((سبعة أيام )) مثيره

[اصيل]

السلام عليكم ..

قصيده حلوه واعجبتني قلت اهديها لكم .. صج انها طويله بس تستحق القراءة .. اترككم مع القصيده ..

((سبعة أيام ))

يا محمد غبت عنها اسبوع من باب التغلي ..
ودي اعرف واكشف عن حبها لي واختبرها ..

يا محمد سبعة ايام عجاف ابجون خلي ..
شفت فيها الويل واعيوني ملا زمنها سهرها ..

سبعة أيام الكدر ما راح عني مثل ظلي ..
شلت كل اهموم خلق الله وعايش في كدرها ..

ادري ان الصبر مفتاح الفرج وبه امتحلي ..
مير هي عنها حرم باجماع كل اللي نظرها ..

رحت ادور للتسلي وين ابلقاه التسلي ؟؟
اخرج امن البيت والقى نفسي ابرم في قطرها ..

طفت شارع بيتهم ما غير مقبل به مولي ..
الشوارع مظلمه والقى بشارعهم سفرها ..

ودي اسمع ذكرها لو من عذولا بالتبلي ..
مومهم اللي يقوله والمهم انه ذكرها ..

شفت اخوها صدفه واقفى يرحب بعض كلي ..
بعضي الثاني همس باذني تنشده عن خبرها ..

قمت اهلي به وانا خايف لساني لا يزلي ..
شفت شعره في ثيابه قلت هاذ ي من نثرها ؟؟

وانكسفت مني . تبسم لي . وناظرني بغلي ..
قال توي كنت بالصالون والناس اشكثرها ..

قلت فعلا شفت هالصالون بالناس امتملي ..
والله انه يكذب الكذاب وانه شعرها ..

اعرفه من ملمسه من ريحته من لونه اللي ..
مثل لون العود حمره من سواد يشتقرها ..

شلتها بالدس في جيبي وانا ما اشفيت غلي ..
ودي استمتع بملمسها وريح من زهرها ..

قمت ودعته وليلتها عذابي مستغلي ..
طول ليلي حاضن الشعره واناجي في صورها ..

سبعة أيام وانا في داخلي ربط ٍ وحلي ..
اعزماليفها وأهون خايف آسبب ضررها ..

بعد سابع يوم من هم بقلبي مستحلي ..
اتصل بي واحد ساكت ونفسي في ضجرها ..

قلت الو وشفيك ساكت رد يا جعلك تغلي ..
كني اسمع صوت ليمونه بفمه يعتصرها ..

واهمس وش سهرك للحين في وقت امتتلي ..
قلت طيفك نعلبو جدك وضحكت من فخرها ..

واهمست هلحين اجي واخبرك عن دقي وجلي ..
قلت معقولة ؟؟ وقالت نار شوقي ما اقتدرها ..

جت وهي متخفية صبح بليل مستظلي ..
كنها تحسب خطاها مير يفضحها عطرها ..

نفحها مسك ونثر انفاسها ورد وفلي ..
المكان اللي تعدي منه يبقى فيه أثرها ..

جت تبختر ردف يتمايل وردف يستلقي ..
كنها ترقص على تكه خطاها من بطرها ..

عنجهية صدرها تفتك بخصر مضمحلي ..
لا تثنت تنقسم نصين من خصر بترها ..

قمت ماني في شعوري كل ما فيني يهلي ..
كنها المتفضله بانقاذ روحي من بحرها ..

ترتجف في قلبها خوف تولاها تولي ..
تنفض ايديها ويتقطع نسمها من حذرها ..

كلما هو الهوى الشباك واحدث فيه خلي ..
بسملت واتفززت تحضن يديها في صدرها ..

قالت انت اشفيك متغير جفا وإلا تخلي ؟؟
قلت لا هاذي ولا هاذي ولا حتى قدرها ..

مير انا كثرت جياتي وخفت انك تملي ..
سلهمت بعيونها عضت عنبها من قهرها ..

واخبطت بكفوفها صدري ودمعتها تهلي ..
قالت اقسم لك برب البيت شوفتك انتظرها ..

قلت اجل وش وخرك وانتي لعنواني تدلي ؟؟
لا يكون انه جفا ؟؟ قالت حشا وارخت نظرها ..

انت تدري عن ظروفي حط نفسك محلي ..
بنت مثلي خارجه من بيت اهلها وش عذرها ..

لو قدرت اليوم اجي والقى عذر مقنع وحلي ..
ما معي في كل يوم حجه لهلي ابتكرها ..

جادل من نسل شيخ ٍ لا يهاب ولا يذلي ..
فاتنه واجمل بنات الكون ما تسوى ظفرها ..

وجه مثل الصبح يتنفس بنور مستهلي ..
والرموش الليل عسعس ليلة ٍ محلى سمرها ..

طرفها في حد ذات الظرف عالم مستقلي..
به نهار وليل ، به بحر وسما داخل حورها ..

جيدها الفتان نورا من زجاج مستجلي ..
لو لمسه ابهامها بصمته تبقى في بشرها ..

من شفافية جسدها والنعومه والتجلي ..
أي شيا ً تشربه ينشاف نازل من نحرها ..

ظامها شلال دهن العود بالجيد امتدلي ..
الوحيد اللي جبرها تنفعل محد جبرها ..

صار يتمرد يعذبها تلمه ثم تفلي ..
ثم ترجع تلفحه ويعود ما يسمع لمرها ..

ابتسامتها وميض البرق في نو ٍ مطلي ..
والشفايف كنها قوس القزح لونه غمرها ..

ضحكها معزوفة يطرب لها قلب يولي ..
وامنياتي ماجنه ترقص على نغمة وترها ..

إن حكت نفثا ً من السحر الحلال ولا يحلي ..
تستميل اقلوب من يسمع كلام من دررها ..

لا دنت مني تبعثرني على غنج ٍ ودلي ..
وانصهر بنفاسها وإحساسي المرهف صهرها ..

عينها مستسلمه والرمش طايح مستذلي ..
طاح طيحة فارس ٍ رمحه بعدونه كسرها ..

والله إن اللي ببالك يا محمد ما حصل لي ..
ذبت واروتني عفاف وكل ما فيني شكرها ..

ما منعني غير طيب اصلي ولي قدر امتعلي ..
واللي ادهى من كذا خفت اني انزل من نظرها ..

قمت اودعها وانا شوقي يزيد ولا يقلي ..
لحظة ٍ هدت فرح ساعة وبالكود افتكرها ..

اوجبت غسلاً على عيني بدمع ٍ مسفهلي ..
قبل تبلغ حملها والرشد واتمتع بصرها ..

بعدما عاهدتها باللي حرمت التغلي ..
توبه اتغلى ونار افراقها مقوى سقرها ..




الشاعر : ((مستور المالكي))

[فاجوان عباس]

قصيده طويلة كتير بس حلوة

مع اني ما فهمت بعض اللكمات فيها

التغلي .. خلي .. ظلي .. امتحلي .. التسلي ( كل هاي الكلمات بتجنن )

بس ناقص انو باغوزه يلحن القصيده :alien2:

عنجد شكرا اصيلووووووووو على النقل الجميل

لك مني كل التقدير والاحترام