هذيف الحنشان - فتح وشاف الديك .. ( قصة حقيقية 100% )

[شيخ القبايل.]

عافانا الله واياكم اخونا المندوب ابو محمد يعاني من ( الموية البيضاء ) في العيون ..

من 18 سنة .. وهو يدغمش وساكت على عمره ..

واخيرا قرر يعالج .. ومن طبيب الى طبيب يدرس التكاليف واحسن الطرق للعلاج

الى ان قالوا له مالك الا جهاز الفاكو ..

والعملية تكلف 8 الف ( SR ) وتستغرق بس 3 دقايق ..

وعمل العملية

والظاهر ان الحال كانت معه قبل العملية سيئة للغاية .. اعمش .. يرى بالليل فقط .. واما النهار يجري في عالم من الضباب والغبش ..


ومن اليوم الاول بعد العملية وهو يرى الاشياء من جديد ..

خرج من المستشفى فرأى نورا باهرا .. اضاءة أشد .. دفدف قلبه .. هو عمل عملية عيون ولا انتقل الى العالم الثاني ؟؟



ذا فصل :

وصل الى المكتب مرهقا متعبا .. مبهذلا ..

= منين

- من دلة .. الطريق كلها مطبات !!!

= ليش من اي شارع كنت جاي

ابو محمد وهو يبتسم ساخرا من حاله :

- الملك فهد .. الشارع عقروه بالمطبات .. اكثر من 100 مطب .. بين ليلة وضحاها حطوها ايش اللي صاير بالبلد ..

اخونا المحترم .. كلما شاف ظل عمود النور على الاسفلت يفتكره مطب .. ويفرمل قبله .. والسيارات وراه .. طاط طاط .. بيب ..

واخرتها عرف اللعبة .. شاف قدامه ظل .. داس عالبنزين زيادة .. الا والسيارة تنط .. ولا الكنغارو .. ثم تهبط .. وواحد من العكوس يقول ذا لي معي ..

ذا فصل :


دخل الى المحل .. وقبل أن يصافح ( عميله ) بشار .. ارتد منزعجا مقطبا حاجبيه ..

- سلامات يابشار !!

= ايش الحكاية ؟

- اشوف هالبقعة الحمراء في وجهك .. ايش صار

= يا خوي هذي من يوم ما خلقت وهي في وجهي !

تذكر حاله .. فصمت برهة .. ثم قال : معلش انا كنت امزح ..

بعد شوية استلم دفعة تحت الحساب .. من ابو مية ..

- هي هذي الطبعة الجديدة من أبو مية ! .. بس قالوا ان فيها صورة عبد الله !

= يا عبد الله ايش فيك اليوم .. منت على بعضك ..

- بصارحة يا بشار أمس سويت عملية لعيوني .. والدنيا شايفها جديدة ..

( قهقهة .. وتسجيل طلبات اكثر من العادة )

ذا فصل :

لبق السيارة في عتيقة .. اقرب المحلات اليه محل بن هلابي .. لفتت انتباهه اللوحة .. جديدة لنج .. تقدم بثقة الى الكونتر ..

- الف مبروك يا سعيد !

= هلا بو محمد .. على ايش ؟

- مبروك اللوحة الجديدة للمحل .. احسن من لوله !

= عبد الله اللوحة مركبة من 3 سنين من اول ما فتحنا هنا .. دوبك اليوم تبارك ... :)

ذا فصل :

من اسبوع اللي يعرف عبد الله يلاحظ الفرق ..

معاد يتحرك من السكن الا بعد ما يغسل وجهه زين .. مرة مرتين .. .. وينعم .. وما يقتنع .. يلغط له من الكريمة وعلى وجهه .. اخر الاخبار انه يسأل عن عمليات شد الوجه .. وعن تدليك البشرة .. وقالوا لي انه ما ينام الا ودوائر الخيار حول عيونه ..

طبعا ابو محمد عدى الخمسين .. والدهر قد أفسد عليه زهرة الشباب .. بس هو اللي مو ملاحظ ..

وهكذا .. تخيلوا بقية الفصول ..

كلما وقع على نظره الشي .. لاول مرة بعد العملية .. تساقط التعليقات منه بدون شعور

- ايش فيها اليسا كما المريوحة !

- هذي هي نانسي عجرم - والله - والا وحده ثانية .. ؟ كنها مبرشمة ..

- سندرلا الفضائية اليمنية .. سندرلا سندرلا .. يا جماعة عجزت .. وكضعت !!

- جورج قرداحي .. ورا انه مصهي !

وبعدما زالت الغشاوة والهالة من عينيه اصيب بالاحباط .. خاصة انه من اشد المعجبين ببرنامج ( هالة شو ) ..

وكان دوما يقول : هي من سني

الليلة اول ما بدأ البرنامج سمعناه يقول :

- مسكينة كن حد الا عضضها !!!




( نكرر قصة حقيقية 100% بكل تفاصيلها .. وكثير من الاحداث والفصول والمشاهد .. فاتتني دون شك )