واه دي ياعيالي شف دي ماهو سوا ياالشبامي

[عبود الشحري]

اول شي سلام عليكم ياعيالي
ثاني شي واه الكلام دي ياولدي يالشبامي ؟
قعدت مرطوس برع السقيفه ولاناقادر ادخل واه الشغله لي سويتها بس ولد ولدي عبود وافي عليه ماقصر (الليد دي طالع ليده دكي مره) وعرف يدخلنا للسقيفه وبعدين واه التحسينات الزينه لي عملتها في السقيفه دي صراحه حايه حلوه ماقصرت بس عادك لو تخلي دخلة السقيفه اسهل باتعمل معروف ياولدي
وشوفوا ياعيالي عمكم عبود ريع للسقيفه وماشاء الله نا شايف اوادم يم في السقيفه المره دي اكتر من اول
ونشوفكم على خير ياعيالي
تعال هنى ياعبود دحين كيه نسوي يوم نرسل الرساله دي في السقيفه
اااه تمام نضغط الزر دي لي تحت (ماهو عليكم نا نكلم عبود ولدي)

[طارق صالح بن حيدره]

ههههههههههههههههههههههههههههههههههه
حياااك الله يالشحري فعلا دمك خفيف
ومرحبااابك انت وولدك عبود

[ابو نوف]

السقيفه رفضت تفتح ابوابها للشحاريه اش السبب ماندري :FRlol:
لكن مايهمك مدام عندك عبود واسطته قويه مع الشبامي :FRlol:

حتى الاعضاء او ضيوف السقيفه يخافون من دخول الشحاريه للسقيفه الاّ اذا دخل من سدة السقيفه الا ماميه !!!
يرحبون به :rosie:

بكل ود وترحيب لك انت وابنك عبود السقيفه سقيفتكم ترحبكم وفي انتظار مشاركاتكم

[الشبامي]

حيا وسهلا بعمنا عبود الشحري
يارجال وينك وووين المغوبات ؟؟
قلنا اكيد عمنا عبود صار له شئ وكل نتفاقد سقيفة التهاني والمناسبات يمكن نحصل خبر من هنا ولا هناك (( لاتزعل ترى امزح معك )) :)
لكن تصدق والله لك وحشه بأسلوبك وبدمك الخفيف :)

[الشعف]

عمنا عبود يا .. ويا حيا
آنست ياعم عبود .. وشف السقيفة فقدتك يم .. دي واه دي كنك شردت وكدها هي .. شف ماهو سوى منك
شفك لك خرمه كما شرخ اللخم :D

سلم على ولد ولدك عبود ... وماشاء الله عليه لعاد تقول الشباميه مصّوه ;)

[جمال العطاس]

ياهلا بالعم عبود ويامرحبا !!
السقيفة تطورت يم ياعم عبود .. والشبامي سوى فيها حركات وايده
حيا بك ياعم عبود مشتاقين لك يم يم

[المدودي]

هلا وسهلا باللي غابوا علينا
و ين رحت يا عمّنا ؟؟
أشتقنا لك و اشتقنا لخرطانك الزينه لي ما تمتل

و الله يخلّي لك عبود .. رجل المهمّات الصعبه

و عبود هوذاك هو ...

[خالدالزبيدى]

ياهلا وسهلا بعبود ومن معة

[عبود الشحري]

واه دي ماشاء الله عمكم عبود له شعبيه في السقيفه ونا مانا داري
شوفوا ياعيالي بارد عليكم واحد واحد
طارق واه الضحكه الزينه دي ياولدي شفنا سمعتها من برع السده الله يديم الافراح
يابونوف ياولدي حق واه تخاف من الشحاريه؟
وبعدين تعال لا هنى عاد شي سدد خلفيه عندك ونا مانا عارف شف عمك عبود يحب يدخل من السدد الخلفيه
ان معك سده خلفيه قل لعمك عبود باتعمل معروف معه
يالشبامي ياولدي شف دي ماهو ريض منك الشغله كل بوها تمام بس الدخله احيانا الى السقيفه تتعب عمك عبود ونا المفاتيح كترت بيدي ولعادنا داري وين مفتاح السقيفه لي بايضبط معي
وبعدين تعال لا هنى تتفاول على عمك عبود حق واه لي تبغانا نموت منشان تشوف اسمي في سقيفه المناسبات
ولدي شعف شف اسمك بغيت الصدق يفزع بس قل واه معناته شعف؟
وبعدين واه قصه الشرخ لي دكرته في كلامك معك شي شرخ ولا واه ياولدي ( بغيت واه بالفضول حق بوك ياعبود نا قصدي شرخ لخم ،، دي ولدي عبود فضول في امه زايد بغى بايعرف واه الشرخ؟)
واه دي ولدي يمال ياحيتين ياحيتين شفنا حبك لله في الله يايمال وشف شعرك زين يم( كتب الكسره ياعبود سوا انتبه تسويها فتحه شف ولدي يمال بايزعل )
ودي ولدنا المدودي ياحيابك وبعدين واه قصه عبود هوداك هو من قال لك هوداك هو شفه كبر ماشاء الله عليه وان بغيت باتشوفه تعل عندنا في الشحر باوريك اياه
ياخالد ياولدي مامعي حد بس ولد ولدي عبود مغتي بي وبعدين ياولدي شفنا اكبر منك ويمكن اعرف بوك ليه ماتقول عمي عبود
عبود شفهم كلهم يسلمون عليك سمعت
هيا اضغط الزر لي تحت خلنا نقوم ننام

[الشعف]

علّ لبوك الراعه ياعم عبود :D .. واه من شرخ معي لك شرخه في كورك ؟؟
بغيت شاروخ واسخانا بك >>> (بغيت واه بالفضول يابوشعفان .. ذلا عمك عبود خذ ماطاب منه .. شيبه مخرّف واحترامه وايب علينا :D )

وبعدين اشوف اسم الشعف كلهم ماهو عايبكم ؟؟؟
واه بغيتونا نلقي .. ماحد يبدل ببوه يني !!
والمعنى في بطن الشاعر ...

ويقولون لاكدك رايح كتّر بالفضايح ,,,