سبع الليل
08-03-2005, 10:43 AM
أبديت بسم الله خالق شمسها وظلالها=وخالق الاشجار لي تلقي ثمرها والظلال
سالك بحق ياسين تنسم قيدها وحبالها=وتعين عبدك لي مقيد بالسلاسل والحبال
صلوا على طه عدد ماشوعت بهلالها=وعد ما شرقت وغابت شمس من بعد الهلال
سلام للدار الكبيره والسدد وأقبالها=وعالمعلم لي لقاله سهم من تحت الاقبال
وسلام ثاني قال شاعر خص به لرجالها=أهل الفضايل والكرم ياخيرها ذيك الرجال
ذا فصل بانبداء بكلمه من زمن قد قالها=شاعر من الصفراء رواها في الروايا والمقال
شاعر يجيد القول والكلمه يجيد أرسالها=اذا كلمة صدق راعدها رعد والسيل سال
شاف السباعيه الطويله قد قصرن أذبالها=وتمرمطت في القاع ما عزت حمـمها والاذبال
والشاه لي سرحت تسحبل حبلها وشمالها=دقوا بها غشمان ماعرفوا يربطون الشمال
خلو لبنها للسرق سابر وركوا حالها=ما فكروا ذا رزق جاهم من حرام او من حلال
شبعوا الحراميه وأما الجوع قسم عيالها=والظلم والحرمان وقًع لليتيمه والعيال
ياخير والله شاه عقروها خباث أعمالها=ما جازت الرحمه ولا الشفقه لخبيثين الاعمال
والمشكله بقارها خرب على جمالها=خلاء البقر في الجربه الزينه ينطحن الجمال
أيش بايكالف قوم لا شرع خطر زلزالها=يقطون عاالاخظر وعااليابس وعاالصافي الزلال
أما السباعيه رموها للبقر وتلالها=لا نعنبوكم لي لقيتوا الموشحيه للتلال
خمسه وستين الف ماتوا في صروم قتالها=وتغير التركوب من بعد المعارك والقتال
الهند كسبوها وباكستان شلو شالها=لا ضاع شالك قل لبوسالم سرح من غير شال
وضو الى بيت الحكم لي هو نصب تمثالها=وضرب تحيه للمقدم بالادب وألامتثال
قل له يعزون اليتيمه ما بغينا أذلالها=ولا بغينا أهل الخيانه يسكنوها والذلال
من يوم قامت راسها رافع وقوة فالها=ولا قد سكني يذللها ولا شيطان فال
ومن قال بابيت حراسه قيم فوق أقفالها=جبنا له الباروت لي يعدم سددها وألاقفال
قل له تفقد في قصار الشُرف هن وطوالها=والعيلمانيات شغل الجرمني لي هن طوال
وان شفت شي ما هو سواء شاور نشد عقالها=والعاصيه شف ما لبوها الا الفدامه والعقال
هل شي بصر هل شي نظر حد بايحل سوالها=نحن تعبنا ياعرب من كثر تلقين السوال
الرجل لي فيها المرض لابد لزوم أفصالها=لأن المرض يسري أذا ما داركوها بأنفصال
ما ينفع الدكتور والدكتور من عذالها=هاتوا لها صاحب يداويها بحكمه وأعتدال
أما الذي هو جاء يداويها طمع في مالها=قصده يروم الورث لي هو في خزاينها الثقال
كل من فهم قصدي أنا باقول ذا خيالها=ولي مافهم ماعذر بيشًغل دماغه والخيال
غابت نجوم الليل والشهر أنكسف مرثاه لها=وسهيل والبلده مع نجم الثرياء بالمثال
والعفو ياالاخوان هذا وصفها وكمالها= ما حد في الدنيا مكمًل غير لله الكمال
والختم صلو عد ماهبت رياح رمالها=وعد ما غاثت وخضًرن المراعي والرمال
سالك بحق ياسين تنسم قيدها وحبالها=وتعين عبدك لي مقيد بالسلاسل والحبال
صلوا على طه عدد ماشوعت بهلالها=وعد ما شرقت وغابت شمس من بعد الهلال
سلام للدار الكبيره والسدد وأقبالها=وعالمعلم لي لقاله سهم من تحت الاقبال
وسلام ثاني قال شاعر خص به لرجالها=أهل الفضايل والكرم ياخيرها ذيك الرجال
ذا فصل بانبداء بكلمه من زمن قد قالها=شاعر من الصفراء رواها في الروايا والمقال
شاعر يجيد القول والكلمه يجيد أرسالها=اذا كلمة صدق راعدها رعد والسيل سال
شاف السباعيه الطويله قد قصرن أذبالها=وتمرمطت في القاع ما عزت حمـمها والاذبال
والشاه لي سرحت تسحبل حبلها وشمالها=دقوا بها غشمان ماعرفوا يربطون الشمال
خلو لبنها للسرق سابر وركوا حالها=ما فكروا ذا رزق جاهم من حرام او من حلال
شبعوا الحراميه وأما الجوع قسم عيالها=والظلم والحرمان وقًع لليتيمه والعيال
ياخير والله شاه عقروها خباث أعمالها=ما جازت الرحمه ولا الشفقه لخبيثين الاعمال
والمشكله بقارها خرب على جمالها=خلاء البقر في الجربه الزينه ينطحن الجمال
أيش بايكالف قوم لا شرع خطر زلزالها=يقطون عاالاخظر وعااليابس وعاالصافي الزلال
أما السباعيه رموها للبقر وتلالها=لا نعنبوكم لي لقيتوا الموشحيه للتلال
خمسه وستين الف ماتوا في صروم قتالها=وتغير التركوب من بعد المعارك والقتال
الهند كسبوها وباكستان شلو شالها=لا ضاع شالك قل لبوسالم سرح من غير شال
وضو الى بيت الحكم لي هو نصب تمثالها=وضرب تحيه للمقدم بالادب وألامتثال
قل له يعزون اليتيمه ما بغينا أذلالها=ولا بغينا أهل الخيانه يسكنوها والذلال
من يوم قامت راسها رافع وقوة فالها=ولا قد سكني يذللها ولا شيطان فال
ومن قال بابيت حراسه قيم فوق أقفالها=جبنا له الباروت لي يعدم سددها وألاقفال
قل له تفقد في قصار الشُرف هن وطوالها=والعيلمانيات شغل الجرمني لي هن طوال
وان شفت شي ما هو سواء شاور نشد عقالها=والعاصيه شف ما لبوها الا الفدامه والعقال
هل شي بصر هل شي نظر حد بايحل سوالها=نحن تعبنا ياعرب من كثر تلقين السوال
الرجل لي فيها المرض لابد لزوم أفصالها=لأن المرض يسري أذا ما داركوها بأنفصال
ما ينفع الدكتور والدكتور من عذالها=هاتوا لها صاحب يداويها بحكمه وأعتدال
أما الذي هو جاء يداويها طمع في مالها=قصده يروم الورث لي هو في خزاينها الثقال
كل من فهم قصدي أنا باقول ذا خيالها=ولي مافهم ماعذر بيشًغل دماغه والخيال
غابت نجوم الليل والشهر أنكسف مرثاه لها=وسهيل والبلده مع نجم الثرياء بالمثال
والعفو ياالاخوان هذا وصفها وكمالها= ما حد في الدنيا مكمًل غير لله الكمال
والختم صلو عد ماهبت رياح رمالها=وعد ما غاثت وخضًرن المراعي والرمال