للاسف

[بومحكم]

عندي كلام ودي تتقبلونه بروح عالية وبدون زعل وخاصة من البنات ، ولايعتقدون اني اتحامل
!! عليهم بس الي اشوفه حاصل للاسف بين اغلب المحبين شي يدعوا للحزن ووقفة مع النفس
ويكون ضحيتها قلب حب باخلاص ينذبح من اقرب احبابه.....يابنات ارحمووووا قلوب الشباب
وكفاكم لعب بقلوبـهــم...انا اشوف اغلب الشباب الي اعرفهم ولهم علاقات حب مع بنات يتعذبون
والسبب انه هذا الشاب حب البنت باخلاص وصدق..البنت من وجهه نظرها انه الشاب الي يحبها
!! ويخاف عليها ويبي مصلحتهاا شاب شخصيته ضعيفة أو انه شخص مايستاهل حبها والله غريبة
للاسف اغلب البنات يحبون الشاب الي دايم يمدحم بشكلهم ويسمعهم احلى الكلام واعذب الالحان
هذا بنظرهم اهو الشخص الحبيب للاسف...انا ادري انه اغلب البنات ويمكن الشباب يعترضون
كلامي..بس والله انه هالشس تكرر مع اكثر الي اعرفهم من الشباب ولو كانت حالة وحدة كانت قلة
انه هالشي عادي...ولاتعتقدون اني متعصب للشباب بس حبيت اطلع الي بقلوب اغلب الشباب..
السؤال المهم للبنت...يعني الشاب الي يسمعك كلام حلو او الي يهديك هدية اهواحسن وافضل من
الشاب الي يخاف عليك ويبي مصلحتك..ياليت ياابنات ترحمون قلوب الشباب..ياتحبون باخلاص
ولا لاتدعون الحب وانتم ماتعرفون معناها الحقيقي...اللحب شي فطري فيناا الله..بدونه مانعيش
بس لاتخلون الحب كلمة فاضية من محتواها الجميل..الي اشوفه في اغلب العلاقات وبصراحة انه
لوحصل خلاف بين الحبيب وحبيبته تكون النتيجة الهجر من الطرفين الين واحد فيهم يراضي
الثاني بعد جهد ومذلة..تعتقدون هذا اهوا الحب لا والله الحب عتاب وصراحة بس بدون زعل
وتغلي وذل للحبيب..وبالختام اتمنى اني ما طولت عليكم ولا تزعلون مني يابنات وياشباب
وودي اعرف رايكم بهالكلام وشـــــــكــــراً لـــكم
اهداء
حسافة القلب سلمتك
كنت اضرب بك الامثال ...
وما اصدق كلام انقال ...
معاك اتغيرت الاحوال ...
انا غلطانة صدقتك ..
باغير كل دروب تجيك ...
انا بعدك انا ما ابيك ..
حسافة بدنيتي ماضي ...
حسافة اني في يوم شفتك ..
حرام اسهر على اوهام ...
وغيري في هناة ينام ...
كذبك وانكشف من عام ...
على الخداع سايرتك ...
بأغير كل حساباتي ..
ولا بأسهر ولا أحاتي ...
وتكفي بسمة أهاتي ...
حسافة القلب سلمتك ...

اتمنى هالكلام يعجبكم الله انه من القلب للقلب

[بنت سيؤن]

يابنات ارحمووووا قلوب الشباب
بالله ذا كلام يابومحكم ماعندك شي زين تقوله غير ذا الخراط اللي مامنه فايده
الفلسطينيون يموتون والشهداء بالعشرات وانت قاعد ترغي بالكلام ===اللي ماله معنى
ياشيخ استحي على نفسك وخلي ===:mad:
وان معك كلام === وديه هناك مع الناس === اللي تعرفهم
وان عجبك كلامي شله وان ماعجبك رميه في البحر

[ابن الأحقاف]

بو محكم : عبّر عن رأيه وممكن مرة عليه هذه التجارب او عايش
ناس واستمع لهمو مهم ومن الطبيعي ان يحصل ذلك *
اما بخصوص همومنا وحديث الساعه ها الايام !!!! ياريت شي باينفع
ولكن!!!!!! ما باليد حيله ولا شفنا حد قطع مسلسلاته ولا حفلاته
ولا اغانيه وغزليّاته وربنا يقدّر لي فيه الصالح **
وانتي ؟ يا بنـــــــــــــــــــتي !! مايسير منك ها الرد القاسي على
بومحكم لانه ما جاب كلام غلط ! الله يهديك
واهل سيئون ناس طيبين ويقدرون المجالس وفي نفس الوقت حضاريين
ويحترمون رأي الآ خرين **

[الشبامي]

الاخ بومحكم طالما الموضوع ليش به تجريح لأحد وليس به مايمس الدين والاخلاق فهو على الرحب والسعه والسقيفه تتسع لكل مايفيد واهلا بك اخي بومحكم وارجو منك الاستمرار بأثراء سقيفتك بمواضيعك المميزه
الاخت الفاضله بنت سيؤن
لم اتعود على الاطلاق ان احذف حرف واحد في السقيفه وهذه هي المره الاولى ولكن عندما يصل الامر للتجريح والكلام الغير لائق فأنه يؤسفن ان افعل ذلك طالما ان مشرف السقيفه المفتوحه لم يتدخل
واود ان اضيف انني عندما انشات هذه السقيفه لم يكن هدفي الكم او الأثاره من المواضيع ،، بل الهدف الاول هو نشر ثقافتنا وتراثنا وان نعلم ونتعلم هذا هو الهدف
اختي الكريمه انا اشاطرك الرأي بأن اخواننا في فلسطين يتعرضون للأذى ويعلم الله ان قلوبنا وافئدتنا معهم ونسأل الله لهم النصر والتمكين ولكن هذا لايدعونا لأن نهاجم بعضنا البعض لمجرد الاختلاف في وجهات النظر
اخي ابن الاحقاف بارك الله فيك على هذه الكلمات الحكيمه التي سبقتنا بها
واخيرا اقول لأختنا بنت سيؤن ان سيؤن لها محل كبير وعزيز في قلوبنا ونحن جميعا بأنتظار مواضيعك الجميله جمال الطويله سيؤن

[بومحكم]

شكراً على ردودكم
ويمكن موضوعي جاء في وقت مهو وقته
لكن مهما تباحثنا وتكلمنا في مشاكل الامة التي تحدث الان
هل يستطيع احدكم ان يغير منها شيء ؟لاااعتقد

وبالنسبة للاخ اسف الاخت بنت سيئون على مااعتقد ان مابيدها شي تسويه
الا انها تشل الهاجر ومن زواج لزواج بتدخل فلوس كما """قبوسة""" المشترحة الكبيرة

[بنت سيؤن]

انت بومظلم منت بومحكم
وذا كلام مايجي الامن واحد فاضي زيك
والظاهر عليك الصبيانيه ومراهقتك خلها لك وحشا يكون لك ولد اسمه محكم
لكن العيب ماهو عليك على الشبامي المنافق حقكم اللي يشور يحذف ردي وكلامي بحجه انه كلام غير لايق وماشاف كلام بومظلم اللي كله قله حياء مثل وجهه ولو الشبامي فيه عداله ان كان حذف كلام هذا اللي مسمي عمره بومحكم وهو بومظلم:mad:
وباتشوفون الشبامي حقكم يوم يحذف كلامي لأن الصراحه ماتعجب ذي اليومين
وعجبي:confused:

[بومحكم]

يابنت سيئون حرام عليش انا ما قلت لش شي
ليش شايلة علي كذا
ايه ذنبي
ان كان الشبامي حذف شي من كلامش
فانا مالي حول
وصدقيني انا اكن لك كل احترام وتقدير وهنا وفي باقي المنتديات

[حائك الأحلام]

السلام عليكم ..

ياشباب مشاركاتكم قلت في المنتدى .. لايكون بس بسبب سوء التفاهم هذا ..
والله عيب عليكم
مع إني حضرمي واحب المشاكل والقيل والقال :D بس مو للدرجة ذي

موضوع بومحكم حلو ومافيه شي .. إذا قدرت بنت سيئون ترد ترد ... بس ماتزعل .. اما من ناحية انه مايتوافق مع الوضع في فلسطين وغيرها
فهذا ماله علاقه بذا ..
مو معقول نوقف حياتنا .. لو الواحد بيتحمل هم فلسطين وغيرها كان ماجاء على المنتديات اصلا .. والاخبار له اكثر من مصدر ..
المهم الموضوع بسيط ومايكون سبب في التفرقة .

والله مشكلة في الناس ..
مشكلة في الناس إن راضيتهم عادوك .. وإن عاديتهم طلبو رضاك :)
على فكرة هذا البيت .. ينفعك يابو محكم مرررررررره :)
وحفظّه اصحابك المساكين .. والله بيستفيدون منه .. وإني على ذلك لشهيد .

المهم خلوكم من الضبّة والشّحنه

وكل واحد على فصله.

[الشبامي]

الاخت بنت سيؤن
لك مني سلام وتحيه
رغم الكلام الجارح الذي ذكرتيه عني لكن لااقول الا اصلحك الله وماهكذا تورد الأبل!!!!!!!!!
والله لم اكن لأحذف كلمه مما ذكرتي لولا بعض الكلمات التي لايحق ذكرها واذا كان هناك اختلاف في الآراء فذلك لايفسد للود قضيه مثلما يقولون
ارحب بك اختي الكريمه واهلا بك مفيده مستفيده هنا في السقيفه
اخي الكريم حائك الأحلام رد جميل معبر ممايدل على حكمه جمه تمتلكونها

[بنت سيؤن]

يابومحكم صدقني مافي نفسي شي عليك لكن كان اعتراضي على توقيت موضوعك وليس على الموضوع نفسه لانه منحقك تقول ماتريد ، اما انت ياالشبامي سامحك الله لانني زعلت بصراحه لما حذفت بعض كلماتي رغم انه سقيفتكم فيها ميزه انه لايحذف شي منها
حائك الاحلام لك مني سلام!!!!!!
وسلام خاص وحار لك يابومحكم والعفو على المزله اذا اخطينا عليك واذا تشوفون بنت سيؤن غلطت عليكم فاني على استعداد لمغادره السقيفه الى غير رجعه والامر يرجع لكم

[صقر الصفراء]

اشقائي الأعزا المحترمين \ الشبامي \ ابومحكم\ والآخت العزيزه

بنت سيؤن حفظكم الله أمين

والله لاداعي لهذاء اعزائي ونحن الان تحت سقف واحد وابناء بلد واحد

ودم واحد فلاداعي للأختلاف نهائيآ ارجو من الجميع الود والتأخي

اماء الآخت بنت سيؤن فنحن فخرون انه لناء اخوات بهذه العقليه

وأتمنا منها مواصله السير معانا بالمركب الى شاطي الآمان

وارجو ان لاتذكر كلمه انسحاب لاأنها عزيزه عندنا ومقدرين شعورها

في أختلاف وجهات الننظر وارجو منها ترقب قصيدتي الجديده على

سيؤن وأهل سيؤن الذي نكن لهم كل حب وأحترام

تقبلو تحياتي

[الشبامي]

الاخت بنت سيؤن
مهما حصل من خلاف فنحن في الأخير اخوان في السقيفه واجتماعنا تحت سقفها هو للأستفاده والأفاده وليس للأختلاف
انت اخت فاضله ومرحب بك في كل وقت
ومغادرتك مرفوضه:)

[بومحكم]

صار خير
يمكن لان الاخت بنت سيئون كانت متفاعلة مع الوضع
عصبت شوي ولكن في البداية واللاخير كلنا اخوة في الله
وانشاء الله مايفرقنا الا الموت