[المدودي]

سلام يا رجاجيل

من يوم دخل رمضان و انا محذوف بي في جهةٍ ما من هذه الكرة الأرضية ;wah

لا قوت كما حق الناس .. و لا نوم من قبص الحاس;bull
و لو هو الا النوم وحده .. كان الأمر أهون ... لكن اللي ما قدرت اصبر عليه هو القوت .. ساعه يجبونه شُوَي ما يصل حتى في طرف الحلق .. و ساعه يجيبونه واااااااااايد بس معصّب و ما يمتضغ تبطي تلوكه في اثمك لمااااااااااااان تبلثه ;faccee

و القصد يا اخوان حالتي هلكت .. و جسمي رك .. حتى أن السلتمه ( سلتم ــ يسلتم ــ فهو مسلتم ) صابتنا و انا ما كنت أعرفها أبد

و زني من بعد ما كان كما كيس الرز أبو خمسين كيلو .. قده الا رجع كما وزن القطمه 10 ك ....>> لي ما يعرف القطمه يروح عند أصحاب الأرزاز .. و هو با يعرف آه هي !

اللحم ..
كذ انا الا نسيت كما آه شكله .. و رجعت نخبط بينه و بين اللخم !;gra
هل الناس يقولون :
لحم قريني .. لحم متن
و الا : لخم دجاج .. لخم بقر .. لخم غنم .. لخم بعير ؟؟؟

ما نعرف الا سمك و رز ... و ... رز و صيد ..........بس ...>> عارف با يقولون تستاهل يومك بخيل ( بين قوسين ) حضرمي يا جماعه

و القصد ما شفت رمضان كما آه هو ... ألا يوم جيت الدار حقنا

حتى الحياه رجعت لي .. بعد ما كنت مسلتم كما الوجه ذا ====> إنقلب لوني كما ذا عفواً .. كم ذا لبوهم راعه ماهي هيذي الصوره المطلوبه ...............كما ذا

شفتوا الفرق

و أول يوم نفطر فيه في الدار .. بان لي الفرق
بدل ما كنت أفطر فوق ورقه حق دفتر ملاحظات ....... أهل الدار فرشوا سفره أولها عندي و آخرها عندك ... با تغطي الجيش حق المعتصم لا جات شي مطر

ملانه لا آخرها .. ما با تحصل فيها دحقة رجلك
صبروا خاف الا نحصل شي صوره لها من شان تشوفونها

ـــ

ـــ

ـــ

ـــ

حصلت صوره بس عُوده ( كبيره ) .. لا حطّيناها بو صالح با يعاشي , با يقول : ما انا قد قلت لكم لا حد يطول الصفحه و يسفط الموضوع على لي يقرون

و من شان كذا با وريكم شوي منها بس

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/22.gif" border="none,2,gray" type=0 line=200% align=center use=sp char="" num="0,black"]
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,
[/poet]

و فيها من كل نوع ... و ياريت كل واحد يشل قلم و ورقه من شان يحسب معي :

تمر
شريخ
قهوه حلوه
نسكافيه
تركش كوفي
بقل
ماء
سنبوسه
ياقيا
قلقله
مطبّق
شبس
مهلبيه
أصابع العروس
ظافير العروس
بت الصحن
هاف كيك
دراقه
طباطب
كعكة لوز
كعكة جبن
كويك
معصيده
قرشه
فشفاش
طرزان
حنظل
........

....... عفواً ماحد يقرب حنظل مع الفطار
يكفي لمان هنا من شان ما نرجع نصنف طبخات و يطلع معناها شي ثاني

و تحلّقت على السفره و رعدتها رعيد

و لحقونا شونا من ذاك اليوم معاد ذقت شي

شوااااااااااااي تمغصنا

لحقونااااااااااااااااااااااااااااا ;priv

[الشبامي]

والله واشتقنا لمدودياتك يالمدودي
بس وين حذفوبك؟؟
شكلك من السلتمه اللي انت فيها كنت في خبت من الخبوت
بس ماشاء الله على السفره الممدوه يامدودي ولا سفرة حاتم الطائي يوم يجيه ضيف

[المدودي]

عفواً على التأخير

نورت الموضوع يا بو صالح

و دع لي من الحدبه لي انحذفت فيها

و تقبل خالص تحياتي المدوديه

[حاتم الطائي]

هلا والله هلا .. كيفك يا دوووودي
آنست والله .. وسلامات ذلا شكلك جيت من معكسر ؟!!
معاد ي مجاعه
المهم انتبه من ( لخم البقر ولخم النشره ) شفه يقطب الماصير
وعيدكم مبارك مقدماً .. لاتحرمنا من جديدك في ايام العيد
وسفففففففففففففففففففففففففففففففففففره عااااااااااااااااااااااامره

[شيخ القبايل.]

انتبه من الحالب ياخوي

خد بالك من نفسك

[المدودي]

كيفك حتحت
عساك توكل العوين حبيبي

و نصيحتك على العين و الراس .. لأننا متأكد أنك أسديت لي النصيحة بعد تجربة و قطب ماصير

و عساك من العايدين

ـــــــــــــــــــــــــ

و لا يهمك أخوي محمد ..
جاري بو هادي يعرف يفحس العرق .. و أيضاً مكواه جاهز لو استفحل الحالب

جعل الله أيامك كلها عيداً يا بو ضبعان

و كذلك كآآآآآآآآآآآآآفة الحلان



تحياتي المدوديه