ام عبدالله وملك الجن ـ الرجاء عدم الدخول لمن لايستطيعون التحمل ـ

[الشبامي]

الرجاء الضغط هنا مع فتح السماعات ولكن رجاءا عدم فتح هذا الفلاش لضعيفي القلوب او الأطفال ،، وقد اعذر من انذر!!!!!!! (http://www.binmajed.net/start.html)

[عبود الشحري]

واه الهريه دي ياولدي؟؟
شف دي ماهو سواء منك ياولدي
ركبي تصكصك من الفزعه وقلوبنا تعلعل واه الفلم العوف دي؟؟ لا والمشكله الليد الصغير ديّف بالباب ونا نقرا القصه وفلّخت من عالكرسي حسبت ملك الين ياء الى عندي
ياقهراه ريتنا تمّيت عند الشرقاوي في سقيفته كان احسن تعرّاض في بوي قلت خلنا نشوف واه ملك الين دي ؟ طلعت بلوه والله يعين عمك عبود على النوم الليله
انتبه ياولدي يالشبامي تييب شي كماها شف قلوبنا ماتحمل

[سالم محمد بلفقيه ((الشرقاوي))]

والله شفك ياعبود الشحري ضحكتنا وخليتنا اموت من الضحك
وبعدين عليك هريه يميله يدّا ولهيتك حلوه لها بنه يالشحري
اللي يشوفك يقول هذا شحاري ;)

كذنا قولك من اول يالمصيوع خلك عندي في السقيفه وقاعد اسحبل
في ثوبك الى ان اشتعق وانت تقول خلنا باشوف موضوع ام عبدالله
وهذي النتيجه :D المهم عم عبود عاده ياك النوم بوووووي والا واااه
وان تمت الحاله عندك بقولك على وصفه صفها زينه وسرها باتع:p

وذكرتنا بالمثل اللي يقول(( عرّست بااستريح رجعت غفّل واصيح))





:D :D :D :D
تقبلو تحياتي0

[الشعف]

بو صالح مشكور عالموضوع ... هو من ناحية يفزّع مايفزّع ;) ... لكنكم الله الله في قرأة القرآن .. حتى لو مقرا في اليوم ... وانتبهوا تغنونون في الحمامات :D:D:D
مشكور يابوصالح ... ولكم وحشة ياهل السقيفة ..

عم عبود آنست ورحبت وطالت غيباتك علينا ;) ... المهم انك فزعان عادك مايهمك بارسل لك لبان قيري تدخن به :D

ويالشرقاوي وين ايامك ... ياخي حرام عليك خل ماسنجرك مفتوح والا شفناااااااا.....;baw ...
مساهنينك وتحياتي للجميع ,,,,
الشعف;)

[المدودي]

شغبت نحن يا مشرفنا .. وخليتنا ارقل وارجف

و يوم فتحت الوصله وحصلت مكتوب ( لا تقرأ الصفحه وحدك ) دعيت اهل الدار وقلت لهم ناوسونا

بس ماحد قال لي ( لعون ) وسمع كلامي .. وفتحتها وحدي
ولك نظره في وانا جالس قدام الشاشه مساهن شي يطاع لي منها

لكن الحمد لله ..

ولازم الواحد يتحصن بالقران .. والأذكار .. وربك الحافظ


ذهن تكثّر من كما الموضوع ذا .. شف الحلان با يبيتون يتفززون .. ولعاد با ينفع لا صب الرصاصه ولا الدخون ;)

تحياتي المدوديه :cool: