بن هام الطيور
10-22-2002, 01:46 PM
واليوم بعد صلاه الصبح وانا قاعد في الريــــم اشرب فيان القهوه وقدامي غافقي وقرص خمير بافته . سمعت صوت !
واحد يقول يا حبيب يا حبيب !
رديت وقتله تفضل وفتحت له الضيقه بالمرفــاع . وطلع
كان وليد صغير عمره حوالي 10سنوات
قتله : كنك يا ولــدي !
قال أبوي هدنــا !
قتله : ليش !
قال : قتله يابه حلمت الخضر . قام هدنا . وذحين يا حبيب بغيت بعرف ليش هدنا .
قتله : اه قال لك الخــضر؟
قال ما شي
قتله : أبوك هدك با يقع يومك ما ثورته من النوم لانك انته عادك صغير اه باتقول للخضــر
ابوك ريال عاقل با يقوله بغينا رز وسكر وسمن وتمر .
قال :ياحبيب كله ذا معنا الرز والسكر والتمر وكل خير ما شاء الله
قتله : وذلا آه بغى أبوك !
قال : هو ما بغى شي غيــر بترول وبغاه مكرر وان شي مويتر صغير من شان يعبيه بترول من العين لي باتصب بترول .
قتله : وأبوك ايش بغى بالكلام ذا !
قال : لان الجرايد كل يوم تكتب ويقولون حصلنا بترول في ( المسيله وساعه في ضبضب وساعه في خشــامر الخ.....) ويوم سال المعلم حق المسيد الي انتخبناه ورشحناه معلم للمسيد وهو ما معه شي في السنن ولا للاركان .ذحين البترول ذا كله حق هــومن ؟
قال المعلم : حق واحد ريــال من قدا نقيل يسلح . حلم الخضــر وقاله بغيت بترول .
والظاهر يابن هام الطيور أبوي مصقور بغى كماه
ويحظرني ياحبيب قو الشاعر
ما كل من لقى سبحه بغى كما الساده في الايد شم
ذا علــم بالقران ما هو غشامة يا غشيم
.................................................. ....
واحد يقول يا حبيب يا حبيب !
رديت وقتله تفضل وفتحت له الضيقه بالمرفــاع . وطلع
كان وليد صغير عمره حوالي 10سنوات
قتله : كنك يا ولــدي !
قال أبوي هدنــا !
قتله : ليش !
قال : قتله يابه حلمت الخضر . قام هدنا . وذحين يا حبيب بغيت بعرف ليش هدنا .
قتله : اه قال لك الخــضر؟
قال ما شي
قتله : أبوك هدك با يقع يومك ما ثورته من النوم لانك انته عادك صغير اه باتقول للخضــر
ابوك ريال عاقل با يقوله بغينا رز وسكر وسمن وتمر .
قال :ياحبيب كله ذا معنا الرز والسكر والتمر وكل خير ما شاء الله
قتله : وذلا آه بغى أبوك !
قال : هو ما بغى شي غيــر بترول وبغاه مكرر وان شي مويتر صغير من شان يعبيه بترول من العين لي باتصب بترول .
قتله : وأبوك ايش بغى بالكلام ذا !
قال : لان الجرايد كل يوم تكتب ويقولون حصلنا بترول في ( المسيله وساعه في ضبضب وساعه في خشــامر الخ.....) ويوم سال المعلم حق المسيد الي انتخبناه ورشحناه معلم للمسيد وهو ما معه شي في السنن ولا للاركان .ذحين البترول ذا كله حق هــومن ؟
قال المعلم : حق واحد ريــال من قدا نقيل يسلح . حلم الخضــر وقاله بغيت بترول .
والظاهر يابن هام الطيور أبوي مصقور بغى كماه
ويحظرني ياحبيب قو الشاعر
ما كل من لقى سبحه بغى كما الساده في الايد شم
ذا علــم بالقران ما هو غشامة يا غشيم
.................................................. ....