف حالة ابليس مع و لده جاااااااسم .. المسيكين ...


و الصدق أن البنت ما سيبها ... الذنب يرجع على كور ابوها .. لي صمخ بها الأثم جاااااااسم .. من غير ما يبين له عيوبها


;baw ;baw ;baw ;baw ;baw ;baw

[الشعف]

الله يمحنه ( عبيد محنه ) ... ماحصّل الا ( يسّومي ) مسيكييين !! يلفخه ذي اللفخه ؟؟


ان ييت للصدق يابو مدود .. شف الغلط عن يسّومي له وهقه
كان مفروض يخلّلي امّه تبت عن اهل العروس .. قبل العرس والورطه والربطه>>>>> اقلّها تقلّب البضاعه

والمثل يقول :
[poet font="Simplified Arabic,4,crimson,normal,normal" bkcolor="" bkimage="http://www.alshibami.net/saqifa//backgrounds/27.gif" border="groove,2,gray" type=0 line=200% align=right use=ex char="" num="0,black"]
قايس عشر .. والقطع مرّه
**********************
شوف العرس في العمر مرّه
ماينفع الصيت والشهره
لاكذ نشبته في البقره
بايقع لك الطحس والغدره
حتى المدودي بذا ادره
[/poet]

لكنه يستااااهل يومه تبع الوصف المغلوط
وحصّل وحده في اثمها مخوط
وكل واحد من عرقوبه مربوط ؟؟

انتبه لنفسك يالمدودي .. لاتغبق كما يسّومي .. معاد حد بايفك عليك شفه

تحياااتي,,,
الشعف

[maasher1]

كل المواصفات المطلوبه بك يالمدودي

ريتك تقدمت

كان قبلوبك الجماعه

بس مالك بالطيب نصيب

تحياتي المعاشريه

[المدودي]

يا مرحبتين بالشعف

آه بيتت عساك بخير من الأحلام لي يتشوفهن


و يا خوي
يسوووومي قد حنب .. و هو مسكين استامن ... و اصطقر كما لي قبله

و بعدين هو مسيكين أمه ;baw ;baw ;baw ;baw

الله يرحمها ..



و اطمّن المدودي حاسب حسابه

ــــــــــــــــــــــــ

معااااااااااشر

يا خوي

عبيد محنه ما بغى شخص مثلي .. لا شماغ زين .. و لا وجه حسين

ريتك ظهرت قبل كذا

كان دليناه عليك :p





تحياتي المدوديه

[بن صران]

الشيخ حاتم لاحس ولا خبر

عنيده غارق في شهر العسل

ولا البرميل طلع خل المرَه ذي

[المدودي]

نورت يا بن صران يالغالي :p

حاااااااتم ماظهر ... و لا له حس

و انا برضه مشغوب عنه .. و ين ولّى و ين راااح


لك خالص
تحياتي المدوديه