دمعة حزن
08-13-2005, 05:25 PM
بعد غياب لي عن السقيفة دام طويلاً نظرا لسفري
فاني أعود إليها بشوق وحنين لا يعرفه إلا من ذاق الابتعاد عنها،لأني بجد أحببت السقيفة وحلانها
حبيت ارجع لكم بالجزء الثاني من موضوعي إلي كتبته من مده طويلة موضوع(مقالب *مقالب)وقررت أن احكي لكم المقلب إلي كان الأستاذ المسكين بيروح فيها
والله أيام الدراسة الثانوية أيام صعب احد يسناها وخاصة أخر سنه.. سنه الشهادة الثانوية طلعنا كل الشقاوة حقي أنا وشلتي من البنات وكنت في الشلة نائبة الزعيمة مع إني كنت اصغر منهم بس كنت احضى بمعزه خاصة لدى الزعيمة مما جعلها تقربني إليها بمنزلة نائبة الزعيمة وكانت شلتنا مع إننا جميعا من المتفوقات والمجتهدات إلا إننا مشاغبات ولسه تصرفاتنا زي الأطفال وكل يوم يلاقونا عند المديرة بسبب مشاغباتنا والمقالب إلي نسويها في المدرسين والمدرسات تقول والله عيال مو بنات بس والله أيام.. معاد خلينا لقب على مدرس أو مدرسه إلا لقبناها به وكانت شلتنا هي إلي تتطلع الألقاب تشوف احد من المدرسين اسمه الشاعر الحساس لأنه كل يوم هو والبويم تبعه كان بيدرسنا إنجليزي وكل يوم معارك معاه وانتهى بنا الحال إلا إن خليناه يسيب المدرسة (بيني وبينكم يستاهل لأنه قليل حياء ومايستاهل انه يربي أجيال )
واحد نسميه بحبوح لأنه فيه كرش كبير واحد اسمه صقر قريش لأنه ما شاء الله عيونه تقول صقر والمدرسات واحده حبابه لأنها تمشي وتسحب على رجولها وطول الحصة وهي جالسه في الكرسي تشرح لنا الدرس وهي جالسه، وعندنا مدرس في الفيزياء روعه يهبل كلامه ممطط كل كلمه من كلامه تستغرق خمس دقايق، من يوم يبداء في الدرس ونحنا نضحك وعاد أنا مفضوحة يوم اضحك ما اسكت منشان كده في حصته اطلع الصف الاخير عشان اضحك براحتي
وكمان فيه بنت من البنات إلي بالصف ما تحب تفطر في البيت تحب تفطر في حصته
تجيب البراوطه حقها والفول وساعة بيض وتأكل طبعا من تحت البرقع
تقول بصراحة في حصته شهيتها تنفتح للأكل وتشوف الصف كله ريحة براوطه والأستاذ كل شوي يلتفت للباب بيغى يعرف الريحه تتطلع من وين مسكين أستاذ والله هو الوحيد إلي ما عملنا له مقلب لأنه خلاص يكفي انه من يوم يدخل ونحنا نضحك ومن يوم تبداء الحصة إحنا في وادي وهو في وادي ثاني محد معه طول كل واحد في همه والله أجي احضر دروس المواد التانيه في حصته والي تقول له أستاذ بخرج
وشوي والصف فاضي مسكين ايش بيسوي بنا بنات وآخر سنه كان المفروض إننا نكون اعقل من كده بس ايش نسوى غشمان زي مايقولو
أما أستاذ الاسلاميه هو اكتر واحد داق من مقالبنا وفيه مقلب أنا ما اشتركت فيها وحطوها في راسي وبترككم مع أحداث المقلب
في يوم واحد ابريل كنت أنا مريضه وغبت عن المدرسة وما كنت اعرف انه يوم كذبة ابريل بس اتاري شلتي مخططين في الاستراحة إنهم يعملو كذبه ابريل في الأستاذ وأنا طبعا غايبه وما كنت ادري بالمؤامرة
المهم صادف الأستاذ يومها غاب هو الثاني وألاقي رسايل تجيني من شلتي إلي تقول لي كيف شفتي القبر والي تقول إلى المرحومة وأنا مو داريه عن شي المهم اليوم الثاني غبت كمان لأني لسه تعبانه وهم ايش عملو طلبو من بنت عمتي إنها تجيب لهم مصحف وكمان ريحان وورود واتفقت معهم على المؤامرة على الأستاذ
وأنا والله ولا داريه عن شي المهم ايش عملو البنات
جابو المصحف وفتحوا على سورة يس ونثرو الورود والريحان في مكاني وصحبتي إلي جالسه جنبي ما جلست في مكانها رحت جنب الشلة كلهم انحشروا في ميزين والبنات غطو وجوههم ببراقع حتى عيونهم غطوهم والي مو متبرقعات شحتو لهم كم برقع من الصف الثاني و خلوهم يتبرقعوا إلا العراقيات طبعا المهم يدخل الاستاذالصف وكانت الحصة الاخيره ويلاقي الصف كله اسود ايش فيهم الجماعة كلهم كده اتطوعو فجاءه وغطو وجوههم مره وحده أكيد فيه سبب المهم لاحظ الأستاذ الورود والمصحف في مكاني، جاء السلام عليكم يا بنات ولا وحده منهم ترد
كررها الأستاذ ولا وحده ردت المهم الأستاذ يقول ايش فيكم يا بنات كنم احد فيه شي وهو يطالع في مكاني لأني كنت بالصف الأول
ألا يقولوا له أستاذ البنت تعبانه مره (يقصدون صحبتي إلي تجلس جنبي )لأنها من يوم دخل الأستاذ وهي نوطيه رأسها في الميز قال لهم طيب خرجوها وأعطوها ماء تشرب وقامت الزعيمة نبغى تاخد يدها إلا وطاحت صحبتي في الميز تبكي وأستاذ شوي وبيجن ايش فيكم في الحقيقة كانت صحبتي تضحك بس كانت أكتافها تهز ولأنها مبرقعة الواحد يفتكر إنها تبكي المهم إلا ويقولوا له يااستاذ الحضرمية أمس جاتها سكته قلبيه وماتت (الله يجير من السكتة موتوني بالحياء )أستاذ شهق شهقة ومسك رأسه وادر ظهره إلى السبورة مسكين يبغى يبكي بصراحة إلا ووحده من العراقيات تنط وتقول لا يااستاذ هم بيكذبو اليوم كذبة ابريل أستاذ كأنه ارتاح شوي لفت فيهم وأعطاهم محاضره وقال لهم الحضرمية تدري بالي عملتموه عارفين الخايسات ايش قالوا؟ قالوا ايوه يااستاذ هي إلي رتبتها وخططتها قال لهم متأكدين قالو ايوه بصراحة أستاذ زعل مني مره لأني كنت اشطر طالبة عنده في مادة الاسلاميه وكنت دايما أتناقش معها في الدروس وآخر محاضرات الشيوخ وكده.
المهم يجي اليوم الثاني إلا والبنات كل وحده منهم تاخدني بالاحضان ايش فيكم ايش الحب إلي ظهر لي فجاءه حكوا لي الحكايه انا بصراحه ضحكت بس يوم قالو لي انه استاذ زعلان وإنهم حطوها في راسي انقهرت دخل الأستاذ الصف وقال لي يالحضرميه أوقفي ووقفت وقال لي أنتي إلي خططتي للي صار أمس بصراحه لو قلت لا صحباتي بيطلعوا كذابات وبفشلهم قدام الصف( ولأنه كان بيننا العراقيات ماكانو مقتنعين بالفكرة بس لما قالوا لهم إني انا صاحبه الفكرة سكتوا كيف وأنا إلي اعمل لهم كل شويه محاضره عامله لهم شيخه) كرر علي السؤال فكرت في نفسي وقلت لو قلت ايوه استاذ بيزعل وخلاص ما بكون عنده من الطالبات المميزات المهم لازم أتحملها مو انا نائبة الزعيمة قلت له ايوه يااستاذ انا خططت نظر إلي استاذ كأنه مو مصدق وقال خلاص طيب جلسي
وكمل الدرس حقه وخرج وأنا خرجت بسرعة اجري وراه وقلت له الحكايه بالكامل وكيف إني تحملت منشان ما كنت أبغى افشل صحباتي
قدام الصف كله استاذ قال لي حتى انا ما توقعت أنش ممكن تخططي لشي زي كده أنتي طالبة شاطره عندي ومؤدبه
وعطاني كلمتين في انه الكذب واحد لا ابيض ولا اسود لا كذبه ابريل ولا غيرها
المهم إلا ماتجي الحصة الاخيره إلا والخبر منتشر في المدرسة كلها
انه بنات عملوا مقلب في أستاذهم وجات المديرة واستدعتني لأنها تعرفني ونحنا شبه قرايب وتقول لي ايش إلي عملتنه في مدرسكم مو عيب عليكم وجلست تهزئ في وأنا ساكتة شوي و ببكي لأني تحملت كل شي انا مع انه مالي ذنب بس خلاص كله ده عشان انقد سمعة الشلة من التلطيخ..والحمد لله أنقدتها بس على حسابي ضل المقلب الموضوع الشاغل في المدرسة يومين وبعدين نسى الجميع
وانتهى مقلبنا وفي نهاية العام يجي يودعنا استاذ ويقول هذي آخر مره ادرس فيها بنات انا عمري ما شفت بنات كماكم بالرغم من شطارتكم إلا إنكم مشاغبات ومسكين استاذ جاب لنا بناته عشان نشوفهم ورحت انا وشلتي نعتذر من الأستاذ بشكل شخصي لأننا إحنا إلي كنا نعمل له المقالب إلا انه كان قلبه كبير وسامحنا قال انتن لسه ما كبرتن عقولكن فاضيه وأعطانا كم نصيحة إلا وشوي قدنا نبكي تقول ميتم لأنه بصراحه هذا الأستاذ أكثر من استاذ لنا
كان المرشد على صفنا وكان الأب الحنون علينا
بس إحنا إلي قليلات حياء استهبلنا به من طيبته الزايده معنا
يا الله مرت السنتين بسرعة واخرج للسوق وألاقي استاذ مع حرمته وبناته انا يوم شفته شوي وبجري لعنده وبكلمه بس تذكرت أني خلاص كبرت المفروض إني أكون اعقل من كده خلاص صرت بنت جامعيه
وانتهت أيام الحضرمية وشلتها في الثانوية وكل وحده راحت لمصيرها ولمستقبلها وعسى نقول إننا نجتمع مره ثانيه
وتحياتي للجميع
أختكم..الحضرمية
فاني أعود إليها بشوق وحنين لا يعرفه إلا من ذاق الابتعاد عنها،لأني بجد أحببت السقيفة وحلانها
حبيت ارجع لكم بالجزء الثاني من موضوعي إلي كتبته من مده طويلة موضوع(مقالب *مقالب)وقررت أن احكي لكم المقلب إلي كان الأستاذ المسكين بيروح فيها
والله أيام الدراسة الثانوية أيام صعب احد يسناها وخاصة أخر سنه.. سنه الشهادة الثانوية طلعنا كل الشقاوة حقي أنا وشلتي من البنات وكنت في الشلة نائبة الزعيمة مع إني كنت اصغر منهم بس كنت احضى بمعزه خاصة لدى الزعيمة مما جعلها تقربني إليها بمنزلة نائبة الزعيمة وكانت شلتنا مع إننا جميعا من المتفوقات والمجتهدات إلا إننا مشاغبات ولسه تصرفاتنا زي الأطفال وكل يوم يلاقونا عند المديرة بسبب مشاغباتنا والمقالب إلي نسويها في المدرسين والمدرسات تقول والله عيال مو بنات بس والله أيام.. معاد خلينا لقب على مدرس أو مدرسه إلا لقبناها به وكانت شلتنا هي إلي تتطلع الألقاب تشوف احد من المدرسين اسمه الشاعر الحساس لأنه كل يوم هو والبويم تبعه كان بيدرسنا إنجليزي وكل يوم معارك معاه وانتهى بنا الحال إلا إن خليناه يسيب المدرسة (بيني وبينكم يستاهل لأنه قليل حياء ومايستاهل انه يربي أجيال )
واحد نسميه بحبوح لأنه فيه كرش كبير واحد اسمه صقر قريش لأنه ما شاء الله عيونه تقول صقر والمدرسات واحده حبابه لأنها تمشي وتسحب على رجولها وطول الحصة وهي جالسه في الكرسي تشرح لنا الدرس وهي جالسه، وعندنا مدرس في الفيزياء روعه يهبل كلامه ممطط كل كلمه من كلامه تستغرق خمس دقايق، من يوم يبداء في الدرس ونحنا نضحك وعاد أنا مفضوحة يوم اضحك ما اسكت منشان كده في حصته اطلع الصف الاخير عشان اضحك براحتي
وكمان فيه بنت من البنات إلي بالصف ما تحب تفطر في البيت تحب تفطر في حصته
تجيب البراوطه حقها والفول وساعة بيض وتأكل طبعا من تحت البرقع
تقول بصراحة في حصته شهيتها تنفتح للأكل وتشوف الصف كله ريحة براوطه والأستاذ كل شوي يلتفت للباب بيغى يعرف الريحه تتطلع من وين مسكين أستاذ والله هو الوحيد إلي ما عملنا له مقلب لأنه خلاص يكفي انه من يوم يدخل ونحنا نضحك ومن يوم تبداء الحصة إحنا في وادي وهو في وادي ثاني محد معه طول كل واحد في همه والله أجي احضر دروس المواد التانيه في حصته والي تقول له أستاذ بخرج
وشوي والصف فاضي مسكين ايش بيسوي بنا بنات وآخر سنه كان المفروض إننا نكون اعقل من كده بس ايش نسوى غشمان زي مايقولو
أما أستاذ الاسلاميه هو اكتر واحد داق من مقالبنا وفيه مقلب أنا ما اشتركت فيها وحطوها في راسي وبترككم مع أحداث المقلب
في يوم واحد ابريل كنت أنا مريضه وغبت عن المدرسة وما كنت اعرف انه يوم كذبة ابريل بس اتاري شلتي مخططين في الاستراحة إنهم يعملو كذبه ابريل في الأستاذ وأنا طبعا غايبه وما كنت ادري بالمؤامرة
المهم صادف الأستاذ يومها غاب هو الثاني وألاقي رسايل تجيني من شلتي إلي تقول لي كيف شفتي القبر والي تقول إلى المرحومة وأنا مو داريه عن شي المهم اليوم الثاني غبت كمان لأني لسه تعبانه وهم ايش عملو طلبو من بنت عمتي إنها تجيب لهم مصحف وكمان ريحان وورود واتفقت معهم على المؤامرة على الأستاذ
وأنا والله ولا داريه عن شي المهم ايش عملو البنات
جابو المصحف وفتحوا على سورة يس ونثرو الورود والريحان في مكاني وصحبتي إلي جالسه جنبي ما جلست في مكانها رحت جنب الشلة كلهم انحشروا في ميزين والبنات غطو وجوههم ببراقع حتى عيونهم غطوهم والي مو متبرقعات شحتو لهم كم برقع من الصف الثاني و خلوهم يتبرقعوا إلا العراقيات طبعا المهم يدخل الاستاذالصف وكانت الحصة الاخيره ويلاقي الصف كله اسود ايش فيهم الجماعة كلهم كده اتطوعو فجاءه وغطو وجوههم مره وحده أكيد فيه سبب المهم لاحظ الأستاذ الورود والمصحف في مكاني، جاء السلام عليكم يا بنات ولا وحده منهم ترد
كررها الأستاذ ولا وحده ردت المهم الأستاذ يقول ايش فيكم يا بنات كنم احد فيه شي وهو يطالع في مكاني لأني كنت بالصف الأول
ألا يقولوا له أستاذ البنت تعبانه مره (يقصدون صحبتي إلي تجلس جنبي )لأنها من يوم دخل الأستاذ وهي نوطيه رأسها في الميز قال لهم طيب خرجوها وأعطوها ماء تشرب وقامت الزعيمة نبغى تاخد يدها إلا وطاحت صحبتي في الميز تبكي وأستاذ شوي وبيجن ايش فيكم في الحقيقة كانت صحبتي تضحك بس كانت أكتافها تهز ولأنها مبرقعة الواحد يفتكر إنها تبكي المهم إلا ويقولوا له يااستاذ الحضرمية أمس جاتها سكته قلبيه وماتت (الله يجير من السكتة موتوني بالحياء )أستاذ شهق شهقة ومسك رأسه وادر ظهره إلى السبورة مسكين يبغى يبكي بصراحة إلا ووحده من العراقيات تنط وتقول لا يااستاذ هم بيكذبو اليوم كذبة ابريل أستاذ كأنه ارتاح شوي لفت فيهم وأعطاهم محاضره وقال لهم الحضرمية تدري بالي عملتموه عارفين الخايسات ايش قالوا؟ قالوا ايوه يااستاذ هي إلي رتبتها وخططتها قال لهم متأكدين قالو ايوه بصراحة أستاذ زعل مني مره لأني كنت اشطر طالبة عنده في مادة الاسلاميه وكنت دايما أتناقش معها في الدروس وآخر محاضرات الشيوخ وكده.
المهم يجي اليوم الثاني إلا والبنات كل وحده منهم تاخدني بالاحضان ايش فيكم ايش الحب إلي ظهر لي فجاءه حكوا لي الحكايه انا بصراحه ضحكت بس يوم قالو لي انه استاذ زعلان وإنهم حطوها في راسي انقهرت دخل الأستاذ الصف وقال لي يالحضرميه أوقفي ووقفت وقال لي أنتي إلي خططتي للي صار أمس بصراحه لو قلت لا صحباتي بيطلعوا كذابات وبفشلهم قدام الصف( ولأنه كان بيننا العراقيات ماكانو مقتنعين بالفكرة بس لما قالوا لهم إني انا صاحبه الفكرة سكتوا كيف وأنا إلي اعمل لهم كل شويه محاضره عامله لهم شيخه) كرر علي السؤال فكرت في نفسي وقلت لو قلت ايوه استاذ بيزعل وخلاص ما بكون عنده من الطالبات المميزات المهم لازم أتحملها مو انا نائبة الزعيمة قلت له ايوه يااستاذ انا خططت نظر إلي استاذ كأنه مو مصدق وقال خلاص طيب جلسي
وكمل الدرس حقه وخرج وأنا خرجت بسرعة اجري وراه وقلت له الحكايه بالكامل وكيف إني تحملت منشان ما كنت أبغى افشل صحباتي
قدام الصف كله استاذ قال لي حتى انا ما توقعت أنش ممكن تخططي لشي زي كده أنتي طالبة شاطره عندي ومؤدبه
وعطاني كلمتين في انه الكذب واحد لا ابيض ولا اسود لا كذبه ابريل ولا غيرها
المهم إلا ماتجي الحصة الاخيره إلا والخبر منتشر في المدرسة كلها
انه بنات عملوا مقلب في أستاذهم وجات المديرة واستدعتني لأنها تعرفني ونحنا شبه قرايب وتقول لي ايش إلي عملتنه في مدرسكم مو عيب عليكم وجلست تهزئ في وأنا ساكتة شوي و ببكي لأني تحملت كل شي انا مع انه مالي ذنب بس خلاص كله ده عشان انقد سمعة الشلة من التلطيخ..والحمد لله أنقدتها بس على حسابي ضل المقلب الموضوع الشاغل في المدرسة يومين وبعدين نسى الجميع
وانتهى مقلبنا وفي نهاية العام يجي يودعنا استاذ ويقول هذي آخر مره ادرس فيها بنات انا عمري ما شفت بنات كماكم بالرغم من شطارتكم إلا إنكم مشاغبات ومسكين استاذ جاب لنا بناته عشان نشوفهم ورحت انا وشلتي نعتذر من الأستاذ بشكل شخصي لأننا إحنا إلي كنا نعمل له المقالب إلا انه كان قلبه كبير وسامحنا قال انتن لسه ما كبرتن عقولكن فاضيه وأعطانا كم نصيحة إلا وشوي قدنا نبكي تقول ميتم لأنه بصراحه هذا الأستاذ أكثر من استاذ لنا
كان المرشد على صفنا وكان الأب الحنون علينا
بس إحنا إلي قليلات حياء استهبلنا به من طيبته الزايده معنا
يا الله مرت السنتين بسرعة واخرج للسوق وألاقي استاذ مع حرمته وبناته انا يوم شفته شوي وبجري لعنده وبكلمه بس تذكرت أني خلاص كبرت المفروض إني أكون اعقل من كده خلاص صرت بنت جامعيه
وانتهت أيام الحضرمية وشلتها في الثانوية وكل وحده راحت لمصيرها ولمستقبلها وعسى نقول إننا نجتمع مره ثانيه
وتحياتي للجميع
أختكم..الحضرمية